麥斯生日啦！
原來已經係識咗佢之後第4個生日啦喎，啲時間快到呢.. 今年既飯局依然唔係大龍鳳，得7個人，人少少，壽星公鍾意呀！呢次由AM揸旗，佢建議去銅鑼灣黃金廣場既《千秋樂》居酒屋，min. $1800可以包一間房，如果有discount咭仲有85折添！ 呢棟大廈近年有好多食肆進駐其中，比較有人氣既係《一門》， 而呢間《千秋樂》就未試過兼無咩朋友幫襯過，咁試吓囉！ 由於要食夠min.，所以我哋猛咁叫野食，點知叫嚟叫去都係差幾十蚊，最後唯有捧住個肚都要食埋雪糕。咁啲野好唔好食呢？ummm.. 噢畸咁啦，如果有85折就幾抵，同埋好在有間房，嘈喧巴閉都無問題嘛！話時話，我喺過去一個星期食咗成3餐日本野，搞到我好想快啲去日本呀~~
左：雜錦壽司拼盤；右：牛油果吞拿卷 
左：辣吞拿卷；右：炒雜菜
左：牛肉卷；右：牛油帶子
左：燒三文魚腩；右：好厚好肥美
左：燒鯖魚；右：雜錦魚生船
左：三文魚/腩刺身；右：明太子雞翼《凹凸容醫》(Nip Tuck) 第4季剛開始在明珠台播影，閣下有追看嗎？有追看的應該知道其精彩之處除了那些估佢唔到的情節、亂七八糟一塌糊塗的男女、女女、男男的關係外，還有那些彷如活現眼前的整容手術場面亦贏得不少大膽觀眾歡心。在下好怕見紅，所以每逢有血腥場面我都只懂掩面並在指縫中偷看。
記得讀幼稚園高班的時候，座位是書檯連著可反起座椅的那一種。有一天上課時，因為超皮，我不斷用小pat pat上下上下的搖著座位，怎料越搖越興奮，右邊小手不知不覺間攝進了椅背與座位之間的罅隙，突然“咔擦”一聲，右手食指感到一陣痛楚，取出一看... 哇，血流如注，我亦當然應聲嚎哭起來，聲浪差點大得連鄰座的同學也給嚇暈。而正在講書的Miss也當然嚇得魂飛魄散~~ 結果那隻食指被包紮得如香腸那麼粗大，笑死！
另一次“血光之災”是小三那年，有天不用上學，跟媽媽外出吃早點的時候，在家不遠處遇上一個剛被洗劫兼身中2刀的中年女士，她血流披面的坐在地上，那酷極痛苦的表情及隱約所發出的哀號聲到現在還歷歷在目。那一晚我發了無數個惡夢，驚餐飽！總之，由細到大我都好驚血啊！！
前天，在下要到診所進行一項小手術，小手術雖要在面部上動土，但事前醫生說過整個過程只需10數分鐘， 而且亦不會有大痛楚及明顯疤痕，因此沒有特別顧慮或擔憂。一到達診所醫生二話不說便叫我躺在手術床上， 然後便嚷著姑娘用布蓋著我一邊面，只外露了需動土的部份。接著聽到醫生帶洗手、帶手套、帶口罩及移動儀器的聲響，又隱約看到姑娘預備麻醉針及紗布的情況..突然間整個人開始緊張起來，心跳加速，雙腳僵硬了似的.. 哈哈，這個時候我想起一個道理：一死了之不打緊，等死才夠恐怖啊！下一步當然是入戲肉啦..
醫生：(嚴肅) 我而家幫你打麻醉針，半邊面會痺痺哋..
我：哦..
(一陣刺痛)
我：哎呀~
醫生：好痛？
我：唔.. 算既..
醫生：唔駛緊張，最痛係呢一下架啦~
我：哦..
轉瞬間我感覺到藥力由左下顎位置一直伸延至頭部.. 跟著“聽到”醫生拿起手術刀.. 然後往面上割下去.. 嘩.. 心裡大嗌了一聲.. 噢.. 一點感覺都沒有，哈哈..雖沒有任何痛楚但仍清晰“feel”到他在庖丁解牛， 縫針的時候更“feel”到面皮被拉起！
醫生：ok啦，幫你貼塊膠布先~
我：真係咁快？
醫生：都話架啦~
我：咁起得身喇？
醫生：得！
我：係咪.. 好多血呀？
醫生：你睇吓囉.. (手指著床邊的檯)
我：errrr..
醫生：睇吓啦..
