唔知醜

千呼萬喚！

應屆港姐亞軍朱希敏、季軍許亦妮今天現身電視城會晤傳媒，
主要是試穿參加世姐及國姐的晚裝/民族服裝。

我倒是非常期待這個晒冷環節，
因為可以率先目睹服裝總監Karen Chan的最新＂杰＂作嘛！

一如預料，兩件衫都好＂杰＂！


先看左邊朱希敏的晚裝..

首先布料好cheap，顏色又綠又啡又黑色，九唔撘八！
衫身一層二層，驟眼睇好像穿了三件衫上身~
嫌未夠busy？在右邊膊頭再加一個大結囉！！

不過裙擺才是精妙之處，是否不夠布呢？
像夾硬要用上其他布料去駁長裙擺(還要是棉胎料添)！

幸好朱希敏有接近5'10"的身高，
要不然穿起這件陰森聖誕樹晚裝，
視覺上起碼短三吋同短三年命！

再看右邊許亦妮的民族服裝..

哦，新光酒樓知客旗袍下嘛？
即是咁，旗袍雖則是簡單，但也可以好靚好搶眼，
可惜陳小姐照copy新光酒樓的知客旗袍款式，悲！
另外衫身又鬆泡泡，無cutting..
需知許小姐本身並非纖瘦類，不修身點很易自暴其短呢~

陳小姐呀陳小姐，我們全人類等緊你落台架，
你何時才肯積積音德，放過我這班任你蹂躪的港姐..

救下你啦..............