5.14.2008

速報!08香港小姐競選part I


08年度香港小姐競選的12位候選佳麗日前終於首次會5新聞界,不知是否因去年賽果受到外界的一致劣評,所以今年無記再減佳麗人數,由16變12,希望可以精挑細選多一些高質佳麗。結果無記這趟的如意算盤也絕對打得響,今年的質素可算是97年以來最好的一屆,連報章雜誌也罕有地大讚。除了幾位熱門外,其餘佳麗質素也不俗,是但一個參加去年港姐也分分鐘成為熱門。

另外值得一提的是今年港姐競選我將會更上心,因為早幾個星期得到幾張《港姐面試實錄》的門票,於是跟幾位友人去了電視城當家庭觀眾評判,所以這12位候選佳麗我是有份選的喔,格外有感情呢!

左至右:1號至6號佳麗

‧1號:文柏姿 - 綽號闊面薛凱琪,大學生一名,面試實錄時講說話超級低能,很有徐子淇的影子(只限說話語氣),不過記招上已有明顯改善。樣子算中規中舉,加上1號多是陪跑號碼,命運不太樂觀。
‧2號:倫紫玄 - 綽號靚版林志美,是國泰空姐,輪樣算是今屆中上之選,談吐亦相當有紋有路,5強有望,但不太喜歡這個新髮型,新不如舊又一鐵證。
‧3號:張舒雅 - 綽號高清陳法拉,面試實錄當晚一出場已令我雙眼發光,5呎11吋高度加上標緻面孔,有貴氣,是10年難得一見的上等貨,我敢說她會是國際選美場上的好材料。但近日不斷被傳媒大起底,被指又食煙又攬仔私生活不檢點等等,壞女孩從來在港姐選舉中都得不到好結果,敬希張小姐醒醒定定,繼續破除“3號”毒咒。
‧4號:高海寧 - 綽號o靚版陳法拉,是暫時傳媒眼中的大熱之一。面試實錄的一襲三點式泳衣把有前有後,身高腿長的體態表露無遺。另外談吐方面亦算得體,進入5強應無難度。
‧5號:梁倩汶 - 綽號薄唇舒淇,樣子相當平凡,加上大忌“黐脷筋”,毫無疑問是今屆炮灰。
‧6號:陳倩揚 - 綽號厚唇黎燕珊,未變髮前屬於四平八穩大大方方的佳麗,誰知變身後似足食雞最緊要有雞味的黃麗梅,真的oh my god。

左至右:7號至12號佳麗

‧7號:梁雅琳 - 綽號清幽葉璇,來自多倫多的海外佳麗,樣子不俗,談吐亦有大將之風,改變髮型後更多了份活力,不再死板,雖高度略遜但值得留意。
‧8號:姚婷芝 - 綽號嫩版劉小慧,樣貌高度身材都十分平均,但氣質有點“便宜”,最盡5強。講到明想入無記,選美只是踏腳石,那麼當選與否毫不重要。
‧9號:謝靜婷 - 綽號長面梁小冰,擁有十級鋼琴造詣,屬小家壁玉型,陪跑多。
‧10號:史宛殷 - 綽號肥版應采兒,來自西雅圖的海外佳麗,是今屆最屎參賽者,無樣無身材。無記年年勞師動眾去海外招募,但得來的卻是此等貨色,不如下年算吧啦。
‧11號:馬賽 - 綽號的骰桂綸美,但面試實錄中卻看似泳兒,真大鑊。但經大會將頭髮拉直及有專人化妝後即回勇不少,似返桂綸美。繼姚婷芝後又一擺明想借選美入娛圈的佳麗,3甲應無望,頂多5強。
‧12號:黃潔婷 - 綽號發水Sammi,曾參加Elite Model大賽但落選,現於墨爾本攻讀advertising。論樣貌我覺得緊次於張舒雅,但問題在於她經常處於遊魂狀態,問東答西,希望要經驗訓練後會有所進步,否則..

Fun之5大熱門:2號/3號/4號/7號/12號;次熱:8號/11號
熱門之選當然會隨著各佳麗往後的狀態及表現改變,而經過去年張嘉兒也能當選冠軍一役後,我會盡量調低自己的expectation,免得在決賽夜再一次吐血。

論擺甫士技巧,8號姚婷芝(右)明顯較2號倫紫玄及3號張舒雅為佳,應該吃過夜粥..

黃潔婷雙腿略粗,有點礙眼..
身高5呎7吋的高海寧(左)輕易力壓只得5呎4吋的馬賽(右)..

連結:

15 comments:

費仕騰 said...

