回憶總是Fun的 (生活篇 - 我的o靚模生涯)
大學畢業後加入電台工作，
開始用把聲同支筆搵食，
雖然小時候有發過明星夢，
但從來不認為自己可以賣樣！
不過.. 我人生裡也盲中中靠個樣賺$$兩次..
96年 - 那個時候加拿大正掀起長途電話費大戰，尤其是華人社區間更為激烈。王維基主理的“城市電訊”就在那時起家，他創出的“回撥”模式令長途電話費變得勁平，打返香港只需幾毫加紙一分鐘，實在把主流電話公司打得落花流水。這個宣傳campaign就是來自加拿大最大電話公司Sprint Canada，主要是sell親情，電話費咁平，阿仔日日打返屋企都得啦~ 相架入面的3個人supposingly是我的阿爸、阿媽同家姐，他們3個真是一家人來架，攝我落去其實好假，擺明唔識咁款.. 話時話，我當時肥成咁都可以做talent，真是..
01年 - 朋友的朋友做廣告公司，阿客無乜budget搵好的talent，所以介紹了我這些貨色給廣告公司，試過幾個表情之後竟然覺得我ok~ 這個campaign是一部新型號的palm，相片是用來做leaflet及一個人咁高的紙版公仔.. 我當時曾經在電腦商場見到自己，好x驚！這幅是正式拍攝前試表情的polaroid，依我記得，最後出街的那個衰樣跟這個是差不多的！整個photo shooting大概4個鐘，那樣就有近5位數字入袋，你話喇，靚啲都去做o靚模啦
11 comments:
原來呢個係你﹗﹗
我有見過呢個Ad架﹐呢個Ad用左好幾年tim﹐幾sell! :o)
You did look a bit different back then, tho you look not a day older!
最尾個張表情好似Janice Man ^^
原來fun 係0靚模始祖~!
honestly, fun, the older u get, the more good-looking u r!
yes, seriously!!!!
第一張有D似陳庭威!
Wahaha 你贏咗!
o靚模Fun:
第一張又真係有D格格不入~ 第二張相靚仔好多~
但後來點解無上天橋呀?
第一張: 好feel過黎天王" 你這剎那在何方~"
第二張: 冇野講. 好正!
嘩.... 撞鬼, 呢個sprint canada廣告一定響明報落過啦, 我就係睇完電視個教"在加學英文"個靚中女主持賣完sprint canada廣告, 跟住響明報"抄"到呢個廣告打去sprint canada登記架喎!! hahahahaha
但sprint canada好cheap囉, set左我地個long d service一個月limit只可打$100, 爆左要交錢先開得返, 果時我果件響香港, 半個月都唔止呢個數啦! 後尾我都係幫襯返鄉里王維基!
原來你係o個d 諸葛梓岐, 椋名凜, etc. 既前輩!
而家唔做嘅？
Post a Comment