9.06.2010

澳門小姐民族服裝民意匯集

10月一個國際小姐,
11月一個國際旅遊小姐,
再加上新工作,真是忙到一隻屐咁,
不過,能夠為選美而甩麓同犧牲睡眠時間,
對我來說是絕對十級值得的!

大家需知道參加一個國際性選美,
要準備的事情真是十千萬樣,
單是服裝已經夠一蘿嘢你搞,
又便裝又泳裝又cocktail dress又evening gown。
搵這些服裝難度唔算高,套民族服裝先至超煩呀!!

搵民族服裝有幾項難處:
1. 我們不是無線,拿起手就有一堆古裝任揀
2. 如果真是決定著古裝,又唔知去邊度搵喎
3. 代表澳門,係咪要有澳門特色呢?
4. 就咁著件旗袍又好似好求其,做件勁誇又好貴

真是好煩呢!

我咁諗下,係咪應該決定咗邊類服飾,
先再煩去邊度搵呢?!個logic係咁呀呵 (????)

以下有幾款造型(ref only),大家覺得作為民族又如何?

賽車女郎 - 澳門有東方夢地卡羅之稱,著賽車女郎服裝都幾啱數。不過如果係嘅,我會釘些珠片,bling bling啲
Las Vegas show girl - 澳門咁鬼多賭場,打扮成性感跳舞女郎都係啱數喎,同埋個style幾fit葉沛文
唐朝服飾 - 如果要以中國古裝上陣,我覺得唐朝服飾最好,既性感(可谷事業線)又華麗,幾適合伍家怡。但最麻煩係個頭飾,好難搵&搞
葡國土風舞服飾 - 夠就夠代表性啦,但又好似唔多夠搶,可唔可以改量吓咁呢
另類服裝 - 去年參加環姐的中國小姐就係呢件菜刀劈頭民族服裝登場,好壞聲音都各有。這類服裝勝在夠另類兼“嘩”但就真係要度身訂造,邊度有門路呀

11 comments:

Anonymous said...

個人認為最忌用古裝..無線用足咁多年都衰..而且唔特別...個人認為要嬴就一定要突出、有代表性..但切記..選美始終要靚..很多時就忽略了呢點..件衫夠突出..但唔靚係冇用..好似中國嗰件..um..之前日本小姐選世界小姐..穿了女版武士甲..紅色好搶..而且又高X,好性感..又有時代感..突顯日本的傳統和創意。
講傳統.澳門一定唔及其他國家.所以一定要創意。可以以"賭博"為主題..例如服裝以紙牌做..在衣服中加上輪盤...個人不建議LV女郎,一走出嚟個格..立即比其他歐美佳麗槍斃。

best actor said...
This comment has been removed by the author.
Anonymous said...

個人覺得最好別把佳麗中國化..之前,郭x妮拿西藏服選民族服..但就被人笑一啲香港特色都冇,非常失禮,相信連中國佳麗都唔咁著話代表自己,幾靚都冇無。道具服真的不可行,欠時代感,民族服唔一定要古老架。一國兩制,就是要突出澳門本身文化,國際選美不用有幾個穿唐服的中國佳麗..

naruto said...

我鍾意賽車女郎喎,頭盔加條龍,腳整個中文字tatoo。。。

Sergio Gonzalez said...

2010年啦, 唔係以前70-80年代, 如果民族服裝仲係一套traditional dress, 會被人感覺悶, 單調, 宜家民族服裝個trend 係講求creative, 誇張同搶眼! 正如日本小姐都唔會淨著kimono 咁老土啦!

香港小姐咁耐係環姐淨著中國衫, 我覺得係冇左香港既特色, 如果香港再有參加, 我會設計一個巨型香港建築物模型 (如中銀/ifc/怡和大廈) 作為一個headpiece, 身穿一條由設計師畫有香港唔同景點的大傘裙!

至於澳門,我會比較buy 你建議既賽車女郎look, (我估fun 你會比較易搵), 傳統葡服我記得畢美娜係89 世姐著過! 其實澳門最大既賣點亦係casino, 我記得有同你提及過可以參考以前miss nevada usa 既state costume, 好記得以前有位掛住好大張"A" 字啤牌, 係las vegas 賭場look, 當時我好細個睇電視見到, 一睇就記到宜家, 都算係好成功既costume, 但我知道要搵/做呢類costume 好難!

dee said...

賽車女

robocon said...

賽車女郎 idea 較好喎我覺得.

祝順利啦.

Jessica said...

I like show girl costume ^o^

Anonymous said...

中國小姐就係呢件菜刀劈頭民族服裝登場 > so horrible design!!!!

Susanna said...

中國古裝 有種o娘既感覚。
賽車女郎 好主意、but the helmet block o西成個様。

Gigi said...

其實賽車女郎的確幾好idea,但學你話齋要加些閃飾物,例如閃石手套...