求簽

從來很少求神問卜，
印象中.. 大概只得一次半次吧。
原因是.. umm.. 人總是想要啱聽說話，
好就顧之然開心，唔好啦喎..
又怕聽完個心戚住戚住！

不過當事情去到某一個地步，
好像沒法前進，攝在樽頸位的時候，
原來.. 求神也未嚐不是個安心的行為~

時：年初二
地：蓮花宮
人：我/解簽人

事業運簽文說..

我：六十八號簽問事業..
解：出生年月日？
我：xx年十月廿一..
解：(揭著書兼陣陣有詞) um.. 好吖今年.
我：真係？
解：係呀.. (一面在簽的背面寫著) 尤其係農曆六月，有貴人相助，事業運上升，掂架啦！
我：(一笑)

貴人！箭咀向上！yeah！

解：咁四十二號簽問咩呢？
我：姻.. 緣 (不知為何有少少淆底)

姻緣運簽文說..

解：(揭著書兼陣陣有詞.. 這一次揭了近三分鐘)
我：(緊張)
解：嘩..
我：.....
解：(一面在簽的背面寫著) 你過去個十年行既係“寡宿命”，即係你既感情路好崎嶇 (個“好”字是有落重音的)，遇過既人恕我大膽啲講句.. 係非常之騎呢！
我：.....
解：男仔行寡宿命都好啲，女仔就真係好慘架！不過今年起你行庚午運，未來三年既姻緣都應該唔錯，尤其同夏、春人最有緣份，今年萌芽既姻緣應該結果有時架啦..
我：咁零九識落既點計？
解：如果仍係萌芽階段既係無問題，照去啦.. 不過，你係要就下人架喎..
我：哦.. 咁仲有咩可以做？
解：開心啲囉，會好架啦~
我：(心暗喜) 唔該師父.. 幾錢？
解：盛惠一百！
我：(即俾啦) 新年快樂..
解：心想事成！

嘩.. 有四個心心添