12.09.2008

轉載 - 葉志偉 香江人語:進行宣傳前的自我肯定!

本來今日要貼一篇關於亞姐的,但MM轉來這篇葉志偉今日刊於《都市日報》的文章,很想跟大家分享一下。
----------------------------------------------------------
當一個人欠缺自信心的時候,就算我找黃偉文加Rick Chin幫你打扮得花團錦簇,推你出場,也會顯得心煩多疑情緒不穩。

「情場如商場」前兩部的Product品牌篇與Place位置篇,與大家談過的是如果把人當作一件Product來看待,要投入戀愛市場的話,人這件Product除了外表、包裝的定位,也要找到合適的地點(Place)去把你這件貨品「出貨」。

來到第三部,Promotion宣傳篇,當然是說如何透過宣傳去加大你的求偶正能量,所以在開始做宣傳前,要先放下那些公共關係建立、曝光率之類的事情。我個人認為開始前,先要把個人的思想修正才好做宣傳。就正如大家也學過毛遂自薦這成語,裏面說:「夫賢士之處世也,譬若錐之處囊中,其末立見。」即是說你是能人異士,把他放到袋中,尖銳處定必會破囊而出,這是一貫人的想法。

小弟相信於情場上,假設人(Product)是尖錐,地方(Place)是布囊,Promotion宣傳的功能,就是當你不是太過尖(Sharp),而你又找到你認為合適的布囊(地點)的時候,如何讓人有方法見到你這個錐?第一是你跳出這個布囊,即是不在那個地方上面找情人;第二就是把那布囊弄破,讓你跌出來曝光。再簡單一點來說,於情場上做Promotion宣傳,就是弄破布囊或是讓你跳出布囊的方法。

記着,古語雖有云:「有麝自然香」,那即是說你個人好靚,好正,走到街上就自然會引來狂蜂浪蝶。請聽我一言,來到現代,尤其在殺戮情場,這是錯的!轉角遇到愛的情節,只有在荷里活電影與適合十八歲以下Fans們觀看的偶像劇場中出現,請把這想法刪除。當一個人欠缺自信心的時候,就算我找黃偉文加Rick Chin幫你打扮得花團錦簇,推你出場,也會顯得心煩多疑情緒不穩,那就算有機會讓你「曝光光光光」,也是無補於事。
記得上次寫到第二篇結尾,有些讀者已來信說:「你的地點我試過,都認不到曝光人的。」當然,我仍未與大家討論如何做宣傳與定價嘛!

「我過了三十歲,簡直就吸引不到男人的目光,我的一世是完了,還是想想日後如何過獨身的日子好!」女人過了三十歲的又怎樣,看電視機裏的藝人,大紅大紫的有哪位不過三十?我一直鍾愛的張曼玉姐姐與張艾嘉姐姐今年又多少歲了,但仍舊是萬人迷。志偉就認為「世上只有無自信的女人,沒有老女人;美貌一定消逝,只有氣質才是永恒。」以為只靠美貌就能橫行天下,李小姐也不用等到今年才結婚吧!記着,重點是自信心,只懂自怨自艾,固步自封,不懂自我檢討改進,事事Complain,怨氣冲天的人,沒有人幫到你的。所以不要怨恨十八、廿二,那只會令你變成李莫愁 — 你也曾經有過那段日子的。而且你也曾經有過十八歲呀!不成功,可能是你件Product出了問題,問題可以是包裝,形象等等,所以宣傳前要重新Revamp。Revamp是一種內在的改變,一般是要重新包裝,方才推出市面。

另一個問題就是你件貨本身無問題,只是放錯地方銷售,好像是在非洲賣羽絨,於愛情上即是你投入到一個錯誤的位置,例如:揀錯情人而癡心錯付,最終浪費了時間,那就得再做Reposition(重新定位)。即去找尋一個你會有Market(市場)的地方推出。版位不夠,進行宣傳前的自我肯定!下期續談。
----------------------------------------------------------
看完這篇文章後,有幾點想問葉生,希望他可以解答一下:

