3.19.2008

麗日旅程

渴望已久的《大阪‧京都春の旅》終於出發啦,
心情有點緊張,有種小學生去春季大旅行的感覺。
今次能夠起行真要感恩,話說10多天前因舊患觸發了新傷,
右肩3條神經線同時發炎,令右肩至右手髀劇痛起來,
無論企、坐、躺、“挨”都痛得呼天搶地,
痛得連續幾夜也沒法入睡,面色有如死灰,
吃甚麼止痛藥也陶然,真的人都癲!
病發首天已第一時間求診我的手法/物理治料師,
但看了好幾天都沒有顯著進展,心想旅程可能要取消吧,
幸好經過連續10多日的悉心治療,到今日為止已好多了,
雖然右肩/髀仍有點“扯住扯住”,但起碼行動自如。
不過手法/物理治料師依然叮囑切忌用右手提重物、
過急“左擰右擰”四圍望八八掛。
相信這7天的行程要勞煩兩位團友大力幫忙啦,
我將會是妲己,甚麼也得靠他們拿喔!
聽說今年因日本天氣較冷,關西的賞櫻期可能要到月底,
所以未必能夠看到漫天櫻花了,但不要緊吧,去得成已算走運,
希望痛楚可為我們換來好運,有個燦爛的麗日旅程!
各位,下星期再見,祝復活節快快樂樂。

山口百惠 - 麗日旅程 (78年)

5 comments:

Wordy said...

唔,同我上次差唔多,我兩個團友冇你果 d 咁孔武有力,但真係幫左我好多

因為天冷,現在我反而有機睇到櫻花

旅途愉快!

naruto said...

fun:
旅行能解百病,玩開心D啦。
仲有,影多D相呀,㯲"製"無問題吧,

樓上:
我覺得我恐佈有力喎!

OGAKE said...

影呀影呀影多D相呀!!手信呀手信呀,買多D手信呀!!祝旅途愉快,手臂不再猛痛~

CH Mak said...

我都唔係gum孔武有力je...
況且,我自己都病緊....*sigh*

naruto said...

原來係病壞團