離晒譜

其實有無得再醜啲架？！？！

903 id club MANHATTAN id信用咭 曼谷同行 - 前奏

我由曼谷返來啦，3日兩夜的確係趕咗啲，
但食買玩樣樣都滿意，咁就係good啦~

今個旅程係同8個曾經一齊喺903 id club共事嘅女仔去嘅，
真係足足有成3個墟，諗都諗到有幾咁嘈~

遊記將於不日上載，想知曼谷有咩好嘢食，
邊度揼骨好、邊度最多朱義盛賣，
記住要留意Fun生活潮遊曼谷(扮專家)啦！

Oricon榜單 - 5/18

細碟榜：

冠軍：関ジャニ∞ - マイホーム


亞軍：フレンチ・キス - カッコ悪いI love you！


季軍：BUMP OF CHICKEN - Smile


第4位：aiko - 恋のスーパーボール/ホーム


第5位：UVERworld - CORE PRIDE


第6位：東京事変 - 空が鳴っている/女の子は誰でも


第7位：三代目 J Soul Brothers - LOVE SONG

第9位：吉川友 - きっかけはYOU！


第10位：スフィア - Hazy


大碟榜：

冠軍：BIGBANG - BIGBANG2；專輯收錄曲 - オラ yeah


季軍：ナオト・インティライミ- ADVENTURE；專輯收錄曲 - 今のキミを忘れない


第7位：ピコ - 1PIKO；專輯收錄曲 - 二息歩行


第8位：JAMOSA - SKY；專輯收錄曲 - もしも願いが叶うなら

Lady Gaga全新專輯《BORN THIS WAY》上市啦

Lady Gaga全新專輯《BORN THIS WAY》終於上市啦，
各位嘉嘉迷聽咗未先？

我就未啦，因為近排工作實在太忙，
基本上咩語言嘅新歌都無時間聽，陰功~

講返嘉嘉新碟先，
頭兩首單曲《Born This Way》及《Judas》的評語雖然毀譽參半，
但依然賣個滿堂紅，實在厲害。

而碟中的《The Edge of Glory》早在上個星期已率先登陸itunes，
而由於反應實在強勁，所以嘉嘉決定將歌曲鎖定為第3張細碟！

《BORN THIS WAY》被嘉嘉自己譽為Greatest Album of the decade，
係真唔係就的確要聽過先知，不過可以肯定嘅係，
未來半年大家嘅iphone都會滿載嘉嘉嘅新歌囉！

