楓葉國聖誕‧新年之旅 (十六)
1月10日 - 第17天
前文提到FL移民加國後，
經常鑽研廚藝，現已能煮得一手好菜，
所以一到溫哥華我已要求她親自下廚，
煮一餐來開心下！
今天是星期日，最適宜做home cooking day啦~
由於MT繼續要上學，Ethan仍在爺爺嫲嫲家，
所以得我跟FL二人買餸吃lunch去..
FL帶我到Burnaby的一個小區買餸，那處的建築物全都是舊舊的
老式理髮店
這家是FL經常光顧，由意大利人主理的凍肉店
9毫9一磅豬腳.. 買晒成隻要幾$$呢呵
一櫃都肉.. 有雞有羊有牛有豬有兔
FL：買咩餵飽呢個大食Fun好呢
買肉搭一個hot Italian butcher.. 開心晒
FL最後決定做cappaccio，所以買一條牛肉。不過hot butcher話要等20分鐘左右，所以我們先過隔離吃越南粉
生熟牛肉牛腩牛柏葉湯河.. 這個size已經是小的！um.. 湯底還可以，但牛肉唔掂.. 交叉交叉
好怪囉，今個trip幫襯的餐廳，好多都是冷清清的
吃完粉再過隔離的超市買其他材料
藍鳥肚臍無核橙 - 9毫9一磅
紅黃青椒海.. 一眼望埋去已經令人食慾大增
這家超市超級破落，但售買的全都是新鮮都不得了的生果蔬菜
鏡頭一轉已回到家中，FL立即開始準備.. 首先出場 - cappaccio
材料 - 新鮮牛肉一條外，還有sweet thai basil (basil – 一般譯成“羅勒”，台灣人就稱為“九層塔”
將牛肉鋪滿sweet thai basil 後用橄欖油煎一煎，然後放入雪櫃
第二味 - 迷迭香燒春雞
嘩哈哈.. 好愛這幅相！攝於FL在後園收割自家栽種迷迭香後
從後園望向屋的景況是這樣的
四面環樹，夏天在後園巴別橋一定好開心
繼續烹飪時間.. FL正把新鮮迷迭香狂塞入春雞內備用
接著是甜品 - Coconut bread w/ dried cranberry
把麵粉、牛油、蛋、糖、椰奶等材料打好後再加進椰絲及cranberry乾
再焗35分鐘.. 完成！賣相已夠搶眼，食落亦很不錯，但椰味可加重一點；詳盡recipe可按這裡
煮到差不多7成，MT把Ethan接回來啦.. 等Uncle Fun同Ethan玩下先；Ethan最鍾意玩blackberry
點都要扼著我的blackberry狂按掣
不用笑口噬噬啦，我是不會把blackberry給你的
好啦.. 開飯啦！新鮮沙拉(生菜+小蕃茄+cotta cheese+醋+橄欖油) 一大兜
迷迭香燒春雞 - 熱辣辣香噴噴.. MT跟FL愛吃dark meat(不見天肉)，我就愛white meat (雞胸)，所以不用爭食
Cappaccio - 雖然在家裡做cappaccio一般都不能像館子般把牛肉切得超薄，但假若那是靚牛肉的話，厚少少也無所謂
Ethan見我們吃得好高興，差點連自己的飯仔都不肯吃，猛望住我碟上的雞呢
Ethan phones home
有時候去旅行的確不用趕鴨仔的四圍去才叫人滿足，他他條條，跟好朋友談談心事，那就是旅行的意義囉！
1 comment:
佢真係好掂喎！十個叻
Post a Comment