亞勳的10年
3650日..
480個星期..
120個月..
10年.. 就這樣過了！
97年7月2日我決定回歸香港、7月3日跟ex表示我的決心、7月9日遞辭職信、7月10日訂機票，一切都落實得很快！還記得97年8月1日(香港時間)香港正懸掛9號風球，遠在多倫多慢走了12小時的我以為上不了機。幸好，風球很快便除下，我如常上機，飛了17小時，97年8月2日傍晚到港。一落機，嚇了一跳，整條長廊都擠滿了因打風上不了機的旅客，他們全都坐在地上，面上流露不悅之色。認過行李後，我帶著勁興奮的心情步出接機處！門一開.. 哇~~~~~~~~~~~~~~~~~~~~因為前一日打過風，有多班航機被迫同時到達，所以當時應該有近千人在場接幾。人實在太多，我無辦法見到來接我機的幾個朋友，最後我唯有用身上僅餘的港幣打了一個電話，差不多擾攘了20分鐘才見到我的幾個手帕交，我們登時開心得擁抱起來！
下一個10年不知我會在那裡呢？做著甚麼呢？有無伴呢？Hysteric Glamour仍是最愛牌子？還會寫blog嗎？
480個星期..
120個月..
10年.. 就這樣過了！
97年7月2日我決定回歸香港、7月3日跟ex表示我的決心、7月9日遞辭職信、7月10日訂機票，一切都落實得很快！還記得97年8月1日(香港時間)香港正懸掛9號風球，遠在多倫多慢走了12小時的我以為上不了機。幸好，風球很快便除下，我如常上機，飛了17小時，97年8月2日傍晚到港。一落機，嚇了一跳，整條長廊都擠滿了因打風上不了機的旅客，他們全都坐在地上，面上流露不悅之色。認過行李後，我帶著勁興奮的心情步出接機處！門一開.. 哇~~~~~~~~~~~~~~~~~~~~因為前一日打過風，有多班航機被迫同時到達，所以當時應該有近千人在場接幾。人實在太多，我無辦法見到來接我機的幾個朋友，最後我唯有用身上僅餘的港幣打了一個電話，差不多擾攘了20分鐘才見到我的幾個手帕交，我們登時開心得擁抱起來！
下一個10年不知我會在那裡呢？做著甚麼呢？有無伴呢？Hysteric Glamour仍是最愛牌子？還會寫blog嗎？
於多倫多臨上機前與幾個超要好朋友合照
21 comments:
那個颱風叫維克托，在青衣、荃灣一帶登陸。登陸前降格為強烈熱帶風暴，掛不成十號風球。香港掌故完畢。
別說十年，十小時後的事也說不準，我今早便無意中聽到一個震驚的消息。十年後，你或者會喜歡另外的牌子，但應該還是那麼好玩又敏感吧。隨遇而安就好了。
起初認不出你，比較墨西哥遊記，靠衣著才辨出來。
哈，多謝你的掌故呢。查實我正在上網翻查這個颱風的名字..
對.. 今日的確唔知聽日事.. 活在當下算吧啦.. hysteric glamour都有些踏實設計的，10年後應該還可穿..
97年的時候超肥，認不出來是正常的呢~
原來你從多倫多回來。
當年亦因移民關係在那邊逗留了半年，頂唔住走番香港，對嗰邊無咩留戀，只掛住 new york fries
btw....做咩咁感性？
多倫多真的那麼差嗎？其實我蠻喜歡這個城市的..
只有new york fries令你回味？就這麼多？
那麼你當年住在那區，我是住密西沙加的..
感性？其實我份人幾感性架 :p
對我嚟講又真係幾差，活動唔多，朋友又唔多，我怕凍，實在太凍。
除咗 new york fries, 仲有漢堡包。。連名都唔記得，好似係wendy's(?)
住在連英文都唔駛講嘅史嘉堡。
又的確係幾凍既~~
我諗朋友都幾決定你有幾鍾意一個地方..
wendy's.. 個logo係個紅色頭髮紮住孖辮幾細路女~
史嘉堡.. 我當年係victoria park & steeles返工架~
典解你個blog無野既？
唔記得係唔係wendy's,只記得可自選大量配菜，D菜名又唔識，通常我會講ALL PLEASE. 諗起都好味。
電台工作？我有聽陳芷菁。。。
唔知點解當初覆唔到朋友個blog（可能我用mac機），登記個blog就覆到。。。我無本事寫blog
哦.. 我算係接陳芷菁手架..
寫下啦.. 看人也看自己嘛~
我阿叔住在密西沙加二十幾年，ex- 就從 richmond 搬左去市郊……仲有士加堡，對大多市只知道這些（因為未去過）。
颱風是我另一興趣，可惜近年冇乜 exciting input，去年這段時間寫下了這一篇「鉅構」：
http://wordyhylau.blogspot.com/2006/08/blog-post_05.html
咁我會唔會識你阿叔架？richmond..即係richmond hill？ 多倫多既夏天好舒服架.. 可以去strawberry picking, 又可以去park度picnic..
等我睇下先~
Richmond係大溫市果個﹐不過都係華人社區就是。睇返你係Pearson影落o的相都幾過癮﹐果陣睇怕都係o係Terminal 2吧﹖而家已經起到T4。o的商店己經唔係以前咁樣。我都有差唔多二十年前離開香港果o的相﹐睇落都噴飯。可以講我一早成為加燦﹐家人家庭都係呢邊﹐安心立命。
其實邊一位係你，我真係認不出來
真係貢難認？
右二呀~
to best actor,
安心立命是一件好事啊..
偶然我會想.. 如果當年沒有回來，我的人生會變成怎麼樣？
路是自己選擇的，不能回頭的話唯有抬著頭向前走..
其實都唔算好難認丫,得你一個眉粗粗之嘛,同埋都唔係好肥丫,連肥都講唔上~
我第一眼認不出，然後用排除法，迅即只剩右二。加埋條短褲同對白襪，應該無錯。
仲有，果時個樣好純。
哈哈... 加拿大人係純d架~
其實4個之中只有我那個造型“最係我”..
「加拿大人係純 d 架」…噢，超級x10 同意。
你的好友穿得很（不同方面的）隆重啊。
wahaha..
我記得個朝我有問：你地著成咁去飲呀？
中間那位好友最近搬了新屋，鄰近海灘，很想去探探他呢..
風共你
也許一天於天涯途上
來回尋覓中找到你所想
:o)
睇第一眼真係要諗諗, 第二眼即刻認出啦!
我的路程和你相反, 97年8月, 辭左香港份工去溫哥華玩左10日, 流連忘返, 之後半年內再飛左去三次. 從此個心留左係加拿大.
Post a Comment