10.06.2008

回憶總是Fun的 - 生活篇 (Fun的第一個歌手訪問)

今日無無聊聊翻箱倒篋,
在一堆沒有被存入相簿的舊照中找到以下兩張歷史見證..
大家憑背影能夠看得出我正在訪問那位女歌手嗎?

給幾十對眼望著做訪問,手同口都震晒呀!咦,我個髮型有double cut架喎~

給你10秒時間..
10..
9..
8..
7..
6..
5..
有沒有頭緒?
4..
3..
2..
1..
開估啦喎~~

各位觀眾葉莎莉~~~ (張相本身是out-fo的)

94年11月我正式加入電台工作,主要負責早晨節目的PA工作,PA即阿四也,每朝要報天氣、報交通、做各種資料搜集外,還有一樣最緊要的.. 就是幫同事(及自己)買早餐!雖然濕濕碎碎又要挨(少少)鬧,但對於一個剛畢業的大學生而言,就猶如劉姥姥遊大觀園,萬事皆新鮮!那時候我經常發白日夢有機會訪問到多倫多演唱的香港歌手,哇.. 如果訪問到蓮母就不得了啦係咪先~~~ 萬料不到這個白日夢竟然在我當PA後的兩個星期便成真,不過訪問對象不是蓮母,而是她的死敵:葉.. 莎.. 莉!大家要知道那是94年,是94年.. 那一年年初蓮母在《勁歌金曲頒獎禮》中慘食白果,反而聲勢平平的死敵葉莎莉仍摘下《最受歡迎女歌手》及憑悶到作嘔的《你今天要走(嘔)》入選十大勁歌,真是嬲到我呢.. 所以當知道要訪問她的時候,心裡已即時湧出一股“藐藐哋”的情緒!但作為電台(新)阿四,心想一定要做好呢份工以搏取上司讚賞,所以.. 我好用心跟葉小姐做了一個訪問!

這樣應該叫專業,哈哈哈~~

9 comments:

無累旅子 said...

What a showbizz debut!

best actor said...
This comment has been removed by the author.
best actor said...

94 was a dark time, indeed. but then SL's career is still going strong 14 years later. :o)

I was still in my third year in 94. I think.

Wordy said...

辛苦哂……

係呢度年齡都唔算秘密,果年我考 A-level

OGAKE said...

94年?我Cert都未考!!
張out-fo相,你唔講都唔知喳咪人係你呀~

費仕騰 said...

我好懷念當時你個電台特有既收音機, 其實你地有冇放響車度既版本呢? 如果冇, 揸車想聽咪要成部機拎出去囉?

94年因為搬左出黎住冇左果部收音機所以冇聽LU, 如果有聽, 應該記得呢位磁聲哥哥把聲啦!!

naruto said...

揸咪係你咩,以為揸CAM嗰個㖭

94年,做咗好多年野啦,移埋民番番嚟啦!
註:我好細好細已經做野

OGAKE said...

naruto:你做童星架?係咪手抱嬰果陣已出來做野?

Leo said...

吓乜玩報年齡呀?嗰年我讀大二呀!

葉莎莉?點解呢次唔叫賤人?

94年蓮母過咗高峰喇噃,佢之前出不如重新開始果年雖然响叱咤威盡,但已經有雜誌寫佢“神話破滅”,再冇都巿觸覺的銳氣,大碟銷量都似乎不比重前。嗰年葉林鬥得最厲害應該係一個打天大地大,一個打走火入魔,不過其實兩首都不算普遍受落之作。嗰年葉小姐其實都氣數將盡,實在無須勞氣囉!