12.16.2009

速報!75年度最上鏡小姐在家中安詳離世

昨日misshkbeauties.com的網主收到一封電郵,而發送電郵的是司徒靈芝的兒子,內容主要是通知網主其母已於日前在家中安詳離世。司徒靈芝應該是繼余綺霞後第二位離世的香港小姐 (TVB接手後而又有名銜的)。

司徒靈芝,洋名Lucia,75年 (當時23歲) 報名參加香港小姐競選,在總決賽中獲得首次設立的最上鏡小姐,該獎項更是由全港家庭觀眾投票選出的,極度代表民意!不過司徒靈芝最令人難忘的並不是其榮銜,而是她跟司儀劉家傑在決賽中的唇槍舌劍場面!

印象中二人的對話大致如下:
(司徒靈芝身穿藍色便服登場)
劉:你喺準決賽時候講過藍色會帶俾你一啲憂愁或者憂鬱,咁你今晚有咩感覺呢?
司徒:我記得我亦都講過藍色可以帶俾我一啲思緒,咁我今晚要諗下點樣應付你架嘛~
(全場鼓掌)
劉:咁又問下你,理想既對象係點架呢?(盯著她)
(全場起哄)
司徒:(笑笑口) wow.. 咁呢個一定唔係你啦..
(全場勁鼓掌)

以當時70年代的標準來說,女性應該是細細聲擔小小的,這樣公然窒司儀喎,真是相當出位,所以至今仍為一眾港姐粉絲所津津樂道。

記憶中,當選後的司徒靈芝並沒有踏進娛樂圈,對她卸任後的生活一無所知,但因為這個突然的消息,我嚐試到網上找一下資料,最後在一個forum中有所發現..

“司徒靈芝下嫁的是當年令四台山變五台山的風雲人物 - 佳藝電視老闆林秀峰!當年繆騫人跟林秀峰高調拍拖 (據說繆在“網中人”的角色有被影射此事之嫌,所以中途辭演),才被人抖出林秀峰有妻司徒靈芝及兒子。那陣子社會保守,繆騫人與有家室人士蜜交,加上她的『交男士如自助餐 - 各款都要試試』的理論令社會嘩然,更令其任職報館的文化人父親頗有壓力。後來又有人爆料謂繆騫人任職空姐之姐繆佶人艷聞更多,所以坊間對繆氐雙姝的感情生活頗挖了一陣..”

雖然在下也算熟讀中古娛圈史,但對這一則傳聞竟然丁點印象也沒有.. 不過如今當事人已化作輕煙,故事真偽如否也不用(應)計較。

司徒靈芝在75年港姐準決賽中以旗袍亮相
司徒靈芝當時的志願是加入航空公司工作
問答環節中司徒靈芝就是穿起這條藍色裙舌戰劉家傑
司徒靈芝是港姐(TVB舉辦後)史上第一位最上鏡小姐,甚具代表性
左起 - 最上鏡小姐司徒靈芝/季軍關淑芬/冠軍張瑪莉/亞軍兼友誼小姐朱翠娟

11 comments:

el said...

印像中, 司徒靈芝當年主持過一個 based on Monopoly boardgame 的遊戲節目。

無累旅子 said...

I remember that just before Lau Ka Kit asked Ms Szeto what her 理想對象 was like, he specifically asked her to look at him for a few seconds.

TT said...

我今早都愕左然, 真係好耐冇佢消息

但網主RANA話佢個仔竟然唔知佢媽媽係former misshk直至佢googled佢阿媽, 真係好weird呢!!

Marco said...

RIP, Lucia!

無累旅子 said...

佢個仔會係媽媽過左身之後走去 googled 佢, 都的確好weird, 佢起初其實會 expect google 到 d 乜既呢?!

Shirley said...

o下...
其實,佢係我媽咪同齡o既表妹...不過自小從來都未見過佢...
但係我o地無收到消息...可能因為真係太疏堂了...
RIP(係咪應該叫"表姨"呢)...

Fun said...

嘩..

咁你媽媽有無講返當年佢參選既逸事你聽呢?

Shirley said...

無啊...
媽咪淨係話佢嫁o個陣, 套裙掛係佢舅母(即係司徒靈芝o既媽咪)做俾佢ga wor...
我唔敢同媽咪(or其他舅父阿姨)講..唔知佢o地知道o既話會有咩反應...
*我媽咪家姓黃的, 我姓司徒o既外婆(即係司徒靈芝父親姐or妹...我唔肯定...)05年都過身了...*

Anonymous said...

Lucia worked in the Faculty of Economics in Cambridge University around late 1970s early 1980s. He partner then William, was a Indonesian Chinese studying architecture. They befriended many HK students at Cambridge at the time. I believe they moved to Jakarta sometime in the 1980s but have no news about Lucia since.

PP said...

此消息真讓人訝異!印象中,司徒靈芝好像是港姐設最上鏡小姐後首位獲此殊榮人士,之後她曾擔任TVB一個遊戲節目的主持,玩「大富翁」遊戲,佈景是把大富翁棋盤倍大到讓真人可在其上走動的,以新人論,她的表現也不俗。至於「網中人」,應該係繆騫人辭演後,臨時由歐陽佩珊頂上,她角色的身份是女藝員,其中一段情節是和富商拍拖云云,彷彿把繆的傳聞套用其中.

PP said...

此消息真讓人訝異!印象中,司徒靈芝好像是港姐設最上鏡小姐後首位獲此殊榮人士,之後她曾擔任TVB一個遊戲節目的主持,玩「大富翁」遊戲,佈景是把大富翁棋盤倍大到讓真人可在其上走動的,以新人論,她的表現也不俗。至於「網中人」,應該係繆騫人辭演後,臨時由歐陽佩珊頂上,她角色的身份是女藝員,其中一段情節是和富商拍拖云云,彷彿把繆的傳聞套用其中.