晚裝秀

曾經在發白日夢的時候想過，
如果屋企是大把錢的話，
我會立即去找一份evening gown buyer，
或晚裝設計師助理的工作，
因為一見到晚裝我對眼是會發青光架！
可惜.. 我屋企不是大富人家，
並不容許我逗八千蚊人工從頭做起，
那唯有勤些check住各大品牌的fashion show止渴啦！

近日各大時裝品牌都有新搞作，
紛紛推出新一季的couture同ready-to-wear系列，
睇fashion show(相)都睇到我眼花花！

不如就等我帶大家走進各花生騷，
坐第一排VIP位睇靚衫啦..

Christian Dior - John Gailliano剛剛率領大軍到上海搞了一場大龍鳳展示新一季的couture。論排場，傳媒都說僅次於當年Chanel在長城搞的fashion show。今季的設計靈感是來自法國新浪潮電影運動，色彩非常奪目。

像放在結婚蛋糕上的美麗新娘嗎？
I'm a barbie girl, in a barbie world..
港姐可以有這樣的晚裝就好了..

Versace - 前陣子才來過香港的Donatella Versace，近年被評其設計欠新意，只是在不斷重覆又重覆。看看她新一季的作品後都不禁有點認同，那些“窿窿”實在玩得太多了。不過，我還是很喜歡Versace的剪裁呢！

好愛這一件呀
不知何解，我覺得這條白色的好余安安
無胸還可以著但無腰就萬萬不能

Valentino - Valentino設計一向都給人高貴大方的感覺，但近年都開始大步向前，推出較前衛及色彩多蘿蘿的設計，不再獨孤一味的“rosso”。

如果有靚的肩膊及鎖骨，穿上這件晚裝便如虎添翼了
很喜歡這個設計，但可以換換顏色就好了
Valention Rosso rocks!!

Armani Prive - 是近年世界各大名媛及一級女星的新寵兒！大家還記得Anne Hathaway在奧斯卡紅地氈上那條銀色勁閃晚裝嗎？真是靚到飛起！Armani Prive的設計永不會浮誇前衛，你可以說它保守，但勝在高貴典雅，著上身永不會出事。

非常柯德莉夏萍誇張的裙擺極度矚目
可以穿來參加國際性選美噃

拉麵推介

咦，原來本blog是從來沒有介紹過日式拉麵架喎！

其實我在香港是很少吃日式拉麵的，
一年可能只會光顧拉麵店三兩次！
原因？ummmmmmm..
可能我只喜歡在日本吃拉麵掛，嘻嘻..
不是作狀，在香港吃過的日本拉麵，
實在沒有一家令我神魂顛倒，
讓我念念不忘的就只有一蘭或博多天神！！
有時我會想，為什麼在日本吃拉麵會特別興奮呢？
我想除了味道外，吃麵的過程加上旅遊的心情，
令整件事情都變得有聲有色，開開心心。

不過最近我卻發現了一間拉麵店，
吃過之後覺得可以多來也無妨喎~

這是位於國金二期的和歌山，就在翡翠小籠包隔鄰。當日相約了在那裡上班的友人吃午餐，未夠一時已滿座兼出現人龍
在國金開店當然是高貴嘢，單看這個餐牌已知一二吧
光顧的九成是在國金的上班族，個個都穿戴得相當光鮮
友人點了野菜豚肉拉麵(味噌湯底)
我點了櫻花蝦豚肉拉麵(豬骨湯底) - 點菜時並不知道甚麼是櫻花蝦，只以為是sakura的副產品。在侍應把麵端上來後我立即拍了照，貼上了微博，不消一會便有粉絲指出櫻花蝦(sergestid shrimp)是台灣屏東縣東港地區海域及日本靜岡縣駿海灣海域的特產。經過油泡才放上麵的櫻花蝦，香味滲入湯裡，令人不禁地把所有湯都喝光。價錢方面，以這個櫻花蝦豚肉拉麵為例，單品是$88，如多付$22即可改為套餐，多送你4隻煎餃或4件炸雞

速報！美國小姐10 (結果公佈)

第59屆美國小姐在今早(香港時間)誕生啦！
51位佳麗經過兩小時角力後，
結果由現年23歲，身高5呎8吋，
來自密芝根的大學生Rima Fakih奪得冠軍，
她將會代表美國出戰8月22日，
同樣在賭城舉行的環球小姐競選。
至於亞軍到第5名分別是奧克拉荷馬州小姐、
維珍尼亞州小姐、科羅拉多州小姐及緬因州小姐！