林憶蓮全新廣東作品《枯榮》一分鐘試聽版

林憶蓮全新廣東作品《枯榮》一分鐘試聽版

繼電影《出軌的女人》的主題曲《兩心花》後，
估不到蓮母在短短3個月後又有另一廣東作品見街，
全新歌曲名為《枯榮》，是亞視外購韓劇《你是我的命運》主題曲。

咦，幫亞視唱主題曲添！

《枯榮》難度甚高，轉接位勁多，又上又落，
但整體感覺非常良好，只稍嫌曲式有點王菲影子！

蓮母鐵定9月23至25號開騷，
大家差不多要搵定窿路買飛啦~



作曲：常石磊
作詞：喬 星
編曲：常石磊
主唱：林憶蓮

一呼一吸 一眨眼睛
年華如同流雲 化作泡影
出生一刻心跳聲
床前彌留時辰去細聽
驟爾來 在哭聲 驟爾回 沒笑聲

＊ 滴答滴答光陰過隙
童年我而成年 秒秒壓逼
一絲一點想記憶
回頭原來搖籃 悄悄褪色
驟爾來 沒珍惜 驟爾回 未歇息＊

月有虧盈陰晴 輪遞不停
換到功名虛榮 轉眼如幻影
花事哪可敵過一枯一榮
明艷過 磨蝕了 過程 ＊

速報！港姐面試實錄11 partII

今日，2011年度香港小姐進行第二輪面試，
評審從第一round80位佳麗之中篩走40人，
所以一眾騎呢佳麗都如預料般無得留低，全數出局。

究竟經過第二輪面試之後有邊?佳麗可以晉級呢，
大家要拭目以待啦~

翻版蔡少芬有入喎
翻版黃泆潼
端莊少女，有主播feel
樣一般但勝在大大方方，有望留低
整體感覺幾港姐，評判有無同感呢
嘩.. 激似亞姐曹央雲 p.s.條裙喪肉酸
樣貌尚算甜美，不過品味就.....
橫到呢，要勁減肥啦
黑髮黑口黑面黑衫.. good luck
幾有東方美，入圍都唔奇
上次面試個超低胸紅裙女喎.. 呢條裙又係衰在太花園街
翻版張燊悅+林學華 (林建岳前女友)
2nd round都死唔除超，咁小家，更靚都假
成熟小家碧玉型
可愛清純少女果然晉級，能否再下一城呢
嘩..乜個疑似韓妞跌晒watt架
好似薛凱琪.. 條頸
翻版王君馨
爽朗宣萱都入喎
點解Miss係Miss？
縮胸周秀娜亦入圍！其藝名叫蔚雨心，英文名Rainky，聽聞是經理人為佢鋪路參選，選完(若選唔到)會出碟
剛剛去完safari zoo乎

速報！港姐面試實錄11 partI

康城中國風

第64屆康城影展在上周揭幕，
在開幕典禮上除了一眾國際級女星外，
我們還可看到幾位國產女星在紅地氈上發光發熱！

其中一位是范冰冰！
對，是“范”冰冰而不是“李”冰冰，
即是塊面經常白如女鬼那位，請不要搞錯。

去年范冰冰也有現身康城影展，
以一條中國風改量龍袍晚裝贏得很多注視。

今年，范冰冰食過翻尋味，以一身中國風紅色仙鶴晚裝登場，
繼續出位成功並得到相當多的coverage..


說實話，兩件晚裝+造型我都覺得好bad taste！

論搶眼度，這件仙鶴晚裝的確是很矚目，
但整體設計實在娘得像太子金都商場出品，
再加上如當年馬可斯夫人的髮型及烈艷紅唇，
驟眼看以為是日本藝妓多過中國皇后囉。

范冰冰，我都是勸你早點換個造型師吧啦~

如果穿這件晚裝上環球小姐舞台，不知道會拿甚麼分數呢
當年鞏俐初踏國際舞台都經常以中國風服式亮相，現在已升呢十倍的她再不用以旗袍晚裝引傳媒注意，一身紫色低胸Roberto Cavalli已教外國媒體認出：她是中國女星鞏俐

Oricon榜單 - 5/11

細碟榜：

冠軍：ぱすぽ☆ - 少女飛行


亞軍：MBLAQ - Your Luv


季軍：THE ALFEE - Let It Go


第6位：The fevers - 第九のベンさん


第7位：平井堅 - いとしき日々よ


第9位：松下優也 - Naturally


大碟榜：

冠軍：安室奈美恵 - Checkmate！(連續兩星期冠軍)；專輯收錄曲 - VERBAL / BLACK OUT feat. Lil Wayne & Namie Amuro


第4位：東方神起 - ウェ (キープ・ユア・ヘッド・ダウン) 日本ライセンス (韓国語) 盤；專輯收錄曲 - マキシマム


第6位：倖田來未 - Kodi Kumi Driving Hit’s 3；專輯收錄曲 - あなただけが


第9位：TETSUYA KOMURO - Digitalian is eating breakfast 2；專輯收錄曲 - Vienna feat.Miu Sakamoto & KREVA


第10位：腐男塾・中野腐女シスターズ - 『腐レンズ』；專輯收錄曲 - 同じ時代に生まれた若者たち

大蛇吞牛 (PG家長指引)

唔係講笑，早兩個星期先同朋友講起呢單新聞，
點知今晚一開面書就見到有朋友post出來，
真係忍唔住要同各網友分享一下~

時為1982年，某日早上西貢警署接獲海下村一名村民報告，
話喺村入面發現一條吞咗成隻牛(仔)嘅大蟒蛇。(！！！！！)

而以下片段係屬於當年亞視嘅新聞片，
電視台派出記者戚香蓮現場直擊，
鏡頭所見戚小姐氣定神閒跪喺大蛇側邊訪問處理事件嘅警員，
確係好嘢..

片段中最嚇人嘅係close up影住條蛇嘔番成隻牛出嚟，
我記得當時睇呢段新聞嘅時候係爭啲嚇爆膽囉！

事先聲明，細膽者最好搵個人一齊睇，
起碼驚得滯嘅都有個人俾你搣下手臂~

話時話，如果呢單新聞係發生喺2011年嘅今日，
應該會上晒全線報紙嘅A1囉！

速報！港姐11面試實錄

喂呀，又一年啦！

2011年度香港小姐競選終於揭幕，經過約3個星期的本地招募後，
TVB於今日(11號)就安排了80名參選佳麗到無綫電視城進行首輪面試！

參選佳麗除了要會晤五大評審外，還要首次會見傳媒，
大家需知香港的娛記並唔係人咁品，把口直情衰到無朋友，
對於這班毫無接觸過傳媒的女孩子來說，一落車就被班記者勁圍，
兼要應付他們的要求：笑下啦、擺下甫士啦、咩名呀你..
真是膽汁少啲都會暈低架陰功~