我：咦，咁少血架咋？(檯上只得一塊沾了些微血的紗布)
醫生：你咁大件，唔似咁細膽喎~
我：嘻嘻.. (大件就唔細膽啦咩？咩道理先？)
唉，就算蕭定一睇中我，我都無本事做Freeze囉~
(影完相)
《冰雨》的細碟封面
日野美歌於04年的一個電視節目中演唱《冰雨》
病咗成個weekend，辛苦晒！
尋日仲要開始還原間屋，癲咗！
今朝返工本來仲呆呆滯滯，但突然間友人F4傳嚟呢個消息..
嘩，睇完真係咩事都無晒~~
林志美開演唱會呀！！！
林志美，洋名Samantha，當年玉女鼻祖，論資排輩，周氏慧敏都要行埋一邊。 今次演唱會名為《林志美永遠動聽音樂夜》，2月28號至3月4號，巡迴香港各區演出。 地點包括：西灣河、荃灣、紅磡、元朗同葵清，真係演唱會tour嚟喎！ 宣傳海報上唔單止有林玉女個靚樣，仲列出佢好多smash hits，睇嚟係一次金曲演唱會啦！ 希望到時除咗可以聽到《感情的段落》、《偶遇》或者《雨夜鋼琴》， 嗰堆西歌都可以一次過上台，咁就真係wow~~~
不如喺呢個時候重溫一下林志美其中2首既西作啦..
86年 - 勁之夜：同胃癌撞歌，呢首西好多，尤其嗰幾句英文！
87年 -發熱體：當年電台有播吓架，第一次聽.. 嘩，林志美rap呀~
88年 - 攝石人 ：原曲係gay爆既《Boom Boom Boom》，經林小姐改編後就西爆！
麻煩唱埋《愛清風更愛Telephone》、《愛情幻象》同《愛情雷達網》啦！喂喂，提提大家，28號開始喺urbtix賣飛啦，我會睇3月1號高山個場，到時見啦~~
專輯封面
碟內有大量相片騷“靚樣”，粉絲應該會好開心
不過呢張就真係..《鴿子》- 作曲/：林邁可/作詞：鄭中庸在下身邊有超多打邊爐人，無論任何天氣都可以烚吓烚吓，就連lunch都試過跟他們打邊爐，死未？記得小時候，打邊爐是冬日限定活動，就算打也多數在家中進行，出外吃是一件很奢侈的事。但近十數年，火鍋店開得如雨後春筍，而且豐儉由人，所以打邊爐已跟去光顧茶餐廳沒有兩樣了。
我從來都不抗拒打邊爐但絕少會主動提出，適逢昨日冷風襲港，氣溫驟降，早上洗澡的時候冷得牙關打震，一邊沖腦裡一邊湧起打邊爐的念頭。於是下午時份跟幾位友人在msn的時候提出打邊爐的意願，他們一致“O”嘴，驚訝我會作出如此提議，哈哈！最後我們鎖定到RY曾推介的炮台山大排檔 - 協盛。香港天氣長期熱到爆炸，對於我此等郁一郁都標汗的人來說，可以坐大排檔的日子其實不多，昨晚真是十年唔逢一潤，一路被冷風吹著一路烚吓烚吓，爽也！。到達協盛已近8時，現場人頭湧湧，驟眼看大概起碼有十多廿人在輪候，幸得RY先知先覺一早訂了位才不致呆等啊。咪住.. 大排檔也可訂檯？奇！
我們一行4人，3男1女，究竟吃了甚麼呢？現場情況又如何呢？我們立即睇睇..
大排檔位於水星街，即銅鑼灣街市旁，惠康超市對面的小巷..
幾虛冚..
開始烚啦..
有雲吞/魚片頭；雲吞唔差得過麥奀好多呀..