1. 出貨地點 - 就我這類人而言,識咁Q多人,還有甚麼出貨地點可以給我上架?sauna?圖書館?公園?公廁?speed dating?
2. 曝光問題 - 曝光太多的話是否應該beng埋自己一年半載先重出江湖呢?
2. 地理因素 - 假如我逃離鋼筋森林,“貢”到去天水圍/將軍澳/粉嶺/大埔,幫到件事無呢?
3. Revamp - 我明白要revamp,但.. 點搞好呢?甚麼形象配我?
4. 最後.. 我不想黃Y幫我搞形象囉呀~

葉生,說到底我們相識一場,幫我諗諗啦~~

40 comments:

Wordy said...

你都問得好擒青下,哈哈 ~ 你係一個好有趣既 case,幾有興趣知道高人如何教路

其實你覺唔覺得,識你既都話你好玩夠 fun,但係唔係你太好玩太 fun 呢?


讀者上

Fun said...

我都係讀者黎o者~

臨近過節,個人係擒青d!

太好玩太fun.. errr..呢樣我真係唔識答,如果係.. 你即係話d人唔buy太太好玩太fun既人?其實我已經賤量show我多面既性格架啦喎!咁.. 我真係唔知點revamp~

擒青霞朋友擒青fun上

Wordy said...

擒青fun:

我唔識你本人,所以講乜你都唔好十個認真。見話題都關自己事,搭一句囉

我想話你識人多,份人好玩又多 fun,同你做 friend 100 個開心。換成心印心,就未必下下跟得上

revamp? 你而家樣樣自在咪得囉,好好好好架喇 ~

Fun said...

咁我咪就係等緊一個跟得上又ok我貢fun既人囉..

自在.. 就係週身唔自在呀!

共勉之~~

Anonymous said...

又係路人

其實你真係好好

Leo said...

係咪聖𧩙節症候群發作呢?

緣來沒法擋,唔駛諗咁多架噃!你咁多朋友,心靈都唔會太空虛架啫!至於另一方面嘅人,唔同人有唔同解決方法,各適其適架啫!

陳娃 said...

過黎搶下收視先..

其實你既問題會唔會係... 想同你一齊既人你都揀唔落手??

Ogake said...

幫埋我~ 唔該~

心急人上

TT said...

就今個禮拜一齊去 "迫確地" 啦!!

Fun said...

to路人,
好鬼~

to leo,
我空虛我寂寞我凍~~

to willy,
好明顯啦 :)

to ogake,
你搭單問要收小費架喎 :p

to TT
去 "迫確地"係瞇真係解決到問題先?

CH Mak said...

What is 迫確地 ah?

F4 said...

人人都來搶收視,我又來.
我都有呢個問題喎, 咁我可以點?!
其實...佢的理論都唔知對不對...

葉志偉 said...

1.sauna、公園、公廁……只是找性交對手的地方;今時今日,要性交根本不難,以你的天資,你隨時隨可以問戴先生攞connection。有些人要拉闊生活圈子,但又有一些人又要縮細生活圈子,以你的「波大靚仔」,我不相信你在過去這些年來連一個半個有機會發展的男人也識唔到,可是為什麼會失敗呢?朋友太過多是其中一個因素,因為:
a.很多願意長揸的,都是少蒲一族,又或是開始減蒲一族,你這許多朋友,又生日、又失戀、又邊個邊個喺邊度返來咁,而對方又不一定願意出席,又或是不方便出席,那剛開始時何來quality dating?
b.就算畀機會你在外面識到人,經常好似黑社會玲姐咁,一大班嘍囉在身邊,又叫人怎樣埋身呢?
所以朋友不是不要,但很多時「濫交朋友症候群」,也是影響有無得date的一個主因。正如兩個月前你quote過我一篇文,你有否想過你ready拍拖未?而另外一個問題是,我們都不是十八、廿二,www都almost三十,你仲希望要個咩嘢男人先?陳豪外形+Richard家底+劉生般豪爽+黃德斌個胸??有時可能要現實一點,放下一點身段。不過OVER35,有以上形容的男人,理應愛自己多過愛你,和他只能拍理性拖,即係DODO姐同呂生先拍拖咁,咁你又要唔要?