好啦，說回今年參選佳麗的質素，都好像是麻麻具多..
不過咁，話晒是首輪面試，通常都是騎呢比較搶鏡架啦，
篩咁啲走應該會好好多嘅~

立即睇睇今年部份的本地佳麗！

1號參賽者 - 呢啲quality出現喺普通office應該都會有人贊靚，不過選美啦喎
2號參賽者 - 嫩版蘇玉華？
3號參賽者 - 樣ok，髮型累事
4號參賽者 - 有無人叫pizza呀？
5號參賽者 - 評判見到呢類質素嘅佳麗，唔知個背後會講咩呢
6號參賽者 - 走日本風，算幾sweet
7號參賽者 - 清純女孩子都一向都幾有market，呢個睇怕唔會咁早被out掛
8號參賽者 - 呢個應該過隔離收費台casting啦，司徒法正個節目啱佢呀
9號參賽者 - 好似蔡少芬呀
10號參賽者 - 其實可唔可以搵人化個妝set個頭先去面試架呢
11號參賽者 - 帶咗CK仿真髮？
12號參賽者 - 太太，citysuper喺Time Square basement喎
13號參賽者 - 呢啲咪就係.. 苦笑
14號參賽者 - 幾清秀，似啱啱放洋返來，應該有得入第二round掛
15號參賽者 - 騰雞樣
16號參賽者 - 呢個算ok，有得執下
17號參賽者 - 年年面試都有一尼堆呢啲死唔除眼鏡佳麗。講真，你唔除眼鏡都已經睇到你係唔靚啦下嘛
18號參賽者 - 咦，呢件莫非是韓國入口嘅？而家韓風咁勁，有機喎
19號參賽者 - 算省鏡個批，係條裙太過低胸啫，希望有得留低啦
20號參賽者 - 我like呢個喎，幾有model型格，good luck
21號參賽者 - 帶埋口罩添吖笨

銅鑼灣辣妹 - 滿江紅小甜甜

究竟每個人的“耐辣”程度是天生的，
還是可以經過訓練而得到提升的呢？

我從小就不太吃得辣，
但朋友間卻有不少無辣不歡的男生女生，
所以久不久他們就會相約去吃四川菜。

此等飯局一般我都依然會參與，
而朋友們也會遷就我點一些不辣或微辣的菜式，
好讓我不至於無嘢落肚！

昨晚跟幾位朋友去歡樂時光，
酒過三巡，席間友人RY提議去吃四川菜。
我心想：銅鑼灣那裡有四川菜呀？
RY說：去滿江紅小甜甜！

下，那麼精神分裂的名字..

哦.. 原來這家主打四川菜的滿江紅小甜甜，
即是以前靠賣點品起家的小甜甜，
現在則兼賣四川菜..

麻辣鳳爪 - 我吃了一隻，超辣，頂不住
麻辣田雞 - 鋪在最上面的田雞因為沒有給醬汁浸著，不算太辣。田雞肉厚非常，也是勁推菜式
傷心酸辣粉 - 吃了一小條，超辣
醬鴨 - 估不到在這裡可以吃到那麼高水準的醬鴨 ，又要勁推啦
麻辣黃瓜 - 辣但尚可，黃瓜新鮮清甜爽脆
辣子雞 - 店長之選喎，同樣是十級熱氣之選啦
焗蜆 - 以錫紙包著蜆及上湯，然後進行烹調。當侍應把錫紙一割開，嘩香噴噴呀
酸菜魚片湯 - 又是另一勁推之作，令我想起台北的《黑武士》火鍋。湯底清甜而酸菜又能帶動食慾
夫妻肺片 - 四川名菜，出晒名超辣，我passed
皮蛋芫茜(鯇)魚片刀削麵 - 不辣的，魚湯鮮美，麵也極度彈牙，勁推

評語：我們一行六人光顧，個個都有贊無彈，尤其是麻辣田雞、醬鴨及酸菜魚片湯。而且這裡的價錢很相宜，10道菜連啤酒汽水，人均也不過$130。

總結：地方不算大，不太適合一大棚人聚會，三五知已幫襯比較好。另外這裡是營業到凌晨3點的，唱完K打完牌可以過來吃個消攴才回家呢！