12.02.2009

速報!世界小姐09partI

國際小姐完結後,
選美粉絲可將視線集中在世界小姐競選了!

每年的國際性選美季節都會以世姐作結,
今年的決賽日期為12月12日,
舉行地點是南非的約翰內斯堡。
今年參賽的110位佳麗約於3個星期前先到倫敦,
經過約一週的活動後現已全體抵達約翰內斯堡,
進行其他單項比賽及活動!

在眾多個國際性選美比賽中,
論賽制,最騎呢都莫過於世界小姐,
繼80年代的超無謂洲際皇后後,
近年就“發明”了單項比賽(fast track competition),
在5個fast track competition中獲得冠軍的,
即自動進身semi-final,再加上其餘15位最高分數的佳麗,
就成為了Top20!

5個單項比賽包括:
- Miss Sport
- Miss Talent
- Miss Beach Beauty
- Top Model
- Beauty with a purpose

到目前為止,頭4項的比賽經已結束,結果如下:

Miss Sport - 日本小姐;佳麗需要參加田徑等項目從而爭取出線。我建議中國明年可考慮派出黃一梅參賽,可能有機會勝出喎;日本小姐對上一次在世姐中能進身準決賽是81年
Miss Talent - 雙冠軍:塞拉利昂(左) 及加拿大 (右);來自非洲的塞拉利昂小姐憑“變臉”才藝與唱意大利歌劇的加拿大小姐平分春色。值得一提的是加拿大小姐馬艷冰05年時曾代表多倫多參加國際中華小姐,同屆的還有李亞男、陳法拉及徐子珊
Miss Beach Beauty冠軍 - 直布羅陀小姐;直布羅陀小姐從來未曾在任何大滿貫賽事中贏取過任何獎項及打入準決賽,這位Kaiane Aldorino是史上第一人
Miss Beach Beauty前5強 - 左起:玻利維亞小姐(第5名)、蘇格蘭小姐(季軍)、直布羅陀小姐(冠軍)、巴拿馬小姐(亞軍)、法國小姐(第4名);法國小姐曾參加今年的環球小姐並殺入前10名
Top Model前3名 - 左起:越南小姐(亞軍)、墨西哥小姐(冠軍)、馬丁尼克島(季軍)
墨西哥小姐已剛在國際小姐中奪冠,而這位參加世姐的墨國佳麗同樣是頂頭大熱,且看她能否為該國贏得第一頂世姐后冠
Top Model比賽中所有佳麗需穿上由南非時裝設計師所設計的晚裝登場。圖中的是白俄羅斯小姐,她曾參加07年國際小姐並獲得季軍。此番夾著名銜來參選,實在不容有失
加拿大小姐
中國小姐
香港小姐劉倩婷
另外日前大會亦舉辦了一個名為World Design Award的比賽,但這個並非fast track competition。佳麗們需穿上決賽夜的晚裝走台,評判會依據晚裝的設計及佳麗的presentation而作出評分。最後,塞拉利昂小姐再下一城奪得冠軍
比利時小姐;她也在今年的環球小姐中打入Top15
中國小姐
香港小姐劉倩婷;TVB另一驚世傑作,腰間那堆粉紅垃圾實在一絕。還有,劉小姐可否set一set頭才出場呢
韓國小姐;哇.. 好像麥麗紅

看完各單項比賽的花絮,是時候集中重溫香港小姐劉倩婷在其他活動上的照片!

哇.. 劉倩婷這件晚裝.. 前面“那鞦嘢”好像一隻絲襪 哦.. 稻香waitress旗袍..
身高5呎3吋的劉倩婷當然是110位佳麗中最矮架啦~ 這件金色旗袍都是出事之作
主辦國代表南非小姐也是今年環球小姐的10強佳麗.. 以其質素再加上主辦國之優勢,打入15強絕非難事
相比李姿敏,劉倩婷的wardrobe好像還要差幾皮!是否無記要同時兼顧兩個國際性選美所以求求其其呢?因為往年都有一兩件比較像樣的
那條白色嘢有甚麼作用的呢?是用來包紮弄傷了的乳房嗎?;以我這兩年為澳門小姐準備出外參賽服裝的經驗來說,在坊間其實都不難找到價錢相宜而又唔失禮的晚裝,那些設計都比劉倩婷所穿的好幾十倍。無記服裝間下年不如出去買幾件給港姐算吧啦
最後請大家看看Global Beauties到11月30日為止所選出的25強

20 comments:

Anonymous said...

網主, 你心水係邊幾位呢??

我就喜歡加拿大小姐喇.. :)

TT said...

去淘寶網買啦!

Fun said...

anonymous,
其實d女仔又唔帶彩帶,個名牌又細到咁,我真係分唔到邊個打邊個囉.. 所以我未有心水!不過選過環姐既法國同比利時都幾好,白俄羅斯都係.. 加拿大就.. 都算ok啦,不過都應該係top20止步架啦~

TT,
係喎.. 得知叫劉倩婷搭你買啦真係..

無累旅子 said...

其實劉小姐個樣 okay, 幾有 energy 添, 不過矮到咁, 就算個樣有 Aishwarya Rai 咁靚都無用啦~

Law said...