左：羊肉 (零羶)；右：鯇魚腩拼鯇魚片 (脆呀)
左：我們點了醉雞鍋；右：特級牛
左：花甲 (蜆個friend，超爽甜)；右：桂花蚌
左：炸魚皮；右：魚肚
左：黑豚肉 (必試)；右：魚蛋拼牛丸 (彈彈波)
昨晚人流算是很少
左：牆上貼滿日本雜誌的報導；右：薑汁湯圓
左：薑茶 (浮面一粒粒是炒過的糯米，可令薑茶更香)；右：杏仁芝麻糊 (我的最愛)近日公私兩忙，裝修事宜屋搞到我一頭煙，現仍寄居友人家中，晚間又沒有電腦用，累得我這個博客變得營養欠奉。在未能安頓前就讓我找些易寫的題材攝攝期頂住先，多謝！
日本樂壇盛事《第58回紅白歌合戰》於07年除夕夜順利結束，結果由白組連續第三年獲勝。統計過去58年的對決成績，白組勝30次而紅組則勝28次，看來明年紅組要加把勁了！《紅白》於七/八十年代是收視黃金保證，但踏入九十年代，收視江河日下，大牌歌手更紛紛拒絕出場，令節目變得暗淡無光。今年《紅白》經過統計後，收視是自04年以來最高的一次，大致維持於32%至39%之間，而根據獨立演出單位計算，紅組最高收視時段為和田秋子(42.2%)、白組最高收視時段則為SMAP(43.9%)，而全體大合唱《世界上唯一的花》的間場表演亦達46.1%收視。
在下暫時仍沒有時間到旺角一轉所以未知信和有售紅白自製DVD沒有，不過在youbtube已發現了部份演出片段。
紅組：
Angela Aki - 美日混血唱作歌手，連續第二年出場，參賽歌是07年大熱作《櫻色》。《櫻色》是電影《犬神家之一族》的主題曲，主演的有松嶋菜菜子及深田恭子。
Leah Dizon - 當晚的性感服裝令人噴血，但可惜其唱功則令人噴飯。
安眠(成員：岡村孝子/加藤睛子) - 82年曾上紅白舞台，闊別25載再踏台板應該是百般滋味。參賽歌當然是家傳戶曉的《等待》。
中村中 - 從岩崎宏美和音到個人歌手，從“男”變“女”，一直都是話題歌手。參賽歌是其06年Oricon十大細碟《朋友之歌》。
Morning娘 + Berryz工房 + C-ute - Hello Porject其下3支組合一同出場，猶如幼稚園唱遊。台上加加埋埋超過60人，是紅白的一項記錄。
Zard - 於07年突然離世，震撼整個藝能界，為紀念這位樂壇女聲，NHK於當晚節目中播出了一段從未曝光的影像。影像是來自Zard於較早前於NHK大阪Hall舉行之演唱會片段。
石川小百合 - 77年憑一曲《津輕海峽冬景色》打響名堂，30年來都是演歌派的中堅份子。07年5度成為紅組壓軸出場歌手，參賽曲同樣是5度出現紅白的《津輕海峽冬景色》。
白組：
米米Club - 對上一次入選是96年，眾隊員形象依然好Tim Burton。本人有一疑問：點解主音個黑眼圈那麼厲害的呢？參賽歌為《愛君浪漫》
寺尾聰 - 07年剛滿60歲的典堂級演員，81年曾憑一曲《紅寶石指環》橫掃整個樂壇，但可惜後繼無歌。《紅寶石指環》當年曾被香港男歌手威利改編成廣東版《好大個網》。
德永英明 - 憑3張“唱好女人”專輯而大受注目，應該陸續會食住呢條水。今次紅白中選唱了85年小林明子的名作《墮入愛河 ~Fall in love~》。
SMAP - 哇，一睇原來SMAP已經出場15次，好驚。5位“大男孩”雖不再年輕但依然超紅，尤其是木村！參賽曲為《彈丸Fighter》。
Kobukuro - 參賽曲《蕾》在除夕夜更同時奪得第49回全日本唱片大賞的大賞。
今早在youtube發現了一段片，覺得挺搞笑.. 片段應該是來自86年，那是當年日本一個非常高收視的音樂節目《The Best 10》，而其中一位主持更是藝能界超級名嘴黑柳徹子。該晚的節目重頭是首次以人造衛星直播鄧麗君於香港尖東海旁(註：螢光幕出現的“波止場”意即碼頭)的演出，為隆重其事現場不單有橫額有舞獅有現場觀眾還有幾位穿旗袍的佳麗充撐場面。當鄧麗君被主持問到香港流行那些日本歌手的時候，幾位旗袍佳麗展示了好幾張黑膠細碟，當中包括了：安全地帶、荻野目洋子、菊池桃子、CCB、柏原芳惠、小泉今日子、吉川晃司、中森明菜、Checkers，全部都是當時得令的偶像歌手，好80s。不過全段片中最R頭的是為什麼要由那位不懂日語的粉紅旗袍佳麗用日語介紹鄧麗君呢？她講到錯晒呀，講廣東話還有特色啦~~~
