2.10.2010

花市

前晚維園花市開張大吉,我跟幾個茂利已第一時間飛撲撐場!
哈哈.. 講笑講笑,主要原因是老死SC是自移民後,
今年是廿七年來首次在香港歡渡農曆新年,所以心情異常興奮,
知道花市已開即急不及待又跳又叫,嚷著去逛一圈。

維園花市是花市中規模最大,歷史最悠久的一個。
孩提時代的我住在摩頓台(高層),就正正在維園對面,
每年農曆年三十晚都可在露台一睹花市的墟冚場面,
從高處望下,真的很像一群螞蟻堆在一起郁下郁下~ 好得意架!
但中學以前,我從沒踏過半隻腳入花市,
因為家人是從來不去的,所以要待長大後,

自己有“出街權”才得以跟同學仔逛逛。

後來移民了,中間也有9年時間沒有到花市,
98年頭回歸,驚嘆花市已變了個嘉年華會,
又賣嘢食又賣嘢玩,現在連衣服鞋襪都加入戰團,
香港人果真貪心,少一樣選擇都嫌少。

今年的花市又如何,帶大家用眼睛去逛逛..

開市前一天遇著全日落雨,而開市當日天氣依不穩定,所以當晚發現有很多檔口還未開張,人流也是一般
SC一入花市變一味笑,咩都要買,見到熱麥精都叫一餐
咦.. 余若薇寫揮春喎,$18一張.. I like余若薇呀,讓她提我一張,希望新年有新開始
嘩哈哈.. 財息兼收!也好啊,無人無物多個錢緊要呀
wow好久不見.. 我的鄉下特產,啃你喉三千 - 西樵大餅
新年流流賣蟹???“蟹蟹”聲,不好意頭啦,難怪當日零人問津.. 但檔主還做得出成龍大哥招牌手勢,喂喂.. 有無marketing sense架!我建議生意再無好轉,應該即場蒸鬼晒所有貨來賣,可以蝕少些
花市處處可見食字gag,水準有好有唔好啦,今年還沒看到有水準的.. “唬唬聲”算ok架啦
這個點食得落呀?
哦.. 賣膠花
跟各位拜個早年先,祝大家虎年大吉大利,做任何事都虎虎生威

2 comments:

Anonymous said...

賣蟹???真奇怪!見相真係比想像中少人喎!
始終多人d熱鬧d, 今年我同lover都會去維園, 希望好天氣啦!祝你身體健康!財色兼收啦!
朱朋

naruto said...

虎年行大運,心想事成,出年見