其實都唔明白某d fast track憑咩準則揀人入去比賽~ 好似求其揀堆人去玩fast track就算~

Fun said...

無累旅子 ,
其實劉小姐個樣 okay,幾有 energy 添 > 呢句評語由你口中講出黎,我好失望.. 個粧化得又無神又老,個嘴又唔夠顏色,唔掂..

咁矮呢樣野就唔駛講添,加埋佢呢個wardrobe,無眼睇!

Law,
fast track係全人類一齊比賽架..

Law said...

講開fast tract~ 都唔夠前幾年洲際小姐咁騎呢~ 特登每個洲選一個出黎做洲際皇后~ 入最後top 5 or top 6~ 之後再選出三甲~

咁選法隔硬谷佐一d根本唔應該入選最後5至6強既佳麗入去~

Fun said...

每個州一定要有個入圍呢d騎呢招,世姐係始祖添啦~

Law said...

所以如果上年無改賽制既話~ 委內瑞拉小姐應該入top 5~ 南非小姐飛出局~ 上年安哥拉小姐竟然拎到洲際皇后~ 變相拎到第四名 仲勁過南非小姐~

Fun said...

總之就唔知點解要咁分啦,多舊魚!

Anonymous said...

網主, "Beauty with a purpose" 呢個係咩獎?? 我唔係太明白! thanks!

Ogake said...

白俄羅斯 同 加拿大 點解可以事隔幾年又再參加其他國際賽事呢?
係咪即係佢地係當地係參加Miss XX International, 事隔幾年後又參加 Miss XX Universe, 所以可以咁樣出賽呢?

Gigi said...

我覺得今年冠軍如無意外應該係墨西哥同法國之爭。

而墨西哥的機會很大啊!好多年都無美洲的佳麗勝出世界小姐。

墨西哥小姐都好靚女,就咁睇唔似墨西哥人,似歐州人多D。

加拿大小姐都可以吧!我覺得以亞洲女仔黎講叫唔錯架啦!

韓國小姐係我最鐘意的亞洲佳麗。First Track 成績黎講,Vietnam似乎最有機會登上亞洲皇后寶座,不過我覺得佢好肥。可能係個臉比較多肉的關係。

今年的四大選美如無意外就會由拉丁美洲佳麗威哂!09環姐委內瑞拉小姐,09國際小姐墨西哥小姐,09地球小姐好似係巴西小姐(無留意地球小姐)。

Fun said...

anonymous,
佳麗可以submit一d佢地曾經做過既goodwill project,咁大會審批過之後認為最有意義既就得獎囉.. 07年港姐張嘉兒都係響beauty with a purpose中出線而入左semifinal~

ogake,
你全中!

Gigi,
世姐既賽果比較難測,拭目以待啦~

robocon said...

日本小姐應慶幸她是運動健將, 若不單憑佢個樣要入final 20 就.....

直布羅陀小姐很 "大力士"feel, 我暫時看不到她的beauty.

劉小姐even笑容滿面, 但依然滿身小家子氣, 情況比去年馬賽更糟. 就算我這位時裝界行外人,都完全接受不到她的服裝. 她最唔失禮的已經是那些旗袍.

暫時心水是 越南和墨西哥小姐, 另外官方網頁中能吸引我視線還有 ms. indonesia 及 ms. mongolia 及 ms. georgia, 唔知佢地平時樣子是怎樣.

世姐賽制我細細個已覺得很有問題, 例如法國小姐攞左歐洲皇后先算, 若已有歐洲區代表攞左季軍, 咁宣佈冠軍時若ms. france仲未有名次, 咁佢咪攞硬冠軍囉....難得那位佳麗通常會好配合地扮晒意外扮晒驚喜.

Fun said...

日本小姐淨計個樣呢.. 排80到啦~

港姐個wardrobe就真係是但問個人都會覺得唔掂.. 其實如果佢響化妝方面做好d,例如:化深d對眼,唇劃深d係會無咁小家氣架.. 仲有個頭唔該整整佢先出場!

越南我唔ok,好娘,塊面又包..

無錯,其實宣佈左亞軍都知冠軍誰屬,o徙鬼氣!

Law said...

分分鐘今年個冠軍會係黑人佳麗~

直布羅陀小姐拎beach beauty真係R晒頭~

ry said...

香港小姐真係。。。。唔識講,究竟想點?算,唔鬼理,費事傷身!
世界小姐真係難choose,又冇準則,今年又冇超大熱超班靚女,墨西哥同波多黎各似乎最熱,但無啦啦又殺出個直布羅陀,又有人話巴巴多斯好,而南非因主辦國加上其質素亦有力爭冠。從零三年開始,冠軍大多也是beach beauty 三甲:03 winner (Ireland), 05 2nd (Iceland), 06 2nd (Czech Rep), 07 3rd (China), 08 3rd (Russia)....咁你話今年會點呢?

ry said...

Amendment: Iceland 05 was in top 5 beach beauty rather than 2nd

Law said...

話唔定今年繼續由歐洲佳麗做冠軍~ 過去9年世姐已經出產佐5個歐洲冠軍~