11.11.2008

速報!國際小姐08partVI

各位,我返來啦~ 經過兩星期的“特瞓”(特級唔夠瞓)後,08年國際小姐終於完滿結束!結果由賽前大熱之一,芳齡18歲,身高5呎8吋的高中畢業生Alejandra Andreu勇奪后冠!亞軍是另一頂頭大熱哥倫比亞小姐,季軍、殿軍及第5名分別由波蘭、中國及捷克瓜分!

另外能進級12名的佳麗包括:厄瓜多爾、日本、黎巴嫩、菲律賓、波多黎各、土耳其及委內瑞拉小姐。

其餘獎項:
最上鏡小姐 - 西班牙小姐
友誼小姐 - 薩爾瓦多小姐
最佳民族服裝獎 - 阿魯巴小姐
完美肌膚大獎 - 白俄羅斯小姐

當晚節目製作由TVB負責,監製是錢國偉,無記大騷全是出自他的手筆,所以這次選舉無論在製作上抑或編排上都徹底打破國際小姐往常令人看得昏昏欲睡的傳統,受到全球選美網民激讚!有時間各網友可按這裡重溫選美過程。


甫開場,63位佳麗先以民族服裝亮相並進行自我介紹
阿魯巴小姐的民族服裝色彩鮮艷,就像一隻花蝴蝶在台上飛舞,難怪獲得評判歡心,成為最佳民族服裝獎得主
澳門小姐呂蓉茵以粵劇戲服登場,雖有特色但相比下竿影立見

第二個環節 - 泳裝秀;大熱門哥倫比亞小姐頭插紅花,散發拉丁娜熱情的一面

澳門小姐身穿Le Pearla贊助的蘋果綠兩件頭泳裝迎戰
第二個環節 - 晚裝秀;香港小姐馬賽的銀色晚裝閃則閃已,但剪裁及設計則要打大交叉
澳門小姐這件銀白晚裝由澳門設計師Venessa Cheah操刀
賽前哥倫比亞小姐表示決賽夜會以白色晚裝上陣,結果她改穿這件湖水藍色的晚裝,同樣顛倒眾生

中國小姐劉暢文以一襲充滿中國風的晚裝登場,遠看活像一個陶瓷花瓶。據聞她在晚裝環節得分甚高

老實說,西班牙小姐的黑色晚裝真的很普通,幸得有靚樣搭夠才不至失分太多
晚裝秀後隨即公佈12強:左起 - 中國/哥倫比亞/捷克/厄瓜多爾/日本/黎巴嫩
左起 - 菲律賓/波蘭/波多黎各/西班牙/土耳其/委內瑞拉;其餘熱門人選:阿根廷/加拿大/白俄羅斯/印度/韓國/澳門/挪威小姐等全部出局
獲得進級的12位佳麗首先要挑戰hip-hop舞步,每位都要站在台中的小型舞台上扭動殲腰,實行要跳得比你好;圖中為日本小姐杉山恭子,據聞她最後排名第6;跳完舞,各佳麗以中國旗袍上台並發表其預先準備好的演詞
宣佈獎項啦~ 完美肌膚大獎 - 白俄羅斯小姐!她化淡粧輪廓已很突出,實至名歸啊~
最佳民族服裝獎 - 阿魯巴小姐,捨她其誰
友誼小姐 - 薩爾瓦多小姐,擊破香港小姐5連冠的美夢
西班牙小姐兼得最上鏡小姐,宣佈冠軍的一刻表現得甚為驚訝

5名佳麗

完滿結束啦~~

左上:一班前/現任港姐及華姐也有到場為港姐馬賽打氣 ;右上:大會為嘉賓準備了一檯美食之外還有free flow Moet~ ;左下:開騷啦;右下:我坐的是29號檯,相當正中呢
左上:得獎佳麗與評判及一眾頒獎嘉賓合照;右上:完美肌膚大獎 - 白俄羅斯小姐/最佳民族服裝獎 - 阿魯巴小姐/第五名 - 捷克小姐;右下:我都攝個靚位影張先 左上:西班牙小姐的父母遠道由家鄉以來為愛女打氣,慶功宴上三人擁抱而泣;右上:前5名佳麗與主辦機構頭目松田先生合照;右上:6位得獎佳麗(咦,阿魯巴小姐呢?);右下:得獎佳麗與其他贊助商頭目合照
左:哥倫比亞小姐今年在環姐及國際小姐均得亞軍,交了一張很好的成績表;右:澳門小姐呂蓉茵雖然12名不入,但當晚實在發揮了所學的一切,表現交足功課~ Florence, I'm so proud of you~左/右上/左下:辛苦了3個星期,選舉完畢,大家都如釋重負,所以每位佳麗在慶功宴上都表演得非常hyper;右下:英國小姐給我一個吻
左:大熱倒灶的阿根廷小姐一點失落也沒有;右:冠軍西班牙小姐Alejandra與澳門小姐呂蓉茵
左上:哎呀影不到我的丁字腳甫士添;右上:澳門/印度小姐與第一屆(61年)國際小姐冠軍兼本屆評判之一Stella Marquez合攝;左下:越南/菲律賓小姐;當晚以菲律賓小姐的打氣團聲勢最浩大,每次出場都引起一片哄動
左上:俄羅斯/加拿大/澳門小姐與三甲佳麗合照;右上:哥德洛普島/法國/比利時小姐/節目總監製錢國偉
左:左邊的是香港同事MY,而中間那位是日本大會的社長益永先生;右:經常鬼鬼馬馬表情多多的日本大會職員渡邊先生
西班牙小姐雖然不是我的心水冠軍,但她把頭髮束起後的確艷冠全場,殺晒~
慶功之後還有after party,雖然不是所有佳麗都有到場,但氣氛依然十分熾熱,因為佳麗們終於可以飲酒啦~~ 左上:日本大會女職員Lulu,來自西安,在日本工作已超過10年,操流俐日語,在整個選舉過程中她幫了我很多呢;右上:薩爾瓦多/黎巴嫩/厄瓜多爾/波多黎各/巴拿馬小姐;左下:白俄羅斯/拉脫維亞小姐;右下:塞爾維亞/俄羅斯小姐,當晚俄羅斯小姐的超勁高男朋友也有到場為女友打氣
左上:NW/Fun/塞爾維亞/馬來西亞/巴哈馬小姐;右上:馬來西亞/中國/Fun/NW;左下:MY/馬來西亞/日本大會職員 - 相川先生;右下:正所謂夜會令禁忌分解,平時斯斯文文的日本大會(女)職員也要癲一晚
左:去年最上鏡小姐,來自日本的白田久子;右:我的甜心 - 黎巴嫩小姐

