陳慧嫻‧香港Cindy Lauper？！
陳慧嫻，對我來說真是由細聽到佢大呀！記得小六的那個聖誕假期，我跟一些學長參加了一個在當時相當哄動學界的聯校才藝比賽“Magma”，敝校聯同MSS對抗九龍的LS及St.Mary。比賽當中包括模仿歌星、話劇及歌唱等環節。而在歌唱環節中就由我的一位學長彈鋼琴，慧嫻負責演繹。要知道當年的慧嫻已是學界響噹噹人物，多次代表MSS參加不同比賽並贏得很多殊榮。當晚慧嫻一開腔即引得全場哄動， 技巧簡直跟職業歌手無異，嚇得我這個小六生擘大口得個窿！數年後，慧嫻真的當上了歌手，發過多張叫好叫座的專輯，hit歌一籮籮，當時我幾乎買齊所有專輯.... 直至她到美國升學為止。回來後的慧嫻，我已不太喜歡，原因除了我已成蓮教死硬信眾外，老實說其歌路與形象都太悶蛋了，我寧願要陳立品造型的她囉，嚇人得來起碼有點點可愛喔。
年初二晚因飛來橫“票”，所以有機會看看這個事前被傳差點開不成的《陳慧嫻活出生命Live II演唱會》。秉承張學友活出生命Live 的傳統，這趟慧嫻version亦當然會唱人及唱自己的作品。
Rundown如下 -
‧唱人部份：
1. My Love Will Get U Home
2. 明日有明天
3. 花火 (原唱：梁詠琪) - 可能初段還未開聲，假音部份完全無聲..
4. 喝采 (原唱：陳百強) - 原來Danny是慧嫻第一個男性偶像，而08年新寵是田北辰喎 ，她還用了幾分鐘去解釋原因囉 (....)
5. 最愛是誰 (原唱：林子祥)
6. 愛在深秋 (原唱：譚詠麟) - 原裝已經好悶，慧嫻版也不弱..
7. 左右手 (原唱：張國榮) - 又借題發揮大講戀愛論囉 (....)
‧送給她的3個前度男朋友 (8-10)
8. Close To You (原唱：The Carparnters)
9. 相識非偶然 (原唱：譚詠麟)
10. 默契 (原唱：鄭秀文)
11. 月半小夜曲 (原唱：李克勤) - 高音幾flat
12. 等了又等 (原唱：陳潔儀) - 唱人部份以這首表現最佳..
13. 原來只要為你活一天 (原唱：張學友)
14. 一對寂寞的心 (鄭中基合唱)
15. 星光伴我心 (鄭中基獨唱)
‧唱自己部份：
16. 傻女 - 3大弊病：高音部份非常走鋼線/追拍子情況相當嚴重/抖氣位超怪
17. 花店
18. Joe le Taxi - my fav，好開心.. “租架的士做生意~~”..
19. 今天的愛人是誰
‧Unplugged (20 - 22)
20. 玻璃窗的愛
21. 人生何處不相逢
22. 癡情意外
23. 情意結 - 原來是上一張專的輯第3主打，好聽喎..
24. 飄雪
25. 夜機 - 唱自己部份表現最佳的一首，感情滿瀉..
26. 無名指 (新歌) - 派了台？？
27. Love Me Once Again
28. 幾時再見
‧Encore
29. 逝去的諾言
30. 千千厥歌
看完整個演唱會後有幾點意見想給予慧嫻：
1. 不要再提歐丁玉及那些XYZ男朋友好無..
2. 不要不停口說自己好恨拍拖家搞到成個怨婦咁好無..
3. 不要癲癲喪喪講野亂七八糟好無..
4. 不要以為自己傻吓傻吓就覺得似Cindy Lauper好無..
5. 不要跳舞跳到騎騎呢好無..
6. 不要再為自己唱歌唔夠氣而諸多辯駁好無..
7. 不要再拿你的米飯班主(主辦商)個名來搞爛gag好無..
如果下次演唱會可以抹晒以上7點，我會買飛睇呀，努力啦慧嫻！
開場前5分鐘的情景，相當多吉位，當晚應該只得6成滿~
舞台及燈光都非常“清”..
這條白裙相當飄逸，應該都match Bjork喎~ 
13 comments:
過年前老死打來問我睇唔睇慧嫻，斬釘截鐵說：NO!
佢唱港樂果陣已經有少少踩鋼線。到推《戀愛 2000 小時》隻碟果輪一唱現場，唱功生疏，仲過分自信，硬唱高音；呢次復出前，佢同志雲食飯，講野唔中 point 又沙聲，就唔打算聽
但，我依然喜歡佢好多歌，不日又選 10 首。
日日都話要番去紅館,真是替她悲哀
沒有去睇,少少後悔,雖然表現未回勇,但都應該支持一下,咁先至有下次架~~~既然大家都喜歡慧嫻,下次約埋睇啦!!!!
睇完覺得都OK啦，沒有我想象中甘差。
不過呢，她的言論實在要克制點。表演者跟觀衆溝通是好的，但她的確有點兒過火而且難頂。
連贊助商的名字都不記得、又拿主辦單位的名字開玩笑，最基本的責任都做不到，我真的 No Eye See...
佢呢次演唱會係比先前個d公開演唱好好多，不過我都係覺得.. 佢唱得好吃力囉~
佢積極養下聲練下歌啦，個人唔好咁怨，應該各方面都會好d既..
Don't know why but she acts and sounds more gay than any gay men I know when it comes to relationship (or in her case, the lack of it....). I guess before she comes out again, she needs to see a shrink and get her problems fixed before she can have the confidence to be a superstar again. Sad....
林憶蓮同劉美君一行出黎, 陳慧嫻都冇位企 (指唱功). 證明實力真係"食力"過偶像派. 其實我覺得佢復出後還可以, 但搵唔到自己個定位. 我覺得佢條路有少少似中森明菜...
所以, 真係欣賞林憶蓮 (我相信男人女人意見都一樣). 即使佢失婚失戀都處理得好好, 唔當係乜野醜事, 只係人生一場shit happens. 唔係要下下重提舊事討人同情...
哎呀，中森明菜好好多啦，唱現場仲勁度十足架~ 咦，佢兩個同年(65年)架喎~
失婚失戀當然唔係醜事啦.. 呢d就係性格唔同囉，蓮母不嬲唔講私人野既~
前幾年有本雜誌將中森明菜講到慘絕人寰(因為佢開演唱會唔多人去). 依家中森明菜翻身做番"歌姬", 咪幾好!
當然唔希望陳慧嫻咁樣落去, 唔好變成女蔡楓華!
我小時候都很喜歡她的... but now I just don't like her songs that much la. Feel a bit sad for her. >.<
我是看第二場的,但她真係唱得好喎,報章評價都指她抱病,但越唱越好,只是第一場說話有點詞不達意,但第二場她已經改善了.真希望她能從新振作,唱多啲好歌.
咁憶蓮勝在真係嫁得出而且仲有個女渣手嘛,點同慧嫻拍拖十年都脫腳仲要忍受個中坑牙醫男友不忠呢.
嘩，中森明菜好好多啦，賣碟仲可以有幾萬張 , 明菜姐依家仲係形象百變歌路係與時並進 , 陳慧嫻形象歌路都係停留80年代 , 03年仲控訴歌迷睇偶像唔係聽歌 , 控訴別人不如檢討自己 .
Post a Comment