冬日濃情之烚吓烚吓

在下身邊有超多打邊爐人，無論任何天氣都可以烚吓烚吓，就連lunch都試過跟他們打邊爐，死未？記得小時候，打邊爐是冬日限定活動，就算打也多數在家中進行，出外吃是一件很奢侈的事。但近十數年，火鍋店開得如雨後春筍，而且豐儉由人，所以打邊爐已跟去光顧茶餐廳沒有兩樣了。

我從來都不抗拒打邊爐但絕少會主動提出，適逢昨日冷風襲港，氣溫驟降，早上洗澡的時候冷得牙關打震，一邊沖腦裡一邊湧起打邊爐的念頭。於是下午時份跟幾位友人在msn的時候提出打邊爐的意願，他們一致“O”嘴，驚訝我會作出如此提議，哈哈！最後我們鎖定到RY曾推介的炮台山大排檔 - 協盛。香港天氣長期熱到爆炸，對於我此等郁一郁都標汗的人來說，可以坐大排檔的日子其實不多，昨晚真是十年唔逢一潤，一路被冷風吹著一路烚吓烚吓，爽也！。到達協盛已近8時，現場人頭湧湧，驟眼看大概起碼有十多廿人在輪候，幸得RY先知先覺一早訂了位才不致呆等啊。咪住.. 大排檔也可訂檯？奇！

我們一行4人，3男1女，究竟吃了甚麼呢？現場情況又如何呢？我們立即睇睇..

大排檔位於水星街，即銅鑼灣街市旁，惠康超市對面的小巷..
幾虛冚..

開始烚啦..

有雲吞/魚片頭；雲吞唔差得過麥奀好多呀..

左：羊肉 (零羶)；右：鯇魚腩拼鯇魚片 (脆呀)

左：我們點了醉雞鍋；右：特級牛

左：花甲 (蜆個friend，超爽甜)；右：桂花蚌

左：炸魚皮；右：魚肚

左：黑豚肉 (必試)；右：魚蛋拼牛丸 (彈彈波)

以上食物再加上西洋菜/油麥菜及啤汽水酸梅湯，每人盛惠175蚊，ok抵，值得試它一試！烚完之後4人同心大叫未夠喉，所以移玉步到電氣道經常爆場的晶晶甜品吃糖水，填滿尚有少量空間的肚皮。天后的電氣道食肆林立，晶晶甜品算是這條街的開荒牛，屹立十載，雖面對多間新進駐甜品店的衝擊，但生意依然做唔停手。

昨晚人流算是很少

左：牆上貼滿日本雜誌的報導；右：薑汁湯圓

左：薑茶 (浮面一粒粒是炒過的糯米，可令薑茶更香)；右：杏仁芝麻糊 (我的最愛)