速報！國際旅遊小姐09 (結果公佈)

09年度國際旅遊小姐經已於上周五舉行，結果由芳齡23歲的俄羅斯小姐Ekaterina Grushanina勝出，亞軍至第5名分別為巴西小姐、畿內亞小姐、中國小姐及法屬玻里尼西亞小姐！決賽當晚眾佳麗先後穿上民族服裝、泳裝及晚裝亮相，3個環節後，大會便選出前20強。20強中其中5位佳麗已於日前公佈，包括：州際皇后的5位冠軍及Miss Voting(網上得票最多) 得主！

20強名單如下：波多黎各小姐 (美州皇后)/黑山小姐 (歐洲皇后)/紐西蘭小姐 (大洋州與島國皇后)/利比利亞小姐 (非洲皇后)/土庫曼小姐 (亞洲皇后)/星加坡小姐 (Miss Voting)/俄羅斯小姐/巴西小姐/畿內亞小姐/中國小姐/法屬玻里尼西亞小姐/法國小姐/加拿大小姐/馬來西亞小姐/布吉島小姐/波蘭小姐/危地馬拉小姐/阿爾泰山小姐/吉爾吉斯坦小姐/羅馬尼亞小姐

接著評判再由20強中選出5位佳麗接受提問，從而選出本屆得獎者！

今次的決賽場地是位於鄭州的河南藝術中心，這個全新興建的場館佔地十萬平方公尺，是市內的重要新基建
澳門小姐呂蓉茵在決賽前夕會見評判時攝
所有佳麗首先以民族服裝登場
呂蓉茵穿上由澳門設計師Venessa Cheah設計的中西fusion旗袍
接著是泳裝環節，佳麗穿上大會指定泳裝出場
立陶院及澳門小姐
第3個環節是晚裝項目，呂蓉茵穿上這件銀白金色晚裝顯得信心十足
可惜呂蓉茵最後依然未能打入前20名
所有佳麗以運動服出場等候前20名結果
最後由俄羅斯小姐Ekaterina Grushanin登上寶座！上屆冠軍秘魯小姐正為她帶上后冠
左起：第5名 - 法屬玻里尼西亞小姐/季軍 - 畿內亞小姐/冠軍 - 俄羅斯小朋友/亞軍 - 巴西小/殿軍 - 中國小姐

速報！國際旅遊小姐partIII
速報！國際旅遊小姐09 partII
速報！國際旅遊小姐09 partI

Fun Bakery - Classic Chocolate Cake

材料：
- 朱古力 (75% dark) 80g
- 牛油 70g
- 忌廉 (single or double) 30g
- 蛋黃 3個
- 糖A 40g
- 麵粉 15g
- 朱古力粉 50g
- 蛋白 6個
- 糖B 70g

step1：朱古力加牛油坐溶
step2：忌廉加熱；step3：蛋黃加糖打至發白，加入(1) 及 (2)
step4：糖B分3次加入蛋白中，打成蛋白霜
step5：(4)分3次加入(3)蛋黃糊中，篩入朱古力粉和麵粉輕手拌勻
step6：以180C焗40-45分鐘；用牙籤測試，至沒有黏物
frosting：坐溶50g dark chocolate，再加入1/4杯忌廉

Oricon榜單 – 8/26

近一個星期不斷的速報選美，
大家是否有些少飽夾滯呢？
今日可以轉轉口味聽J-pop！
全新一期Oricon流行榜形勢，
立即為大家速報~~

細碟榜方面，10大位置共有6張初上榜作品，冠軍位置是演歌貴公子冰川清志慶祝踏入樂壇10週年第2彈 -《心動Rumba》。這一張亦是冰川清志繼《初戀列車》及《浪曲一代》後連續第3張冠軍細碟，超越了藤圭子、森進一、細川高志等人，成為史上成績最彪炳的演歌solo歌手。



亞軍是Johnny’s旗下的“老牌”5人樂隊Tokio的《太陽與沙漠的玫瑰》，此曲亦是主音長瀨智也所主演的電視劇『華麗是Spy』的主題曲。而由9月22日起Tokio會在東京、大阪及名古屋等地方舉行演唱會，tour名為『TOKIO LIVE TOUR 2009』。