2. 曝光問題 - 曝光太多的話是否應該beng埋自己一年半載先重出江湖呢?
這不是一個太差的選擇,因為有時太過OVER,會令人看得疲倦;又有幾個人可以KEEP住365日都艷光四射,化得妝多有時都要落下妝做護膚啦!但我又覺得不能完全收埋,朋友要見,但一定要揀係好朋友嘅場合先至出現,不要呀貓,呀狗生日都出席,就正如你覺得容祖兒今時今日仲會唔會去樂富中心唱撲滅行嘉年華?再加上依家啲十幾廿歲捧捧堂,膽正命平,人家失戀轉個頭就好返晒,我哋雖有五百年道行(一千年的是林先生),都係搏唔過。


3.唔好玩啦!去天水圍天比高咩?你又唔係TB!

4. 咁你揀台灣嘅做型大師roger老師囉!到了這個年紀,做錯positioning係好大鑊嘅!扮cute一定唔work,除非你好似王x誌先生咁有錢,我覺得比較成熟穩重有擔帶的成年男人形象,一般對三十五以上男同志都係有幫助去貨的!

有空約大家一起食飯,再詳談!

葉志偉敬上

Fun said...

葉志偉,

咁... 我而家應該.. 點做者即係~~

擒青霞朋友擒青fun上

Gary Lam said...

不如你攪個認識新朋友派對啦~

你既朋友, 要參加既都一定要帶一個唔識既人去, 至少係要你唔識先啦~~

咁到時, 咪有多0的人互相認識吓, 做福自己做福人群呀!!!

romeo said...

Fun我是這裡的長期讀者:P希望你不要介意我要搭下咀:>
我有個心儀對象.....但不知怎樣結識及向他表白:(看來他有很多人喜歡起碼我幾個朋友也鍾意他:(
近2-3年先在舊時的M BAR及PP見他出現!!已前從未見他去任何地方蒲因我也是喜歡去蒲BAR及PP所以我肯定他不是蒲精:)而近來向周圍的人去打聽他的人是怎樣的人?得到的消息非常好品格好及工作是社工,跟男友一起16年多大約3年前分手,現在是單身:>等我形容他的外表:6呎高,幾大隻,單眼皮,高鼻及近年來面上生長一些胡子,穿著品味有型:)最近一次見他就係Kylie演唱會!身材高高的他著牛仔褲+穿杏色西裝樓非常有型及吸引.....!

急証~.~

Fun said...

romeo,
咁你都知道佢底細啦喎,咁你係想問我識唔識呢個人?

雖然我係識一蘿人,不過我唔識你形容既呢為阿蛇喎.. (你既形容咁吸引,我見到應該會自己識左先)

等我“靜靜派親友暗地去調查”先~

Gary Lam said...

呀羅密歐先生...

對於你既問津, 我屈指一算, 初部都有頭緒.

如果上天既計算沒有錯的話, 你 "心目中" 既茱麗葉, 好多時晚黑都會係旺角既加洲出現. 去加洲, 當然係練奶啦~

神既旨意, 只可以幫到呢一步, 其他既就睇你自己點行, 同埋你既做化啦.

Fun said...

林生,
我地應該post返剛岩個段msn對話出黎呀~

笑死ing!!!!!!!

Ogake said...

romeo:乜有社工咁高質素既咩? 我一直都唔覺既~

fun:如Gary話齋~ 你快D搞個識人派對啦~ 功德無量呀!

CH Mak said...

