速報！香港先生08 (結果公佈)
果然係佢！
《08年度香港先生競選》在一片we wa鬼叫聲中結束，來自內華達州的23歲大學生朱允崇(12號)憑住一對腰果電眼及典型ABC look贏盡全場女觀眾歡心，整晚的分數都遠遠拋棄對手，真係帶九條街。最後除成為盛年組優勝者外，更成為全場總冠軍。而少年組冠軍則是20歲學生羅天宇(6號)。
左：少年組冠軍羅天宇；右：盛年組及全場冠軍朱允崇
大會司儀：左起 - 楊千嬅/鄭裕玲/丘凱敏；嘟姐件晚裝噢畸肉酸喎
甫開場12位參賽者以飛機師制服登場
少年組1至6號參賽者以泳褲亮相
1號黃晉業 - 表現平平，幸好對手較弱才能晉級
2號招天祐 - 必殺技唱Stand By Me，全首歌都flat晒。跟住著起泳褲個樣又尷尷尬尬咁，低分出局實屬正常
3號溫家偉 - 果然瘦身成功，以為佢會係少年組冠軍添
4號陳冠標 - 兩個字：騎呢！扮Terminator真係令人噴返3日前啲飯出嚟，而見到自己咁低票數仲黑晒面添。話時話有無人覺得佢似容錦昌？
5號趙晨 - 無樣無身材無歌喉，兩個項目加埋先得7票，成為包尾大班
6號羅天宇 - 賽前表現好怕醜，點知尋晚大個仔晒，好有大將之風，難怪可以擊敗3號得少年組冠軍
7號陳世強 - 個嘴好似一把間呎咁，騎呢程度直迫4號，兩個項目合共得30分，排尾二
8號何君誠 - 謝天華上身，雖然跳得出色，但始終質地一般，無緣晉級
9號呂熙 - 9成似張敬軒，不過係靚版。昨晚表現越戰越勇，最後在復活戰更有力砌低黃文迪，有點令人意外
10號黃文迪 - 全晚以冷酷runway model姿態出現，論身材我覺得他稍勝12號，但對手實在太過厲害。以為他有望在復活節翻生，點知..
11號霍俊毅 - 我個11號仔.. 全晚票數都處於低位，諗住泳裝之後有望爬返上來，唉.. 咁既身材都咁少票，啲女評判擺明係唔得佢啦。最後在復活戰中連5號都贏唔到，有無搞錯架？
有圖為證，連張嘉兒都覺得佢好呀
12號朱允崇 - 尋晚實情佢就咁企喺度啲女評判都一樣會we wa鬼票然後投佢一票
朱允崇出年應該會代表香港參加世界先生競選，以他5呎9吋的身高，如無意外會變小矮人。昨晚當他站在港姐冠軍張舒雅旁已經矮得好緊要啦陰功
8 comments:
個答問環節真係可有可無,不如正正經經逐個上台傾幾句仲好啦,結果隨時大執位呀~
個容錦昌和李克勤混合體成晚都幾乞我憎,佢成為低分王實至名歸,見佢黑面個樣真係有點心涼。
4號。。。容錦昌+李克勤+“飯"少皇，佢得8票即黑面係全晚必睇位。
9號。。。除左似軒仔，有Ｄ似胡諾言
11號。。。輸比趙晨真係無陰公
11號竟然成為bottom 5, d分有始至終都谷唔氣, 真係成晚唯一令我洩氣既一環... 唉!!
10號個talent真係.... 仲衰過曹敏莉選華姐果個...
不過最後果個環節(即扮12個電影造型)我覺得幾有創意喎! 我地成班frd都讚!
10號黃文迪全晚太冷酷啦，女唔buy的，還記得第一屆的michael嗎？有樣貌，有身材，但就太酷，結果輸哂！而家選香港先生，唔係選超模呀！計算錯哂，長腳蟹點教路架，選港姐全程西面都輸啦！
論身材我反而覺得12號稍勝，較平均，黃文迪肩膀太窄，胸太爆，不合比例．但他未能在復活節翻生，有點出奇．
咁12號行咗cutie路線,所以佢諗住行cool囉~ 咁佢個樣又好似cool cool地適合d嘅~
但係12號真係too much囉,得一個樣, 肯定睇兩睇已經悶~
身材10同12就真係差晤多啦, 各有各好..
總之最慘就係11號仔啦.... 嗚~~~
I also like No. 11, but.........sigh!
I think 12 has his charisma, luv his impeccable smile. I didn't like his promo clipping on the tvb website, he looks kinda silly. Looking at this pic that u posted, I think he needs to work on his chest.
Post a Comment