農曆年假期通常都不外乎是飲飲食食同飲飲食食，又或者賭少少咁。
今年計埋拜六/日雖然有成5日假期，但初一已經走咗去開工無得玩，
好彩初二即刻有節目咋，我哋一行21人卜咗個房開檯兼食飯！
今年呢餐開年飯本來諗住去喜萬年，點知佢哋初四先啟市，
最後搵吓搵吓搵咗去銅鑼灣嘅紫星軒！
之前去過呢度飲茶同食晚飯，水準都算ok，點知...
呢餐開年飯要成$4,680，加埋棘力摑肋，每位要科成5舊幾，
咁嘅食物水準再加上嗰位亂開酒兼加冰落香檳嘅女侍應..
真係要打大大大交叉！
見係新年咋，唔係佢哋實有排受！
叫得紫星軒當然咩都要“紫”
龍蝦伊麵 - 得幾“住”麵，龍蝦又瘦猛猛
乳豬全體
西蘭花帶子
瑤柱節瓜圃 - 不夠熱，嗰汁又杰過頭
炸吞拿魚卷 - 其實是麵飽包著吞拿魚；這個最把鬼，又鹹又油
花膠燉翅 - 無咩翅咁囉
清蒸海斑
炸子雞
黃金流沙飽 - 味道噢畸但流沙涵太稀，一撕開流沙涵便瀉晒出來
21人，要分兩張檯，但大家建議將兩張檯擺成眼鏡型，新年流流親密啲好喎
笑！
Fun/PL/DC
KC/Fun/RY/WL今日是大年初四，祝大家開工大吉，成年都笑口噬噬！
農曆年幾日假期，大家有甚麼搞作呢？
在下就睇了一齣唔知點解會有人讚好的《游龍戲鳳》、
打(輸)了一場麻雀以及生平第一次去了新春花車巡遊！
去新春花車巡遊當然不是為興趣而是為工作啦，
皆因澳門小姐獲澳門旅遊局邀請出席，
主要負責扮得靚靚站在花車上一味笑同一味揮手！
原本出席的有澳門小姐冠軍呂蓉茵及季軍伍家怡，
但由於呂蓉茵病倒不能現身，所以只得伍家怡獨力撐場，辛苦晒！
2pm - 先去銅鑼灣set頭化粧 (千個唔該兩位化妝/髮型師初一都開工幫手)
3pm - set完個3呎高髮型，開始化妝
615pm - 搞掂頭同個粧即刻飛車過文化中心，因為5點前要到，5點後尖沙咀就會大封路，咩車都唔入得架。6點3，換好衫帶埋后冠等briefing
630pm - 在文化中心大劇院入面聚集了幾百人，咩膚色都有，好global呀
645pm - 來自美國但身穿墨西哥民族服的表演團體
730pm - 全人類standby啦
745pm - 所有表演單位開始上花車啦.. 迪士尼花車當然有米奇助陣
8pm - 迪士尼花車準備出發
815pm - 來自日本的表演團體
815pm - bilibala的小丸子&her family都有份巡遊
817pm - 小丸子走到迪士尼的花車前嘗試跟米奇合照。明文規定，米奇是不能跟其他卡通人物合照的，所以現場所見米奇不斷又踎抵企高拎歪面，企圖避開鏡頭，成個過程好有娛樂性
818pm - 來自非洲唔知邊度的表演團體。當晚寒風凜冽，唔知佢哋凍唔凍呢？
820pm - 嘩有米芝蓮花車添
821pm - 澳門小姐要上車準備啦！為安全起見，她是要帶上安全帶的
825pm - 伍家怡當晚好受歡迎咁喎，不斷有外籍人士上前要求合照
830pm - 要在寒風中全程(1粒鐘)著旗袍兼保持笑容，咪話無難度
835pm - 澳門花車的背景由澳門的著名景點所組成，當中包括大三巴、媽閣廟及燈塔等等
昨晚為MM慶生，原意我想請他吃一頓好nice的“賓廚”，但他說：不如當搞埋團年啦.. 哦.. 那麼要吃中餐了~ 今次我是搞手，由於份人比較霸道，所以沒有經過諮詢其他賓客就自行決定去利苑開餐！利苑跟西苑同級，算是城裡的中高級中式食府，品質一向有保證，應該唔衰得去邊！話說今次訂位發生了一段小插曲..
因為臨近農曆年，所以我也不敢怠慢，三星期前已預好人數，頂好了檯.. 而這間利苑亦很有交帶，一星期前已打來confirm.. 我當然即時confirm啦~ 誰知過了兩天，同一位姐姐又再打來..
我：咪confrimed囉..
她：無，過年嘛，驚好多嘢會無，想你留定~
於是我就留了湯、雞及乳豬.. 好啦，再過兩日，同一位女士又再call..
她：我想問廿二號晚張檯係咪confirm？
我：我confirmed咗你兩次啦喎..
她：哦，因為過年，我哋啲檯比較緊張，所以..
我：ok，我CONFIRM！！
她：唔該~
好啦，到了前日，我去了澳門工作，利苑又再打來！
由於身在“外地”我當然沒有接聽，但它們勁call兼留了三個口訊，
而當我在晚上回到家裡的時候，手電又再響起，call display是利..苑..酒..家..
我：(有火) 喂..
她：葉生，我想confirm你廿二號晚個卜瓊~
我：(惡) 小姐，又係你.. 你已經七日入面第四次打俾我confirm架啦喎..
她：無.. 因為呢..
我：(惡) 因咩為呢？我連嘢食都留埋，仲confirm？
她：唔好意思，因為臨近過年過，我哋啲檯比較緊張呀..
我：(惡) 我要唔嚟，你打俾我咁多次我都係會唔嚟架啦，你咁緊張，叫啲客落deposit囉~
她：咁又唔會.. 咁我哋..
我：(惡) 得啦，我而家第四次confirm你，你唔好再打俾我呀~~~~~~~~ (迴音)
她：好.. 好..
豬肺湯 - 好清好甜好潤。大家有無發現這張相得意之處呢？
叉燒拼乳豬 - 叉燒肉質很好但味道超鹹，倒扣四十分。乳豬就不過不失
梨山醬汁排骨煲 - 味道一流，只嫌肉排肉少骨多
章茶雞 - 很有茶香，雞亦嫩滑
時蔬白果白合 - 那個用芋頭做的雷達網很搞笑
龍躉二食之香煎龍躉片 - 外脆內滑，不用任何醬汁已拎滿分
龍躉二食之蜜豆龍躉片 - 稍遜於香煎龍躉片，但亦好good，尤其是那一條條脹卜卜的蜜豆
咕嚕肉 - 愛啖啖肉人士必愛
蝦膏蒸豆腐豬面青 - 面青即豬面豬“登”；送飯之選，蝦膏香，面青又夠滑
啫啫唐生菜煲
紅燒豆腐煲
雜菜煲
栗蓉西米焗布丁 - 好食到哇哇聲
一皇七后生日蛋糕拼盤 (by Teresa Festival) - 皇：抹茶紅豆蛋糕 、七后：(上右順時針) 雜果芝士蛋糕、芒果芝士蛋糕、香橙芝士蛋糕、Oreo香蕉芝士蛋糕、蜜桃芝士蛋糕
MM，合皮巴芙地啦
有“六個”蛋糕切，壽星仔幾開心
抹茶紅豆蛋糕 - 蛋糕的質感及味道相當好，但瑕疵是欠缺抹茶味道
尋晚這一group的平均高度相當高.. 兩個六呎、兩個五呎十一、兩個五呎十.. 不過都有三個是五呎七樓下既，哈哈..
