人有相似~~

我相信每個人都應該曾經被人話過生得似某某名星， 我就曾經被人話似熊良錫(做過香港8X)、陳庭威(撞鬼囉)、朱健鈞(呢個算正常)、 陳法蓉(港姐喎) ，甚至許志安(呢個係褒定貶？)！

上星期友人露比傳來一個網址 - http://www.myheritage.com/ ， 只要在網址上載自己的照片，經過分析後就會顯示10位同你生得最似的藝人/名人照片！

根據分析我最似韓星李英愛(64%)、緊接係超模Tyra Banks (63%)、李寧 (61%)、劉華 (59%).. 哈哈，原來我男生女相，頭兩位都係女人.. ok搞笑！

其實個樣似邊個唔係最重要，條命生得似緊要好多.. 你寧願個樣生得似徐子淇定條命生得似佢好丫？

如果得閒你都不妨上去個網址到玩吓啦，得啖笑！

提示：你可以上載唔同既相，因為唔同既相會有唔同既結果，我另一張相係有80%似郭富城架~~