流感

前日下晝跟病病地嘅同事傾咗兩句，
臨放工已經開始喪咳，
晚飯時已越嚟越唔妥，仲開始打噴嚏~
返到屋企乍乍聲啪了兩粒幸福傷風素就即刻上床，

點知..

半夜開始就發燒兼打冷震，
起身再著多件衛衣都係無用，
好辛苦囉..

好不容易先挨到第二朝去睇醫生，
成個診所都係同我一樣帶住口罩同喪咳嘅病人，
聲浪拍得住杜比立體聲，好震撼。

入到去見醫生，一量體溫.. 嘩，101.2C！
醫生話係流感，要食特敏福，
另外最好自閉3日，唔好傳染人，
要出街嘅都切記要帶口罩。

返到屋企食完藥又繼續sleep，
但依然係咁打冷震，而體溫都係咁上下。

斷斷續續咁sleep下醒下食下又sleep下，
終於先挨到今朝！
退咗燒，但就好頭痛同咳得好厲害..

唉..

所以呢，奉勸各位唔舒服嘅人士就最好唔好返工，
要返工嘅都要帶口罩啦！

總之新一年，祝大家同我自己身體健康啦~

BTW，我剛啱上繳費靈kill bill，
點知眼花花將信用咭payment交咗落水費度囉！

妖！！