第5位是桑田佳祐夫人暨樂隊Southern All Stars成員原由子，闊別樂壇12年後的首張細碟《感謝夢》。原由子上回打入10大的作品是83年的《戀愛多繁忙》，一別25年，打破了Carpenters相隔23年再入10大的紀錄。



第7位：Gospellers - 《走向宇宙 ~Reach for the sky~》


第8位：山下達郎 – 《我的夢》


第10位：彩冷える - 夏物語


再看大碟榜， 今週有6張新上10大專輯，冠軍是Johnny’s旗下人氣組合『嵐』的精選大碟《All the BEST 1999-2009》。不經不覺已出道10年的『嵐』近年越來越紅，今年不單細碟暢銷，連大碟都大買，就以這張精選為例，首週銷量高達75.3萬，是09年最賣得的大碟。

《All the BEST 1999-2009》收錄曲 – 感謝カンゲキ雨嵐


季軍：BIGBANG - BIGBANG（初回限定盤）

《BIGBANG》收錄曲 –ガラガラGO


第4位：ARTIC MONKEYS - HUMBUG

《HUMBUG》收錄曲 – SECRET DOOR


第5位：MINMI – SUMMER COLLECTION WITH MUSIC CLIPS

《SUMMER COLLECTION WITH MUSIC CLIPS》收錄曲 –Summertime


第6位：電気グルーヴ - 20（初回生産限定盤）

《20》收錄曲 –電気グルーヴ20周年のうた


第8位：Hi-Fi Camp – 1st Best

《1st Best》收錄曲 –キズナ

速報！國際旅遊小姐09partIII

環姐選完，連MHK09 Blogger’s Choice都公報埋，
餘下就淨返國際旅遊小姐啦，先速報一下選舉情況！
明日廿八號就是決賽，決賽前夕100位佳麗繼續馬不停蹄，
日日踩足20粒鐘，參加不同的親善訪問、晚宴及單項賽事~~

比堅尼小姐(Miss Bikini) ：澳門小姐呂蓉茵

比堅尼小姐(Miss Bikini)前三名：(左起) 亞軍 - 烏克蘭小姐/冠軍 - 巴里島小姐/季軍 - 俄羅斯小姐

魅力小姐 (Miss Charm) ：所有佳麗需穿上泳裝及晚裝接受評分；呂蓉茵穿上大會提供的(勁娘)bikini出場

呂蓉茵與馬提尼克小姐

魅力小姐前三名：(左起) 亞軍 – 瑞典小姐/冠軍 – 巴西小姐/季軍 - 馬提尼克小姐
的士高小姐(Miss Disco)：真好笑的獎項，每位佳麗要自備一段約1分鐘的music backing，跳過你死我活！呂蓉茵選了Shakira的Whenever Wherever..
的士高小姐前三名：(左起) 亞軍 – 印度小姐/冠軍 – 畿內亞小姐/季軍 – 法國小姐
新鄉市花車巡遊 - 澳門小姐與利比利亞小姐合攝
大會找來一班可愛的小朋友歡迎眾佳麗
最佳晚裝獎 (Best in Gown) ：佳麗們先以cocktail dress亮相
繼而換上晚裝 - (左起) 馬提尼克/澳門/尼泊爾小姐
最佳晚裝獎前三名：(左起) 亞軍 – 菲律賓小姐/冠軍 – 委內瑞拉小姐/季軍 – 中國小姐
州際皇后(Miss Continental Queen) ：今年新增設獎項，從每個州中選出頭三名佳麗；美州皇后 - (左起) 季軍 – 玻利維亞小姐/冠軍 – 波多黎各小姐/亞軍 – 加拿大小姐
歐洲皇后： (左起) 季軍 – 羅馬尼亞小姐/冠軍 – 黑山小姐/亞軍 – 塞爾維亞小姐
大洋州與島國皇后：(左起) 季軍 –費爾南多·迪諾羅尼亞島小姐/冠軍 – 紐西蘭小姐/亞軍 –法屬玻里尼西亞
非洲皇后：(左起) 季軍 – 加納小姐/冠軍 – 利比利亞小姐/亞軍 – 尼日利亞小姐
亞洲皇后：(左起) 季軍 –西伯利亞小姐/冠軍 –土庫曼小姐/亞軍 – 澳門小姐；呂蓉茵即晚已打了電話給我報喜了，電話另一方的她高興得不停說“好開心呀好開心呀..”，其實我都好好好開心呀~ 雖然不是“大”獎，但不竟也是一個鼓勵，明晚決賽啦，記住那些舞台招數呀~~
go.. go.. Florence..
從相中看呂蓉茵應該有喊喎..

