奧斯卡時裝秀10

遲咗啦.. 遲咗啦..
由於昨晚要出席舊同事的婚宴，
所以《奧斯卡時裝秀》攤了一日才登場！

今年在奧斯卡紅地氈上亮相的晚裝，
不見太多令人瞪大眼的設計，
但幸好“唔掂”的也不算太多。
另外我又留意到很多女星都犯了同一個大錯，
就是.. 站姿極不正確！
最佳例子是Miley Cyrus，
她今年所選的晚裝已比去年進步很多，
但她一站出來又寒背又縮膊，
就選更好的設計也不會好看的！
所以髮型、化妝、衣裝、首飾外，儀態也是絕不能忽視的！

好啦，開場白講完，
要揭曉今年的《最劣晚裝獎》花落誰家啦~

第5位 - Diane Kruger in Chanel Haute Couture
來自德國的模特兒及女演員，憑電影《希魔撞正殺人狂》而得機會現身奧斯卡。作為名模當然得到多個大牌子爭相獻媚，最後得勝的是香奈兒。Diane Kruger穿上/配帶Chanel Hature Couture及Chanel珠寶，贏了牌子但失了條腰！腰間至膝下實在“花”多眼亂，視覺上令腰及長腿得超短，比例錯晒！

第4位 - Tina Fey in Michael Kors
頒獎嘉賓之一的Tina Fey，是劇作家、演員及配音員 ，絕對稱得上是才女一名，但論fashion sense就似乎欠缺了一點點。黑色單膊閃片晚裝，設計很師奶，如果前面的叉開得勁高 (露腿) 又或者將裙擺改成修長拖尾，整個look都會100%轉變！


第3位 - Vera Farmiga in Marchesa
憑《寡佬飛行日記》獲提名最佳女配角的Vera Farmiga，本身不屬靚(中)女一族，但行自然look是幾令人舒服的，就如在《寡》片中的短髮造型，清爽怡人。哎呀， 一去到奧斯卡就出事添！首先髮型與化妝都太…. 老氣，驟眼看以為是另一皺皮女星Sarah Jessica Parker！而身穿的Marchesa晚裝亦太多details，雖云ruffles是今年大熱items，但始終物極必反囉，望埋去一堆嘢咁，大交叉！


第2位 - Zoe Saldana in Givenchy Haute Couture
《阿凡達》女星Zoe Saldana以Givenchy Hature Couture及Lorraine Schwartz鑽飾登場！這條裙是典型咩都擺啲上去的設計：上半身 - 金色，閃的；下半身 - 又開叉又拖尾，再加多堆洗碗海綿添！唔夠下嘛，幾隻顏色囉.. 夠未？夠晒有凸啦！！


第1位 - Charlize Theron in Dior
以為今年沒有Nicole Kidman都有個Charlize Theron頂住，點知.. 衰成咁架？Charlize Theron一向在隆重場合所挑的衣服都從無失手，但今次一衰就貼晒地，陰功！這條Dior晚裝在顏色上已先輸一仗，因為粉紫色本身已不是一隻“太靚”的colour。另外，條裙好像無熨過咁，下半截同尾擺皺到不堪，不過最最最最最攞膽的是胸前的兩pat嘢，我個人就覺得好似有兩隻怪手從後搓her breast咁囉，失敗！


至於《最佳晚裝獎》方面，
往年品牌常客Balenciaga，今年芳蹤杳然，
反而一些美國本土品牌如Marchsea卻大放異彩！
今年5大位置以外都有好幾位滄海遺珠，
例如：最佳女主角提名之一，《少女失樂園的》Carey Mulligan、
《吸血新世紀》女主角Kristen Stewart、
憑《聲聲相識》提名最佳女配角的Maggie Gyllenhaal、
以至到第17度得到提名的梅麗史翠普等等！

第5位 – Helen Mirren in Badgley Mischka
誰說扮靚是後生女天下？君不見現年65歲的Helen Mirren也可跟一眾打了或未打botox的女星爭一日之長短嗎？Badgley Mischka銀灰色晚裝，加一點點Chopard鑽飾點綴，既高雅又配合其年紀，幾乎貴氣過英女皇呀！


第4位 – Kate Winslet in YSL
Kate Winslet是去年本卜的《最佳晚裝獎》得主，今年只負責頒發最佳女主獎，所以挑了這件實而不華，閃而不俗的銀色晚裝，相對地較為低調。雖然衣裝低調但肥溫卻在首飾上落重本，她帶上的Tiffany耳環、頸鍊、手鈪及介指合共250萬美元架，價錢wise是全場女星之冠。

第3位 - Nicole Richie in Reem Acra
話題之女Nicole Richie近期最熱辣辣的新聞當然是跟靚仔歌手Joel Madden定婚啦！可能人逢喜事，著咩都靚。首度踏足奧斯卡紅地氈，以一身60年代波希米亞風造型登場 - Reem Acra classic silhouette圖案晚裝配Lorraine Schwartz黑白金首飾，再加上同一colour tone的化妝，型過不知幾多當今super model！

第2位 - Demi Moore in Versace
嘩.. 真是好久不見！久久沒有新作的Demi Moore，在今年將會有3部電影上影，今番以大勇狀態亮相奧斯卡，好像要告訴大家：我回歸啦！一向被評品味欠佳的她，今次收起過於masculine 的一面 (身上了肌肉)，穿上Versace收身晚裝襯Van Cleef & Arpels，將女性嫵媚的一面放大，立即被網民激讚。雖然晚裝的設計也有很多details，但Demi Moore身型一流，穿起絕無累贅之感，加上簡單的髮型及化妝，坐亞望冠，成功突圍。

第1位 – Sandra Bullock in Marchsea
恭喜晒，出道廿年的Sandra Bullock終於以《守護有心人》奪得奧斯卡影后寶座！在頒獎禮上，除了其風趣幽墨的致謝詞被受讚賞外，她一身高貴絕論的打扮亦令各界拍爛手掌。Marchsea閃亮銀色satin通花拖地晚裝，令人眼前一亮。長帶微曲的髮型，可減低其面型的三尖八角度。不過個人認為最畫龍點睛之處是其烈艷紅唇，令整個造型靚上加靚！這個化妝師要長期book啦下嘛？！

奧斯卡時裝秀09
奧斯卡時裝秀08
奧斯卡時裝秀07