鄧麗君當晚演繹了86年大熱作品 - 寄身於時光洪流 (時の流れに身をまかせ)
認識由鄧麗君主唱的《Goodbye My Love》應該是3年級的時候，那個年頭她真的紅得發紫，很多作品都非常入屋。而鄧大姐溫婉綽約的歌聲更令我一聽便愛上了這首歌，當時雖得幾歲人，但已能一字不漏將整首歌背唱出來。記得在好幾次的大型家庭聚會中都被家母太下令表現娛賓，現在想起來也覺尷尬。
一路以為《Goodbye My Love》只得國語版，直至後來接觸了J-pop方知道原裝是一首日本歌，原唱者為Ann Lewis (アン‧ルイス)。Ann Lewis是一名美日混血兒，父親曾是美國軍人，母親則是純正日本人，56年6月5日出生於兵庫縣寶塚市。70年被發掘加入樂壇，翌年2月25日推出首張細碟《白色週末》，一臉洋化的面孔令Ann Lewis輕易突圍而出。《Goodbye My Love》是74年的作品，由平尾昌晃作曲、中西禮填詞，最高曾攀升至Oricon細碟榜第14位。到了80年，Ann Lewis下嫁了男歌手桑名正博，81年誕下長子美勇士，可惜婚姻只維持了4年，84年宣佈離婚。離婚後其形象漸催大膽前衛，先後推出了好幾首流行作品，例如：六本木心中、呀無情及天使啊請望望故鄉等等。95年Ann Lewis因患上焦慮症而隱居美國，06年病癒復出。
《Goodbye My Love》多年來都曾被多次翻唱，日本方面就有坂上香織(89年)及福田沙紀(06)，香港亦曾出現過黎明詩的廣東版本。
Ann Lewis - Goodbye My Love (74年)
鄧麗君 - Goodbye My Love (78年台灣電視節目演出片段)
坂上香織 - Goodbye My Love (89年)
黎明詩 - Goodbye My Love (91年)
楊宗緯 - Goodbye My Love (06年超級星光大道)
尋晚，
我幾乎爆血管，
唔係講笑，激到我差啲死喺地鐵..
個刻我明白點解會有人攞刀斬人，
因為火遮眼，係咩都會做得出..
尋晚放工，我打咗個電話俾葉老太諗住update吓裝修進度，點知..
我：媽咪，今日搞成掂？入得屋攞衫未？
媽：而家唔整啦..
我：咩唔整呀？
媽：個師父話啲伙記唔做喎，就算揾到有都要隔幾日先有，驚過年前起唔到貨..
我：吓？！仲有成個月先過年喎，同埋佢唔係同啲伙記夾好要整幾耐架咩？
媽：點知呀.. 而家整完個廳算囉，個房過完年先算..
我：咩話？將所有野擺返好跟住到過完年又pack多一次？咪玩啦..
媽：唔係點呀？人哋唔肯做都無辦法..
我：咁唔係佢話咩就咩架喎，有無搞錯呀~ 你俾咗幾多錢佢？
媽：俾咗萬一蚊囉.. 原本話三萬八做晒個廳同兩個房。
我：咁如果佢唔做埋兩個房，仲駛唔駛收錢？
媽：唔駛喎..
我：啊.. 即係而家筆錢夠cover個廳就唔整埋啲房，係咪玩野呀佢？？
媽：我哋都係唔好彩架啦.. 咁唯有過完年先算..
我：唔係呀，邊有人咁白痴呀~
媽：你鬧我都無用架啦，我無氣同佢講呀~
我：...........
我：俾佢個電話我，等我同佢講 ($#%^@~*)
媽：你唔好鬧人呀，而家啲傢俬擺晒出屋，陣間佢唔幫我哋搬返好添呀..
我：(高八度) 俾佢個電話我啦~~~~~
媽：xxxx xxxx
我：打完俾佢再打俾你..
(收線)
我：(個口其實嬲到震晒) 喂，師父呀，葉生呀，我媽咪話.... (重複整件事一次)
他：唔係.. 唔係.. 唔係.. 我揾緊人.. 我揾緊人..
我：(個口繼續震) 咁幾時揾到？
他：好快.. 好快.. 好快..
我：(開始提高把聲) 即係幾時呀~~~~~~~~
(地鐵車箱開始有人望住)
他：好快.. 好快.. 好快.. 八點零知啦.. 有呀有無呀無..
我：(%$^&!@#*) 咩有呀有無呀無.. 而家仲有成個月先過年，咪玩啦..
他：唔係.. 唔係.. 唔係..
我：(再高多八度) 即係你無理由整到一半唔整架係咪呀~~
(地鐵車箱開始有人啤住)
他：唔係.. 唔係.. 唔係.. (原來係口頭禪)
我：你咪再唔係啦師父，你快啲幫我搞掂佢，好來好去啦..
他：我知.. 我知.. 我知.. 八點零覆你啦..
我：係啦喎..
他：係啦.. 係啦.. 係啦..