MHK09 Blogger’s Choice (結果公佈)

簫亮：2009年度香港小姐競選Blogger’s Choice總決賽，現在開始..

簫亮：大會司儀，何守信.. 鍾景輝..

何：各位嘉賓，各位網友，由Fun生活主辦，2009年度香港小姐競選Blogger’s Choice總決賽，而家正式開始！

鍾：雖然今年係第一次舉行呢個選舉，但經已得到網民嘅熱烈支持，報名想成為評判嘅人數可以話係出乎意料之外咁勇躍..

何：咁就立即為大家介紹一下5位大會評判同6位網上評判.. 第一位係鍾意還鍾意，還是最鍾意廣東話選美嘅費事騰..

鍾：第二位係由懂事開始認定，大眼就係等於靚嘅Sergio..

何：第三位係曾經擁有個人選美網頁，曾經出席05年度環球小姐競選嘅RY..

鍾：第四位係由78年開始就睇港姐同認為一路食杯麵一路睇選美就最開心嘅無累旅子..

何：最後一位大會評判係堅持莫可欣當選港姐冠軍係好合理嘅Fun..

鍾：而另外6位喺網上招募嘅評判就包括有naruto、阿Law、Natalie、robocon、Kevin同埋Gigi嘅.. 有勞咁多位評判！

何：11位評判根據10位佳麗嘅樣貌、身段、談吐、台型/儀態4個項目評分，
每個項目最高分數係99分，而最低就係55分..

鍾：每個評分項目中最高同最低嘅分數會被撇除，餘下分數嘅總平均分就係嗰一個項目嘅分數啦..

何：另外大會仲設有5個單項獎，分別係最上鏡小姐、國際親善小姐、最佳泳裝演繹獎、最具超模風采大獎同埋事前事後變臉大獎，呢5個獎項係由11位評判以一人一票方式投選出嚟嘅..

鍾：相信各位網友都等得好心急架啦，結果其實一早已經喺我手上，第一個要公佈嘅獎項係最上鏡小姐.. 何B，不如你嚟先呢..

何：2009年度香港小姐競選Blogger’s Choice最上鏡小姐係.. Miss Photogenic is.. 9號袁嘉敏.. 9號袁嘉敏一共係獲得6票嘅..


鍾：好啦，跟住要宣佈嘅係國際親善小姐.. 2009年度香港小姐競選Blogger’s Choice國際親善小姐係.. Miss International Goodwill is.. 嘩係雙冠軍喎，4號劉倩婷同8號熊穎詩，佢哋兩個都係分別獲得3票嘅..

何：第三個獎項係最佳泳裝演繹獎，究竟邊個著泳裝著得最靚呢？2009年度香港小姐競選Blogger’s Choice最佳泳裝演繹獎係.. The Best in Swimsuit is.. 8號熊穎詩，佢得到嘅票數係6票..


鍾：現場一片熱烈嘅歡呼聲，我哋唔好俾佢停，接住要頒發嘅係最具超模風采大獎.. 2009年度香港小姐競選Blogger’s Choice最具超模風采大獎.. The Potential Supermodel Award is.. 8號熊穎詩，佢得到嘅票數係7票..

何：嚟到最後嘅事前事後變臉大獎，呢個獎係頒俾最成功改頭換面嘅佳麗.. 2009年度香港小姐競選Blogger’s Choice前事後變臉大獎係.. Before & After Awward is.. 8號熊穎詩，佢得到嘅票數係9票..

鍾：真係越嚟越緊張.. 跟住我哋要宣佈3甲架啦喎..

何：King sir，不如我哋特別啲，一口氣公佈晒10位佳麗嘅分數，由第10位開始呢..

鍾：一於咁話.. 等我講先啦就.. 第10名係.. 1號曾曦寧，得分係67.36分..

何：第9名係.. 2號林潔瑜，得分係73.3分..

鍾：第8名係.. 6號黃嘉麗，得分係73.6分..

何：第7名係.. 3號鄭寶源，得分係74.1分..

鍾：第6名係.. 5號馬詠恩，得分係75.9分..

