速報！世界小姐09 (結果公佈)
第59屆世界小姐競選在周六晚順利舉行，112位佳麗雲集南非首府約翰內斯堡角逐寶座，結果由來自名不經傳的英國殖民小島直佈羅陀，芳齡23歲，身高5呎9吋的Kaiane Aldorino奪得后冠，她同是單項賽事“Beach Beauty”冠軍。亞軍是現年22歲，身高5呎11吋的墨西哥小姐，她亦是單項賽事“Top Model”冠軍，而季軍則由主辦國南非小奪得，她芳齡25歲，身高5呎11吋！
另外獲得進及Top7及Top16的包括：
Top7
- 哥倫比亞
- 加拿大 (Miss Talent冠軍)
- 法國
- 巴拿馬
Top16
- 日本 (Miss Sport冠軍)
- 塞拉利昂 (Miss Talent冠軍)
- 印度 (Beauty with a purpose冠軍)
- 巴西
- 韓國
- 馬丁尼克島
- 哈薩克
- 越南
縱觀今年賽果都相當出人意表，直佈羅陀小姐雖然已在較早前贏得Beach Beauty冠軍，但在普遍網民心目中都認為她長得實在超級平庸，最後仍能摘下后冠，一般都認為不太合理。亞軍墨西哥小姐也雖是賽前大熱，但上鏡後容貌嚇人 (like a witch)，身材也不見突出,至於季軍的南非小姐雖是主辦國，但各方面表現平均，也相對今年參選環姐時進步得多，個人認為三甲中以她的成績最為合理。
另外Top7及16中也不乏大冷門及容貌嚇人者，例如巴西、馬丁尼克島、印度或哈薩克等等..
以下還有一些今年世姐小統計或花邊新聞：
- 直佈羅陀小姐由1959年起便派代表參加世姐，足足用了50年才首次入圍（兼奪得冠軍）
- 墨西哥是過往10年間 (00–09年)在世姐中表現最好的國家：連續6年入圍 (04-09年)；Top Model冠軍 (04及09年)；Beach Beauty冠軍 (08年)；兩次亞軍 (05及09年)；一次季軍 (07年)；3次美州皇后 (05、07及09年)
- 南非雖然曾多次舉辦世姐，而大部份代表也能入圍，但對上一次奪得世姐后冠已是74年
- 巴拿馬小姐對上一次入圍是86年，無巧不成話，今年的巴拿馬小姐就是在86年出生的
- 貴為選美強國的哥倫比亞竟然從未贏過世姐寶座，而上一次入圍也是02年的事
- 另外曾4度贏得世姐冠軍及擁有無數次入圍記錄的委內瑞拉，在00年代的表現奇差，00、01、04、05及09年也未能進級
- 日本小姐曾在81年入圍及贏得亞洲皇后，距今已28年
- 雖然馬丁尼克島小姐是首度入圍，但98年代表法國參賽並得亞軍的Veronique Caloc其實是來自馬丁尼克島，她參加法國小姐贏得冠軍然後才參選世姐
- 韓國小姐選舉大會由今年開始改派冠軍參加世姐(以往是亞軍出戰)。聽聞世姐大會也由今年起收緊賽制，所有國家/地區均需派出當地的選美比賽冠軍參選
- 明年的世姐將在越南的芽莊舉行，一般人也認為這是今年越南小姐能進級的原因
今年的大會司儀：左 – 連續7年擔任司儀的周英崎；右 – Michelle McLean，92年度環球小姐冠軍 (代表納米比亞)，現為電視節目主持
佳麗首先穿著自選晚裝逐一出場；左起 – 德國/加納/直佈羅陀/希臘小姐
左起 – 尼日利亞/北愛爾蘭/挪威小姐
左起 – 丹麥/多明尼加/厄瓜多爾/埃及/薩爾瓦多小姐
前排右三 – 香港小姐劉倩婷
112位佳麗，是5大大滿貫選美中，歷史以來最多人數的一次
周英崎宣佈Beauty with a purpose得主為(又肥又矮樣又麻麻的..) 印度小姐
今年世姐連表演嘉賓也由佳麗負責：Miss Talent冠軍之一塞拉利昂小姐表演變臉
Miss Talent亞軍韓國小姐表演韓國傳統舞蹈
接著112位佳麗換上南非設計師設計的金色晚裝出場，並等候公佈16強名單；左起 – 印度/墨西哥/塞拉利昂小姐
16強其後再次換上自選晚裝等候宣佈7強名單；相中為7強之一加拿大小姐馬艷冰
最後7強中的其中5位佳麗：左起 - 哥倫比亞/加拿大/墨西哥/直佈羅陀/法國小姐
墨西哥小姐在7強的問答的環節中表現鎮定
南非代表一向出名靠把口，今年的南非小姐也不例外
我最喜愛的法國小姐又落選，激氣
直佈羅陀小姐真是plain中之plain
除了00年世姐冠軍Priyanka Chopra擔任評判及頒獎嘉賓外，07年冠軍張梓琳也是評判之一！以她的質素，今年再選的話也應該可輕易贏得后冠
季軍：南非小姐
亞軍：墨西哥小姐
上屆冠軍，來自俄羅斯的Kseniya Sukhinova
宣佈結果的一刻
第59屆世界小姐冠軍Kaiane Aldorino
今年世姐三甲質數可以說比環球小姐、國際小姐及地球小姐差很多，只僅僅優勝過國際旅遊小姐而已
17 comments:
張梓琳is very beautiful! What is she doing now? full time model?
france is the best ...so refreshing and youthful !
