2.15.2008

情人節‧燒‧炭!

尋晚情人節,因為無人無物,
周圍又見到啲人一雙一對,我一時感懷身世,
所以.. 走咗去.. 燒‧
不過.. 唔止我一個燒架,我哋total有8個人,
燒咗成3粒鐘,不知幾鬼高興~

呢間燒鳥店隱藏喺銅鑼灣駱克道,
富臨飯店側邊條後巷既一棟商業大廈!
呢棟大廈其實全部都係色情架部嚟架,
係零零舍舍得呢間食肆喺度,超怪。
尋晚我上去既時候就同2位妙齡菲籍女子同lift..

呢間“炭”係RY既舉腳推介,
成間舖有二千呎到啦,裝修以深木色為主,
燈光又暗暗咁,好有日本居酒屋feel。
一入門口對正有個U型既bar檯,
另外就仲有啲4人同2人檯,set得好闊落架,絕對唔會迫迫gip。
話晒尋晚係情人節,所以都有好幾pair情侶,
最大檯係我哋架啦,另外就仲有啲日本中年單身人士咁囉。
提提你,呢度係無餐牌架,食物既種類就咁寫晒喺牆上面架咋。

講咗咁多不如一齊睇吓尋晚啲相先啦..


樓下個水牌,如果家母嚟到肯定啋啋聲~ 店內情景~ 想知有咩食就要望實度牆啦~ 前菜:三文魚包住薯仔;嘩,個前菜已經好好味~ 炸豪;超級juicy 來來來,喝完了這杯再說吧~ 左:雞肉串(混入了少許軟骨);右:煙肉蕃茄卷 左:燒雞軟骨/雞皮;右:炒雜菜燒羊架;肉汁超多/鮮嫩無比 左:燒冬菇;右:燒甜粟米(塗上garlic butter) 左:燒牛脷;右:燒厚切鰻魚 (大大塊食得好暢快) 左:燒雞腎;右:燒鵝肝 (呢個必食,入口即溶架)另一滋味推介:燒立魚 (肉質鮮美,外面脆卜卜入面軟綿綿) 左:燒飯團;右:燒雞翼 左:燒雞掌肉 (雞掌既肉,口感好爽);右:燒牛肋骨 呢個犀利呀,鵝肝蛋飯.. yum yum.. 我成碗食晒,罪過罪過~ 老細一定好鍾意小吉,收銀處有個吉住冬菇既小吉之外,門上面又有呀~

大家睇到啦,我哋係食咗好多野架,有啲仲有encore添,加埋3支大3支細既sake啦喎.. 埋單每人係要5舊水架!雖然有啲肉赤,不過我從來都覺得物有所值係最緊要既,又唔係成日食,耐唔時對自己好啲,個人會靚啲同開心啲架~~

6 comments:

Wordy said...

見到個牌就知係邊,今晚都經過;對燒羊架最有興趣

計落價錢同南蠻亭唔差太遠噃

CH Mak said...

sui jai.... you went to 叫雞?仲要隔兩條街?

Fun said...

to wordy,

個鵝肝蛋飯同燒立魚,我俾最高分,雖然個羊架都好好~

to ch mak,

咩喎,下次預埋你囉~

naruto said...

衰仔,亂講野,燒咩炭,不過好似燒得好開心喎!

Anonymous said...

Hi, they look so yummy. Have you ever been to a special 四川菜 restaurant? I am doing a project related to chinese food and need some information/photos. I tried to find books in Chinatown but they are so expensive so I remember you have a blog... hehe

Let me know please. Later.

Bill Chan

Anonymous said...

哈哈~! 勳~!我諗你都唔係"耐唔時對自己好啲"喎~! 你一定好靚啦~! 哈哈~!