Ogake: 可能就系你呢。。。。

romeo said...

o下........!
fun你不認識他.........??????看完kylie演唱會行去搭機鐵!我見他和一位四眼哥仔閒談......跟住我見你又行過去跟果位四眼哥仔談話跟住過了一陣他行開了.... : ( 而在青衣站我見他和你及你的朋友一起去轉車:)

只係搭朋友的朋友去收風........ :(得到的消息令我更有好感及喜歡他:)我和我的朋友有幾次想主動認識他.....但永遠他給人的感覺很COOL :( 而且我見到有很多算係靚鬼佬和很多靓仔+好身材的人主動認識他...他的反應是閒談幾句跟住就走開..........不知他喜歡及要求的人是什麼?我怕他請我食檸檬:<


Gary Lam
你認識他?
他去旺角邊間gym?

我要看急証~.~

Fun said...

嘩..有d貢既事?我無印象囉~~

不過咁,經過剛岩同林生溝通之後,原來我同呢位人兄係有介紹過既~

林生講左係旺角加記啦 :)

Gary Lam said...

呀... 我記得啦~~

呀 FUN, 係呀, 我地睇過咪係條走廊見到傾談既, 我同你 SAY HI 之前咪同佢講緊野囉~羅密歐話既四眼仔咪就係我囉~~

旺角家姐練奶房呀!! 唔練對奶又點得嚟咁大呢~~~ 不過咁... 旺角兩個 OUTLET 我就唔知佢去邊一個囉.

祝你好運!!

F4 said...

6呎高,幾大隻,單眼皮,高鼻及近年來面上生長一些胡子,穿著品味有型....

應該是虛擬人來的...

Anonymous said...

6呎高,幾大隻,單眼皮,高鼻及近年來面上生長一些胡子,穿著品味有型....sounds like 四十一健 Gary Lam!!

Fun said...

四十一健有6'高?咪玩啦~~

葉志偉 said...

因為腰幼,所以好似隻腳好長。如果比例好,如果唔係近睇,係會高啲架。即係kylie mingoue都係得五呎唔夠,但係都好似好高咁囉!

Fun said...

to 葉志偉,
你又岩喎.. 我腰粗所以d人成日唔信我有5'9"呀~

TT said...

家下呢度做左葉夫人信箱咁既?

MM: 其實"迫確地"你都可以去架, 你可能免費添!!

Fun said...

to TT,
你咪成日"候"住MM呀下, 你有家室架啦~~

TT said...

嘩.... 喎邊有呀, 姣冤枉喎... (秦順意腔)

Ogake said...

MM:我有六呎高的話,呢個世界無矮仔啦~

Fun:唔好掛住無媒人啦,前途要緊呀~

Anonymous said...

其實我鐘意左你好耐,你真係好好,但覺以你既條件,你又點會睇得上眼﹗你身邊應該有好多好好既人,祝你搵到件好既。


又係路人又係讀書又係暗戀你既人上

CH Mak said...

上面阿Annonymous:哇。。。玩meh...

Anonymous said...

Fun: Why are you taking Mr Yip seriously? It's not like he's bagged a Tom Ford or Marc Jacobs.

KennyT said...

Fun, what is 迫確地?

Fun said...

kenny,

hv to tell secretly hahaha~

romeo said...

fun
抱歉........打擾晒:)我跟你是認識 :P

gary
謝謝~.€
其實試過3次行經維園見過他跟朋友打籃球 :)看見他在籃球場的專注+技術+照顧隊友的細心及.......再加上他粗壯的手臂再配合他身上的汗水已經令我有即時的反應再反應再再再反應 :(

其實在這圈內自己早已經放棄對人再有戀愛的感覺及幻想!!!!!自己單身多年而且自知年齡不細啦已經36...在這圈中已經打滾多年真的身心感覺很倦.....自己有家人,算是有事業,有家,有工人,有車,有知己良朋及有2隻狗仔:)...但欠1個愛人....很久已經沒有人可以令我有(心動)+(幻想)的感覺:)

希望大家明白我寂寞的心動 : )

Fun said...

我跟你是認識???? 借問聲你係邊門邊派架呢?

我當然明啦.. 未試過未必唔得呀, 有機會主動d囉..

我好耐無試過個心卜卜跳既感覺啦~~ 好似已經唔記得左係點咁..