I love Miss France so much since MU, but i really think that she performs worse in MW than she does in MU, especially i dislike her dress that night==
anonymous,
heard that she will pursue her acting career!
anonymous,
yes she is so gorgeous!
wai kin,
i think her total packaging is more like a super model in MW. For her gown, I like it tho as its a fashionable gown rather then a stereotype pageant gown!
我都系好中意法國啊
都唔知點解會輸給直布羅陀
仲以為今年法國起碼有三甲~ 點知得top 7~ 仲要輸埋歐洲皇后俾直布羅陀~ 一.一
就算Priyanka Chopra過佐9年之後再黎選世姐~ 以佢質素應該可以撼贏Miss Plain (直布羅陀)~
今年MW production依然唔掂~ 悶到痴線~ MW final節奏特別慢過人~ 開始佐半個鐘都未講晒top 16~ 仲要一路講~ 一路搵返d佳麗出黎表現~ 賽制又改黎改去~ 原本total選top 20~ 最後又改top 16~ top 5變top 7~ =.=
法國小姐唔知做錯咩，環姐同世姐都好個前三甲架嘛，係都選唔到，陰功..
其實我麻麻地priyanka chopra，雖然都靚，但有啲囂張樣！
世姐都係算吧啦，根本佢哋係完全無onstage competition，所有嘢都係拍定.. 全晚換得兩套衫，真係唔瞓著先奇~
好心造內定都搵個似樣D架啦! 我都覺得法蘭西輸得唔底。
劉小姐腰間那兩舊紅色垃衫咁搶眼, 亞fun你唔講我一眼都望到佢啦.
有時睇d國際選美, 我覺得毛線的制作已叫做很有心思. (服裝除外)
睇返global beauty原來Miss France得第4名~ 爭一步就三甲~ ==
今年世姐真係......
Lena Ma都好有氣質。
我最鐘意的韓國小姐金珠利，佢好靚。
其實佢哋倆個應該有更高的排名！
我覺得金珠利好普通咋喎，典型韓國女仔樣.. 講靚，之前選世姐都有d靚過佢~ 不過無辦法，而家全球都吹韓風，個國家hit連帶d佳麗都多人留意d..
其實我最鍾意馬艷冰響05華姐個look，好model.. 唔知佢會唔會試埋加拿大環姐呢？
其實金珠利個樣都ok既~ 不過化妝同髮型爭d囉~ 有d娘~ 再執執佢出到黎個look應該會再好d~
呢個咁既世姐, 真係成為我地每年又要睇, 但又要鬧既賽事~
賽果都唔想再講, 但成個production 都好有問題, 沉悶不堪, 尤其係03 年開始, 轉賽制加埋fast track, 令到成個production 悶上加悶, 完全冇 competition 先好, 冇泳裝, 冇 national costumes, 早幾年都做下樣, 入到圍都問一條問題, 近呢幾年直情選完 top 15/16 之後, 乜都冇就宣佈最後5/7強, 真係完全睇"黎愛蓮"鍾意邊個
成日強調每年有過百國家/地區參加, quantity 勝於一切, 但衰到連官方相都冇, videos 又整d 唔整d, 成個月來每個 function 都唔安排幫佳麗戴條 sash, 根本叫喜歡看選美的fans 想跟都冇得跟~坦白講, 連miss international 都做得好過佢
今年仲慳, 叫班 talent 既入圍佳麗表演埋, 連performers 都唔駛請, 始終呢個係beauty pageant, 唔係話你唱歌好, 識玩變臉, 運動叻就入圍, 咁不如派個 diva 或者 athlete 去選啦 (與其fast track 都唔駛睇樣), 再係咁選, 遲早變成另一個 miss america
世姐個賽制又81年創立州際皇后開始已經衰，90到00年代初算好返d，點知而家又搞d咁野..
其實d評判都唔知憑d咩去選top7既根本，超廢~
國際小姐雖然係悶d (尤其響日本搞)，但起碼都正常d，有民族服有泳裝晚裝，選左top15又會答下問題咁，有個譜囉..
唔講都唔覺今年連sash都無~ 好間唔中至有個打佐地區名既牌仔俾d佳麗戴~
同埋唔明世姐寧願頒fast track果d獎~ 都唔頒最上鏡小姐呢d選美比賽通常會頒既獎~
Post a Comment