長假前的準備

還有4日，
為期3週的楓葉國之旅就會展開，
13年無返去過冬，唔係唔興奮呀？！？！

話晒去成廿幾日，
其實有相當多“濕聲”嘢要準備，
數數先..

1. 加拿大的冬天唔係人咁品，幾經考慮、試身、考慮、試身、最終扑鎚買了一件cutting同款式也比較時尚的羽絨 (Aba House)，再加上舊有的一件及另一新添置的HG毛毛夾棉大衣，我應該會帶3件褸過去！咁.. 帶唔帶埋皮褸去好呢？

2. 衣櫃裡應該起碼有4條圍巾，夠用有凸，但原來手襪欠奉！在加拿大過冬，一對手襪is a must，尤其對駕車人士，因為當車拍在室外一段時間後，個呔盤會凍都掂都掂唔到架！

3. 買了一些比平常用開要潤好多的facial cream (Clinique)、hand cream (Aesop)、eye cream (Estee Lauder) 同body cream (Skin Repair).. 天氣凍再加室內長開暖氣，唔搽勁啲肯定會全身龜裂兼喪痕。

4. 聖誕日下午到達多倫多，當晚應該會在姐姐家中開party，所以近幾日都撲來撲去買禮物，買買下又想買埋俾其他朋友。但勁買之後先知死，全部禮物都包得靚靚架喎，陣間入境時被關員開行李檢查然後打我稅咪撞鬼？但xmas gift喎，莫非要拆晒packing帶過去再包過？噢賣吉！

5. 開始go thru i-touch睇下有甚麼新/舊歌可以“sir”落去等揸車的時候有得聽！想加一個梅艷芳(快歌)playlist，另外亦想將近期的廣東歌、英文歌、日文歌排得整齊少少！

6. 加國的朋友一知我回去就立即在多種途徑，包括：email/MSN/sms/FB/電話等中留言，希望我帶ABCDEFG萬七樣嘢給他們.. 點先，好重喎各位，盡人屎啦！

7. 沒有正式揸車一段長時間，對於現今市面的流行車款很陌生，但返到去就要租車，所以都要上網search一下資料。冰天雪地，租一架四驅車會安全得多~ 各位，有甚麼好介紹呢？不過租車前，我首先要去續牌先，嘻嘻！

8. 要列出有甚麼朋友要見，有甚麼餐廳要去有甚麼地方要re-visit等等..

所以呢.. 忙過返工呀呢期..