Top5：

冠軍：密芝根州小姐 – 是密芝根州的第3位冠軍人馬(90/93/10)，更是史上第2位擁有黎巴嫩血統的美姐
亞軍：奧克拉荷馬州小姐 –奧克拉荷馬州是近年的power house，過去10年曾7次入圍。而今年更是繼89年以來該州最好成績的一次
季軍：維珍尼亞州小姐 - 曾參加06年美國青春小姐並獲得第4名，今年再戰美姐。維珍尼亞州小姐曾創下連續兩年(70/71)奪得美姐寶座的紀錄
第4名：科羅拉多州小姐 – 除是00年以來首次進身semi-final外，更平了該州在63年所創下的紀錄
第5名：緬因州小姐 – 是緬因州參加美姐59年來的最佳成績

Top10：

阿拉巴馬州小姐
加州小姐
密西西比州小姐
密蘇里州小姐
田納西州小姐

Top15：

阿肯色州小姐
肯薩斯州小姐
內布拉斯加州小姐
賓夕凡尼亞州小姐
懷俄明州小姐

公佈Top15

Top15泳裝環節

公佈Top10

Top10晚裝環節

加冕時刻

速報！美國小姐10 part I

5‧16別注之我有權投

你唔係唔投呀？！

Oricon榜單 - 5/12

新一期榜單又來啦！細碟榜10大局面依然較為淡靜，只得4張新入榜作品！

冠軍：AAA - 逢いたい理由/Dream After Dream ~夢から醒めた夢~；前日本樂壇教父小室哲哉經過8年的黑暗期後強勢回歸，復出的第一首作品已能榮登榜首，成為他第43首(作曲)冠軍作品。



亞軍：いきものがかり - ありがとう；NHK連續劇『ゲゲゲの女房』主題曲


季軍：ももいろクローバー - 行くぜっ！怪盗少女


第7位：大島麻衣 - メンドクサイ愛情


10大以外初上榜作品中較為矚目的是早前曾介紹過，屬於松田聖子的新作《いくつの夜明けを数えたら》，今週排在第12位，是她近年最好成績的一張細碟。



以為細碟榜已經夠靜，誰知大碟榜更………… 靜，10大位置只有一張新專輯上榜！？！？

冠軍：VOCALIST 4 - 德永英明；在毫無對手的情況下連坐3星期冠軍寶座，成為85年井上陽水的《9.5卡拉》後最好成績的男歌手。《VOCALIST 4》到今週為止已累積了30萬的銷量；《VOCALIST 4》收錄曲 - 月光



第6位：My Little Lover - Best Collection；《Best Collection》收錄曲 -あふれる

銅鑼灣新餅店

本人朋友多，
所以被邀請出席生日派對的機會也多，
去年刻意銳減亮相次數，
但粗略計算也大慨有廿多次！
在一般的生日派對中，
蛋糕是缺不了的東西，
一班人he he hur hur捧個生日蛋糕出來，
然後we哇鬼叫唱生日歌吹洋燭，好開心架！
不過大家有無發覺切完蛋糕分好晒之後，
有很多人都只是象徵式吃兩口就算呢？
原因可能是某部份人的確不愛甜品，
有另一部份的像我就因為出席生日派對太多，
厭倦一年到晚都是吃著美心或Cova的出品，
近年雖然好一點，多了Zoe、Awfully Chocolate等品牌。
但吃得多也是會悶的。
所以近一年有些比較close的朋友都會讓我做生日餅，
一來有新鮮感，二來可給我磨練技術！

不過朋友們，下次搞生日要買生日蛋糕的話，
除了Fun Bakery，還可試試我近日發現的新大陸！
銅鑼灣的Style House(即Ikea) 開了一家叫Confetti的cake shop，
齋看門面已夠吸引，帶大家望望呢~

