2.06.2008

人山人海

今日唔駛返工,
起身之後喺屋企整吓東整吓西,
不經不覺已經成兩點,
整整吓突然醒起未買新床單etc..
嘩,嗱嗱聲仆去買啦梗係,
今日係年三十晚,三點後銅鑼灣會淪陷架啦嘛~
買完晒野已經近四點,我第一時間衝返屋企,
由利舞台行返去崇光方向,沿途已經人山人海,
四圍都“陷陷”聲,個個一袋二袋急急腳..
咁究竟今日下晝四點鐘銅鑼灣既情況係點架呢?
不如一齊睇吓啦..

呢個崇光對出既十字路口,平日都拍得住涉谷,今日直情勁過呀~
崇光門口.. 我望入大堂係插針都唔入呀~
地鐵近崇光出口.. 反而地鐵唔算好多人喎..
呢度係百得新街同記利左治街交界.. 多人到呢..
呢間廿四小時惠康平日已經好癲,今日啦喎.. 癲多五倍..

除非你想行花市,如果唔係大家無咩事今晚都係唔好嚟銅鑼灣啦~

4 comments:

Ogake said...

人好多好多,但我今晚食團年飯都在銅鑼灣,唔去都唔得~~不過我竟然可以係喪多人既Sogo買到件衫~~yeah! 新年快樂!!心想事成!

Anonymous said...

咁多人, 好驚 !

新年快樂

Wordy said...

所以我打算閉關幾天,呵呵 ~

心想事成、身體健康!

CH Mak said...

恭喜發財!
萬事勝意!