何：第5名係.. 7號鍾溥敏 Mandy，得分係76.4分..

鍾：第4名係.. 10號李姿敏，得分係77.4分..

何：嘩前三甲嘅位置，2009年度香港小姐競選Blogger’s Choice季軍係.. the second runner up is.. 9號袁嘉敏.. no9. Candy Yuen.. 佢嘅得分係80.9分..


鍾：亞軍啦喎，淨返兩個喺台上面，你哋嗌下啦.. 2009年度香港小姐競選Blogger’s Choice亞軍係.. the first runner up is..4號劉倩婷.. no4. Sandy Lau.. 佢嘅得分係82.5分..

何：亦即係話2009年度香港小姐競選Blogger’s Choice冠軍係8號熊穎詩，the winner is no.8 Mizuni Hung，佢嘅得分係84.6分..恭喜熊小姐成為第一屆嘅2009年度香港小姐競選Blogger’s Choice冠軍！！！而家我哋有請熊穎詩小姐繞場一周接受祝賀！


鍾：我哋嘅競選亦都到此結束，多謝大家收睇，出年見.. 拜拜！

速報！環球小姐09 (結果公佈)

年度選美大事，2009年度環球小姐競選，
於香港時間昨日早上9時於巴哈馬Alantis Paradise Island舉行，
經過兩小時的埋身角力，最後由來自委內瑞拉，
芳齡18歲、身高5'8”、現為學生的Stefania Fernandez勇奪后冠，
她已經是該國的第6位環姐冠軍 (79/81/86/96/08/09)！
此外，委內瑞拉更是史上第一個能夠有本事冧莊連贏的國家，
亞軍是賽前頂頭大熱多明尼加小姐，
季軍至第5名則分別是科索沃、澳洲及波多黎各小姐。

84位佳麗首先以民族服裝亮相並作自我介紹，
接著就換上便服等候宣佈15名入圍名單。
今年的top15非常特別，竟然共有9位歐洲佳麗入圍，
反觀盛產人工美女的拉丁美洲就只得3人進級，
亞洲區更是全軍覆沒.. 陰功~~

Top15：
1. 波多黎各 – 在預賽中表現麻麻，所以並沒有被看好。入圍原因可能是因為sash factor吧；最佳成績：曾5奪冠軍，70/85/93/01/06
2. 冰島 – 也被不少網民看好；最佳成績：上一次打入準決賽 (12名) 是80年
3. 阿爾巴尼亞 – 造型冷艷無比，成個supermodel look；最佳成績：02年初次參賽即入前10名
4. 捷克 – 另一熱門人選，一雙長腿最為殺食；最佳成績：今年是捷克小姐連續第3年入圍
5. 比利時 – 算是被看高一線的其中一位歐洲佳麗；最佳成績：81年曾得第5名，而上一次入圍是92年，得第6名
6. 多明尼加 – 頂頭大熱，是眾人競敵！最佳成績：03的Amelia Vega初嚐冠軍滋味，去年代表則獲季軍
7. 瑞典 – 半冷跑出，有點意外。瑞典是50至70年代的power house，但一進入90年代就陷入冬眠狀態。最佳成績：曾3奪冠軍，55/66/84年，06年也進過前20名
8. 科索沃 – 是在下overlook了的一位佳麗。最佳成績：科索沃去年方首次參賽已得第6名，今年繼續進級，入圍率是百分百
9. 澳洲 – 熱度僅次於多明尼加小姐，以鄰家女孩形象打動評判。最佳成績：72及04年兩度奪得冠軍，去年代表也進級前10名
10. 法國 – 被認為是歐洲佳麗中最有實力的一位，能說一口流俐英語。最佳成績：曾於第二屆(53年)中榮獲冠軍
11. 瑞士 – 賽前黑馬，憑著一副exotic臉孔突圍。最佳成績：06年獲得季軍
12. 南非 – 非洲區熱門，最後成為唯一入圍的非洲佳麗，繼環姐後她也應該會參加12月在南非舉行的世界小姐。最佳成績：78的Margaret Gardiner是首位亦是唯一位成為環姐冠軍的代表
13. 美國 – 環姐鐵腳！最佳成績：54/56/60/67/80/95/97，7奪寶座，是環姐史上的記錄
14. 克羅地亞 – 賽前半冷馬！最佳成績：克羅地亞97年首度出戰，到今年才第一次入圍
15. 委內瑞拉 – 環姐成績僅次於美國，曾創下連續21年入圍的驕人記錄。最佳成績：超前波多黎各成為奪得環姐冠軍第二多之國家，79/81/86/96/08/09

top15

公佈top15後立即要進行第一round比賽 – 泳裝！獲得最高分數的10位佳麗才可進級..

