生日飯局之名門夜宴

上週六是一級老死DL生日，
所以自己拿屎上身幫他搞飯局！
幫老死搞喎，要好好睇睇啦，
成廿幾人，最好有個房，
另外又想去未到過的食肆，
最後在左問右問，左揀右揀下，
揀了在灣仔的一家半私房菜 - 名門，
(注意：開飯上的是舊地址，但電話則沒改)
有朋友曾光顧並說試得過！
打電話卜位後，給了他們budget，
然後著經理fax來菜單，
最後，達成三千蚊一圍有房又不收開瓶費的協議，安樂晒！！

杏汁燉白肺 - 吃得出是沒有加味精的，但上檯時已變暖，湯.. 真是要滾架
花菇扣鵝掌 – 這個就夠熱辣辣啦
鵝掌size相當大，扣得很入味
翡翠炒班球 – 只要魚夠新鮮，必定好食啦
涼瓜生根炆頭腩 – 天生愛班頭腩，贏了先天條件，另外涼瓜又是我朋友，兩者合一，當然叫好
陳皮骨 – 有點像我在南洋吃過的蝦醬骨
油泡蝦球拼大良炸鮮奶 – 順得名菜。炸鮮奶外脆內軟又甜甜鹹鹹，很討好 (蝦球在這道菜的角色有些多餘)
順德煎焗雞 – 多蔥多疆，惹味非常。雞的肉質也嫩滑
蝦子生扣柚皮 – 懷舊功夫菜式，質感很好，如果再入味一點就更完滿
金菇伊麵– 中規中矩
瑤柱荷葉飯 – 同上
登登登登.. Fun Bakery出品 – Ultimate Chocolate Cheese Cake
DL許願-ing！DL近年在工作上表現過人，越升越高，但與此同時私人時間就變得super少。那麼祝你事業順利之餘又不用日日10點放工啦.. 還有.. 身體健康啊
飲杯！！
Fun&DL – 今年是我們相識29周年啦
飲啦飲啦

左起 – JK/DL/AT/Fun/KL/FT

話說嘉賓對這一餐半私房菜的評價相當極端！我們一行25人分成兩檯 (13+12)，一檯就覺得相當滿意，但另一檯就死鬧。好R頭喎，真是那麼天與地？理應是同一師父做菜架喎。不過我覺得有個房又不收開瓶費兼勁飲啤酒汽水，再夾埋壽星仔那一份，每人也不過是三百五，其實都噢畸喎(我覺得)！

好啦.. 一班爛玩精聚頭，怎會那麼早散場？所以我一早卜了銅鑼灣Crowne Plaza酒店的Club28架啦。

左起 – RL/Fun/SC/AW/DL/BN/KI/VT
大合照時間.. we are family, we got all the sisters with me
去完Club28都未夠喉，再要去“人類史上最好玩的地方”繼續癲！喂，好黑喎，開閃燈啦
3am.. 大家見光還未死
左起 – Fun/KI/AL/AW

壽星公照例飲醉，3am便離場，剩底我們一班爛玩精.. 爛玩精ss玩到4am終於頂不順，要去.. 食消夜，哈哈！爛玩精ss裡竟然有人未去過萬花紅飲早茶，咁驚？

430am – 叫到一檯都點心
哇哈哈，點心還不夠，再來盅飯，多謝！10個人吃了廿籠點心+盅飯，每人只需30幾蚊，未去過真是要試試啦