(收線)
(等到九點十五分仲未有電話)
我：師父，九點幾啦喎..
他：我知.. 我知.. 我知.. 啱啱摷緊你話..
我：咁點呢而家..
他：而家聽日下晝再開工..
我：係咪真架，唔好講咗又唔算數喎！
他：唔會.. 唔會.. 唔會..
我：咁你幾時起到貨..
他：要星期一啦起碼..
我：我俾夠你星期二..
他：係啦.. 係啦.. 係啦..
我：係啦喎..
他：係.. 係.. 係..
我：係咁啦..
(收線)
最新消息，啲師父成四點先到囉，你x味................. 我好唔明，點解九成九啲裝修佬都係咁唔負責任，係要扭吓計架呢？咁無信譽都可以既？咁樣無人翻轉頭幫襯架噃！同佢講電話我真係好X勞氣，軟皮蛇，係想鬧到佢爆為止............... 我放工會返去睇吓間屋，祝我好運！
大開色界MV入面其中一幕
Fun & Prudence in 05
自04年Super Bowl無厘頭露兩點事件及暴肥60磅後，Janet Jackson痛定思痛，積極收身發力，06年推出了《20Y.O.》專輯。專輯中首張single《Call on Me》，找來饒舌界猛人Nelly合作，一推出高速登上Billboard騷靈榜冠軍，而第二張single《So Excited》更為Janet帶來第17首 Billboard Hot Dance Club Play冠軍。《20Y.O.》專輯雖得到不錯的口碑，更獲提名格林美《最佳騷靈專輯》，但銷量卻未如理想，只僅僅達至白金數字而宜。07年Janet離開舊東家Virgin，轉投新唱片公司Island Record (A&M Record的母公司)，與瑪拉雞兒成為同門姊妹。簽約後積極籌備出道以來的第10張studio album《Discipline》，監製為猛人L.A. Reid。專輯已鐵定於2月26日推出，而第一張single《Feedback》亦於去年底開始在全國電台播放，到了12月27日更在i-tunes正式推出。
上星期初已開始與友人相討到那裡吃零柒年最後一頓晚飯，大家相討了很久但也沒有結果，不過基本上大家都有共識要遠離西餐廳，而地點更萬萬不能在銅鑼灣。最後RY提議到灣仔區享負盛名的舊式大型酒樓《喜萬年》。在網上企圖查閱其歷史但找不著，那麼就翻開在下的私家資料庫吧。
喜萬年酒樓前身名為《喜萬年酒樓夜總會》，地點依舊在現址，何時開業就不太清楚，不過可以肯定60年代就已經存在，因為家人是當年的常客，到了80年代，家母更連續好幾年在那裡搞壽宴呢。這類酒樓加夜總會場所的興起，相信要追索至60年代，早年的龍頭除了喜萬年外還有銅鑼灣百德新街的《珠城酒樓夜總會》、尖沙嘴海運大廈的《海天酒樓夜總會》，到了後期則有《海城》及《海洋皇宮》加入戰團。到這些地方，客人除可一邊吃晚飯一邊聽歌外，興之所至更可走到舞池翩翩起舞。當年雖只得幾歲人仔，但每次聽到要去喜萬年都會很雀躍，因為有得食有歌聽又可以奉旨夜瞓。記憶中我就曾經在喜萬年看過劉鳳屏、薰妮、黃愷欣及葉德嫻等歌星登台獻唱。
80年代中期，香港經濟起飛，不同類型的娛樂場所越開越旺，加上酒廊及卡拉ok的出現，這些酒樓夜總會就開始被淘汰，到了90年代初已差不多全部結業(海洋皇宮是最後一間結業的，時為99年)，而當中就只有喜萬年能撐到今時今日。當然現在的喜萬年只保留了酒樓部份，裝修也相對地摩登了，但置身其中卻仍可嗅到一陣舊氣味，因為那裡的午市到現在還是堅持著推車賣點心的傳統，好有風味。
那麼除夕夜我跟友人吃了甚麼呢？大家睇睇..
先睇睇懷舊酒杯，十足無記台慶利夫人揸住個隻咁
白果豬展煲豬肺湯，滑到好似飲緊豆漿
招牌上湯蒸雞，又係超滑
喜慶日子梗要食乳豬，不過記住係要預訂，仲有留意對眼係閃架
豬頭連電芯
黃金蝦
懷舊菜式 - 金錢雞，其實係雞潤夾肥豬肉，好甘香。都係要預訂架
龍躉兩味：天婦羅龍躉球
龍躉兩味：清蒸龍躉
大良炒鮮奶
煲仔飯：馬蹄蒸肉餅飯