所以話包裝真的好重要，門面那麼吸引，唔買都想入去望望啦
店中除了現貨，例如：cupcake、曲奇、蛋糕外，還可為顧客度身訂造心水形狀的蛋糕
小女孩看到這個蛋糕肯定勁跳勁笑！這個cream cake base蛋糕索價$800，比我想像中便宜，店員解釋因為那些裝飾是玩具來的，如果用糖霜做的話價錢就會高得多
鏡頭一轉就見到這個$3600的蛋糕！店員還說它們是取得Disney、Pixar及Marvel等動畫角色的版權去做蛋糕.. 嘩，版權費要多少呢？
手袋形蛋糕，盛惠$2500
當日我買了4件餅跟鄰居分享：(從左邊順時針) strawberry short cake ($32)、red velvet cup cake w/ cream cheese buttercream ($25)、greentea butter cake with redbean mousse filling ice with vanilla buttercream ($40)、banana caramel cup cake ($25)，4款餅都具相當水準，尤其是cup cake，做得夠moist。greentea butter cake也是ok的，只是那層粉紅色糖霜太甜了！大家有興趣的話可以去瀏覽一下它的官方網站，資料很齊全

速報！港姐面試實錄10

咁又一年，
時間快到有啲令人無所適從，
我諗舊年當選嘅幾位港姐就最有感受！

2010年港姐競選正式開鑼，
經過3星期報名後，
尋日就開始咗第一輪面試。
無記為吸引更多“靚女”參加，
今年放寬參選條件，
只要係廿七歲以下同持有有效香港身份證就ok！
但咁樣係咪就可以提升質素呢？
據講報名人數係有所回升，但quality啦喎，
睇完啲相之後可以講一句：未許樂觀！

好啦，準備好未先，
得嘅就即刻帶大家去尋日嘅.. 港姐面試實錄，
斟定杯茶啦喂~

吋嘴芭比 - 洋名Barbie (想死！！)，一出現已成焦點，被記者狂圍下拋下一句：“等我贏咗冠軍先講啦”，因而被貫以吋嘴芭比嘅稱號。講樣算省鏡，仲有啲似舊年嘅袁家敏同台灣女歌手許慧欣，不過氣質有少少港女，同一個咁嘅英文名，good luck啦
的骰徐子淇 - 呢個整體嚟講唔錯，但的骰喎，係咪又係得5呎3嗰啲呢？唉..
港版Leah Dizon - 典型模樣，但算係好嗰啲，勝在笑容甜美又肯拗腰。不過呢，個髮型咁嘅，係咪假髮嚟架
厚墊Liz - 被認出曾經參加『喜劇之王2』招募。樣貌都算唔錯，但有啲娘，執下應該可以見得下人。另外奉勸一句：下次個pad可以薄返少少囉
迷你郭可盈 - 點呀，凡係ok樣嗰啲唔係的骰就迷你，有無啲高架啫
思敏細妹 - 吳浩康女友莊思敏細妹，名叫思明，係一位part time model。樣貌一般，衰在髮型打扮好娘，但我覺得屬於有得執嗰類，睇下佢入唔入到第二round啦
四萬拳王 - 點解係拳王呢？係咪因為條粗belt？樣貌唔差但個髮型想點？呢啲女仔又係嘅，選美喎家陣，去set個頭得唔得呀
翻版如花 - 大隻程度真係直迫如花，不過呢.. 我覺得嗰樣係可執好啲架喎，如果佢入圍，我唔會太驚訝
天明舊菜 - 據講當年俾周家蔚撬牆腳！大佬，我都揀周家蔚啦，個樣好明顯係整容過度架喎
鬚麗珍 - 舊年有熊穎詩，今年有呢位鬚麗珍，不過呢，睇嚟就算佢剃咗鬚都係無用。話時話佢呢個look星期日維園大把
天然Jolin - 嘩.. 猛鬼街
酒凹耀揚 - 人哋係塊面係長啲啫，都唔係好似張耀揚咋噃
紅粉射喱姊 - 呢個朵改得good！其實呢啲喺街見到係唔會覺得出事嘅，去選美就..
大樓 - 個騎樓真係好勁，不過勁唔過佢成個look，嗰pat蔭做咩先
女版阮少祥 - 除咗身材無忽似啦
戚眼李思捷 - 哈哈哈哈哈哈哈哈哈哈哈哈
散髮蘇民峰 - 妹妹，你係報名選港姐呀，唔係同朋友去行街睇戲呀，係咪整個頭化個妝都咁懶呀？
鬥雞張舒雅 - 我覺得似曹敏莉多啲！除咗對眼，套衫都出事啦，好似著咗老豆套西裝咁