今年港姐質素的確奇佳, 估唔到逢7字尾年份質素必好的定律今個decade postpone左一年!! 不過遲到好過冇到, 照我睇呢屆既高質素仲好過某幾屆80年代d港姐添, 而且唔單止呢12個決賽佳麗, 其餘有參與港姐面試實錄既質素都有一定水準, 相比下87/88年反而仲有d騎呢特醜既佳麗添, 所以今年真係令我地一班港姐fans好雀躍!!

阿寶 Francis said...

我覺得2,3,4號好掂~!!!! 我買重飛~!!!!
反而....11號...本人超唔鍾意....!!

無累旅子 said...

等你呢個"速報"等到頸都長!

今年水準係幾好, 如果10號既屎小姐可以由面試實錄裡面最後一個被 out 既韓國妹 replace 埋, 咁條 curve 會再拉高 d 添.

不過點都仍然會有好多傳媒同市民覺得港姐質素差架喇, 亞 Fun 你得閒要寫下港姐最輝煌年代出現過既怪獸佳麗, 等大家知道下就算晌朱玲玲張曼玉個個年代, 都一樣有好多騎呢怪入到圍, 只不過贏出個幾個夠靚, 當年 d 傳媒又唔會專登寫 d 衰野黎抹黑 d 女仔, 大家先以為港姐越黎越醜者.

其實80年代最醜個 d 佳麗, 大部份都衰過近10年個 d 蘿底橙啦, 無人記得佢地之嘛.

naruto said...

我其實覺得質素一般咋,而家D女仔面試已經執到好恆,無咩改進空間。

睇樣就3同4啦,都係大熱

Andy said...

我就貼 3/4/8/11/12

Fun said...

無累旅子,
怪獸佳麗 --> 要搵相喎,不如你幫下手啦~

to naruto,
咁你認為過去10年甚至15年邊屆質數(平均質數)好過今屆呢?

andy,
估到你會揀11號啦.. 咦,你舊年有揀pizza面架喎,希望你今年唔好又烏鴉嘴啦~

費仕騰 said...

無累旅子, 我同意你既講法, 其實無論點大眾已經presume左港姐係一屆差過一屆, 就算其實佢地冇睇過d女仔係點樣...

大家覺得以前係靚好多, 只因佢地只係記得出左名既港姐或得獎佳麗, 咪錯覺以前既水準好高囉. 老實講而家就真係好難會再出李嘉欣李美鳳呢d超班既女仔架喇, 但平均質素就真係睇一年年, 好似99,05,08呢幾年真係都幾拍得住80年代既港姐架....

John said...

阿屎應該運動好叻嘅,either係打排球或者打乒乓波嗰啲type。

咦!6號個頭咁似肥四嘅?

Fun said...

咁佢應該去奧運唔係選港姐~

係咪去F4係咪都係去private-i剪架呢?

naruto said...

要睇番你嘅舊作先識答。。。
鍾意94,有李綺虹張可頤陳芷菁活麗明康華譚小環黃紀瑩,好強呀!

99都唔錯,有郭羨妮原子鏸胡杏兒

naruto said...
This comment has been removed by the author.
Fun said...

94年.. 我覺得淨係講樣今年有9成都應該靚過陳芷菁同康華喎.. 咁如果計埋談討就可能另一回事.. 除左以上個幾個之外,其他好弱架咋,例如個d你應該唔會記得既鍾潔怡、貝寒薇、趙美裕同鄺靜慈..

99咪就係得你提過3個好囉,其他個d擺落今年都係一般到唔一般啦~

所以我諗大部份人只係記得某幾個好d既佳麗,其他真係無印象..

今年其實係好過(平均)係好過94同99年添呀~

naruto said...

我明嘅,平均可能係,但94競選時,譚小環被班fans熱捧,而活麗明真係好"靚"嗰隻,仲有個李綺虹可可愛愛,張可頤都叫做靚架,所以會多人談論。

但今屆無疑質素好咗,但無一個"好"靚嘅喺度,睇下再執執會唔會多D黑馬出嚟啦!

ps:你去過private-i剪髪未?

Fun said...

亞wood係靚架,不過表現就人如其名,一舊wood咁。我而家經常見佢同老公(陳忠偉)響cwb出現.. 李綺虹直情係決賽既焦點啦,無左佢個show肯定無咁好睇~

其實淨係講樣我覺得張舒雅靚過李綺虹同譚小環添喎..

private-i就無,hair就試過..

naruto said...

有時靚唔靚好睇佢地嘅談套同body language,夠自然舒舒服服幫好多分架!
我今屆剩係睇過硬照,張舒雅係靚嘅,4同12靚得嚟面型太闊.

阿6號真係有D似黃麗梅,娘娘地,但馬賽娘得仲過份.

ps:我反而試過private-i,hair未試過,但自從頭毛漸少,都無乜關係啦!