下次再來呀

今晚，我吃了一頓生平5大難吃的meal，
諗諗下，可能是3大添！

這家餐廳叫Pancakes Colours，
在銅鑼灣、尖沙咀及旺角都有分店，
而今晚我去的是位於旺角瓊華中心的分店。

我們4個人點了一個$398的4人dinner set，
當中包括：4個湯、一個美式拚盤、兩個主菜、
一個pizza、4份甜品及4杯飲品。

先講湯，是羅宋湯，稀溜溜，但味道尚可。
美式拚盤：4隻乾爭爭雞翼+8條油淋淋腸(仔)及一堆薯條、
主菜方面，我們點了美式pork ribs及烤春雞配海鮮串！
那個pork ribs，質感像老火湯裡的豬肉，而且有朕怪味，
烤春雞也同樣出色，點解食落去似豬肉架呢？
那串海鮮，有蝦有帶子，應該是兩個星期前的貨吧，霉架囉！！

壓軸出場的是甜品，4小杯粉紅色的cream，
類似唧在凍咖啡上的cream，應該都是上星期打定的，
好恐怖..

今餐我負責碌卡埋單，盛惠$470，
侍應交還信用咭時不忘加一句：多謝晒，下次再來呀！
嗯... 我真是差點失笑囉！

大佬，平並不等於低質素喎，
旺角登打士街的肥姐滷味，$10一串咋，
嗰啲就真是叫平，但好好好好食架，ok？！

全晚無影過相，唯獨影了這pat cream！齋睇樣都知good啦下嘛？