速報！香港小姐11 partIV
距離港姐決賽還有一星期零兩日，
亦即意味著比賽已進入最後直路。
一般來說，佳麗在這個時候的狀態都應該達至高峰，
但觀乎今年的參賽者就有點反常，好多都跌watt喎~
希望各位佳麗不要鬆懈啦，
趁這一個星期搏佢老命keep fit，
人生選一次港姐架咋，唔係訓身下嘛~
好啦，言歸正傳，速報一下最新消息，
今年港姐最後一個賽前(正式)單項獎已經在昨日誕生，
5號佳麗朱晨麗奪得《時尚目光大獎》！
《時尚目光大獎》的其中一位評判是89年港姐冠軍陳法蓉，
她在賽後表示今年其心水包括有1號甄敏婷、3號許亦妮、
6號梁麗翹及9號麥美恩(唔係掛)！
最後需要一提的是在下已成功邀請98年港姐冠軍向海嵐，
擔任香港小姐11 Blogger's Choice的評判，實在非常榮幸。
假如各位網友都有興趣跟阿Anne一齊評選今屆港姐的話，
就快手發個電郵到mhkbloggerchoice@gmail.com啦，
星期一就截止架啦~
大師姐陳法蓉以Dorian Ho設計的性感低胸cocktail dress出席《時尚目光大獎》評選活動，美態盡現，風頭盡蓋一班準港姐
1至5號佳麗帶上時尚眼鏡角逐獎項
3號許亦妮及5號朱晨麗均是今年的熱門人馬
3號許亦妮是陳法蓉看好的佳麗之一
本年度《時尚目光大獎》得主：5號朱晨麗
4 comments:
啊啊啊啊啊啊啊啊啊啊啊啊啊啊啊啊啊啊啊！我中意Anne啊。期待今年blogger choice！
i love Anne :)
haha Anne said thanks to both of u :)
由《楊貴妃》開始中意阿Anne，唔經唔覺，11年咯。
Post a Comment