14 comments:

CH Mak said...

见到你gum样真系好dung你开心。

Leo said...

樓上:

咁樣即係點樣呀?

FUN:

咁樣,算唔算艷福無邊呢何?:P

Fun said...

to MM,
其實呢.. 真係好開心架~ 尤其有d佳麗真係好friendly,會唔捨得,送距地上機既時候有眼濕濕架~ 我地開始響FB狂add大家,好好笑~

to leo,
艷福?你覺得呢?

真面目な水晶 said...

我一路睇d相, 第一個感覺都係"艷福無邊"喎! ^.*
不過咁, 如果有機會舉辦"國際先生"o既話, 我諗您會興奮萬倍, 嘻嘻! ^.*

Wordy said...

寓工作於興趣,羨煞旁人呢

某天晚上看見你穿着黃色 T 恤在主教山上電視呀

跟住搞咩,神奇女俠?

Fun said...

to 真面目な水晶,
你識我咁耐都唔了解我.. 我係鍾意睇女性既選美呀,男性選美我唔係太大興趣架咋~

to wordy,
真係好開心不過同時間亦都係一次體能既大挑戰..

哈.. 乜east張west望咁高收視架咩,咁多人睇到既?

跟住有咩搞?密切留意本blog之公佈啦 :)

無累旅子 said...

尋晚 east 張 west 望話陳善揚會晌下個禮拜六起程去南非參選(or 顯世), 你休息一陣又要開始新一輪既"速報"架喇~

robocon said...

你難得可以寓工作於娛樂, 真好.

今年毛記攪得算成功,不過舞台可以再華麗再用心d. 記得當曾先生說一陣十二名有跳舞環節時, 我幾驚個個著晒唐裝跳中國舞或打功夫之類呢!原來是個熱鬧party形式, 睇和跳的都開心.

一向對國際選美沒什麼特別sense, 今次63個佳麗對我來說 "很多都差不多樣", 令我深刻的是有一個啞的佳麗ms. brazil, 充分表現了世界共融, 不知她和其他佳麗溝通有沒有問題呢?

在我來說 ms. thailand 和 ms. united kingdom 都很恐佈, 太似男人.還有我特別喜歡俟賽俄比亞小姐, 樣貌十分清秀, 我還以為那國家的佳麗一定是黑黑瘦瘦營養不良呢!

不過睇番d佳麗質素, even張舒雅參選都未必有機,她身型太單簿,著泳衣一定輸蝕. 個人認為反而是 有身材有樣有高度的高海寧, 最適合參選國際選美.

另外我想問,委內端拉咁多年參加世界三大選美, 有沒有試過唔入top 12/15...咁架?

Agnes Tse 艾麗絲謝 said...

fun哥好似占士邦, 呵呵.

galaxy said...

你台上影的那張相, 你頸後多了一隻手, 哈。

OGAKE said...

今次比你過足選美癮啦~
仲可以同D佳麗狂影相同埋狂歡~~好開心呢~
給你一個吻的英國小姐乜咁似Lily Allen既~

Fun said...

to 無累旅子,
你地見我咁重workload就好心幫下手啦~

to robocon,
巴西小姐其實係失聰..

張舒雅就真係50/50,佢硬件好但軟件要配合,即係要train下先得,無咩preparation佢都係死~其實高海寧出外參選可能係今年最好既一個選擇添~

委內端拉當然有唔入過啦.. 其實佢地響80年代先發威,講環姐,佢地由83年到03年連續21年入semifinal,04年第一次斷欖,06都無入..

Fun said...

to agnes,
haha, ng hai gwa!!!

to galaxy,
that is miss spain's hand!

to ogake,
this is truly a precious experience!!

robocon said...

多謝你的資訊.

唔知那位唔入 semi-final那位委內端拉小姐, 回國會否比人掟雞蛋呢! ^-^

另外菲律賓都好似好重視國際選美, 不過我不太喜歡這國家的佳麗, 好似太agressive太妖治,懶係勁咁樣囉. ^-^

祝陳倩揚在世界小姐玩得開心d!