Top15泳裝排名：

澳洲 - 得分：9.264
多明尼加 - 得分：9.189
科索沃 - 得分：8.790
委內瑞拉 - 得分：8.760
法國 - 得分：8.640
瑞士 - 得分：8.611
波多黎各 – 得分：8.553
南非 - 得分：8.460
捷克 - 得分：8.350
美國 - 得分：8.060
阿爾巴尼亞 –得分：7.900
比利時 –得分：7.870
瑞典 –得分：7.830
克羅地亞 – 得分：7.811
冰島 - 得分：7.730

澳洲小姐在泳裝環節中排頭位，多明尼加小姐緊隨其後。雖然破天荒有9位歐洲佳麗入圍，但一經泳裝後只得4個有得留低。渾身散發runway超模味道的阿爾巴尼亞輸在cool過籠，唧都唔笑。比利時及冰島，靚則靚已但台上表現又的確欠一點力量。

接著是晚裝環節，每位佳麗都不容有失，因為分數將會決定5強！10位佳麗大部份都穿上與預賽一樣的晚裝，但也有佳麗換上另一戰衣，當中包括有波多黎各及美國小姐。

Top10晚裝排名：

多明尼加 - 得分：9.428
科索沃 - 得分：9.250
波多黎各 – 9.050
澳洲 - 得分：9.039
委內瑞拉 - 得分：8.869
法國 - 得分：8.650
南非 - 得分：8.040
捷克 - 得分：8.010
瑞士 - 得分：7.890
美國 - 得分：7.550

在泳裝排在第二位的多明尼加小姐反超前，而科索沃小姐一身如高級訂造服的晚裝也深得評判歡心，分數排第二。波多黎各小姐換上一套粉紅色晚裝，比預賽時好多了。賽前傳聞委內瑞拉小姐主辦大會會為其代表準備另一晚裝，但結果只是換了髮型而已。這個復古打扮果然夠搶鏡，委姐順利打入5強。最可惜的是大熱門 (及我的fav.)法國小姐未能憑著一襲dazzling銀色晚裝闖進前5強，大失望！美國小姐雖然換上另一套戰衣上陣，但亦未能有突破，兩個項目都排第10。

在公佈前5強名單前，大會先宣佈友誼小姐及最上鏡小姐得主..

友誼小姐 – 中國小姐
最上鏡小姐 – 泰國小姐

5強誕生：
多明尼加
科索沃
波多黎各
澳洲
委內瑞拉

5位佳麗要作最後一個會合惡鬥 – 評判Q&A，每位佳麗均要抽出一位評判並接受提問。 當中委內瑞拉小姐的問題是 - “In many parts of the world obstacles still exist that impede women from achieving their goals in some corporations. What can women do to overcome this?”

答– I believe nowadays we women have overcome many obstacles and I do believe we have reached the same level as men have. We must realize there are no longer any barriers amongst us.

雖然委內瑞拉小姐的答案未算完美，亦不是5強中最出色的，但憑著鬆容不迫的表現贏得評判一致認同，反超前多明尼加小姐成為新一屆環姐冠軍，恭喜晒~

上屆冠軍Dayana Mendoza已是第二次加冕與Stefania Fernandez
歷史性一刻，委內瑞拉小姐加冕給委內瑞拉小姐，所以開心到跣手，冠都飛甩埋
委內瑞拉小姐接受加冕後繞場一週接受全場祝賀； 委內瑞拉小姐的national diretor，現年63歲的Osmel Souza曾揚言如果他能一手製造連續兩屆環姐的話便會退休，現心願已成，他會否真的退位讓賢呢

宣佈結果的一刻 (西班牙文版)

速報！環球小姐09 partVI

速報！環球小姐09 partV

速報！環球小姐09 partIV
速報！環球小姐09 partIII

速報！環球小姐09 partII

速報！環球小姐09 partI