阿鵬以外的個案

中大碩士畢業生阿鵬近幾天很火紅，全城都在談論著他的故事。其經歷彷彿令全港市民驚覺到不少80後的社交/面試/工作能力是何等令人刮.. 目.. 相.. 看..

其實這個社會現象並非甚麼新鮮事，在我的社交圈子裡已被廣泛談論了好幾年，所以讀過阿鵬的故事後，我實在不以為然。

以下是我從朋友或同事口中聽回來的一些個案。

(一) 朋友A的公司聘請會計主任，人事部在登報後不久收到一位自稱25歲的男子的查詢電話。

人事部：喂..
男子：(劈頭) 你呢度係咪請人？
人事部：係呀，我哋請會計主任，你可唔可以介紹一下你自己？
男子：我今年25歲，前年BU畢業。咁呢份工大概做啲咩架？
人事部：咁其實呢個職位主要係負責日常xxxxxx.. (下刪100字)
男子：哦..
人事部：咁你如果有興趣嘅話，介唔介意send番份CV俾我哋同留個聯絡電話方面第日約你做個interview..
男子：吓？要留電話架咩？咁唔駛啦唔該！(然後迅速掛線)
人事部：( ……… )

(二) 朋友B的廣告公司聘請了一位24歲的初級graphic designer..

這位哥哥仔在第一天上班就遇上大pitching，雖是新仔一名但也分得不少工作。據聞在當日下晝6點多(剛過了official下班時間) ，當他的team head還在給他新工作時，哥哥仔已開始西面。

輾轉到了晚上9時，當眾人仍在畫房裡埋頭苦幹，飯都未食時，這位哥哥仔突然彈起並說：我想落街買啲嘢食先！

Team head反正覺得工作有排都應該未做得完，讓他先醫醫肚再搏殺過也屬正常。怎知道.. 這位哥哥一落街就去如黃鶴，從此無回頭。

結果人事部打了4日電話才找上他，在電話中他只是輕描淡寫的說：唔好意思，我諗呢份工唔係幾適合我！

(三) 朋友C的sales team聘請有經驗銷售經理，這天她要為一名27歲，擁有兩年銷售經驗的女生面試。

朋友C：你好，好多謝你嚟面試，可以簡單介紹一下自己嗎？
女生：(翻開已放在桌上的記事簿，然後望著一些筆記) 我叫伍XX，今年27歲，5年前在xx大學畢業，主修經濟。興趣包括：看電影、聽音樂.. (他真的照著筆記逐隻字逐隻字讀出來，而期間與朋友C並無任何眼神接觸)
朋友C：(驚訝) 咁你點解對電子零件銷售有興趣呢？
女生：(再翻閱記事簿) 我對電子零件銷售有興趣是因為..
朋友C：(打斷他) 其實你可唔可以唔對住本記事簿黎答問題架呢？
女生：吓？唔可以架，因為我準備嘅嘢喺晒入面架..

(四) 朋友D的production house聘請了24歲的Brian (假名) 為製作助理。

話說在Brian上工當天的早上，Brian本人並沒有出現，反而有一位跟他年紀相約的Stephen (假名) 現身reception。

朋友D走到reception說：你係..
Stephen：我係Stephen，係Brian嘅朋友！
朋友D：哦，咁.. Brian.. 呢？
Stephen：(笑著) 佢去返咗第二份工，所以佢叫我嚟呢度代佢~
朋友D：吓？！？！？！？！？！？！？！？！

(據講當時的reception area大概有6個人，全部人的下巴都同時間跌了落地)

Ummm… 80後嘛~~

2010.06.04.700

有發生過的.. 我們是不會忘記..

晚裝秀

曾經在發白日夢的時候想過，
如果屋企是大把錢的話，
我會立即去找一份evening gown buyer，
或晚裝設計師助理的工作，
因為一見到晚裝我對眼是會發青光架！
可惜.. 我屋企不是大富人家，
並不容許我逗八千蚊人工從頭做起，
那唯有勤些check住各大品牌的fashion show止渴啦！

近日各大時裝品牌都有新搞作，
紛紛推出新一季的couture同ready-to-wear系列，
睇fashion show(相)都睇到我眼花花！

不如就等我帶大家走進各花生騷，
坐第一排VIP位睇靚衫啦..

Christian Dior - John Gailliano剛剛率領大軍到上海搞了一場大龍鳳展示新一季的couture。論排場，傳媒都說僅次於當年Chanel在長城搞的fashion show。今季的設計靈感是來自法國新浪潮電影運動，色彩非常奪目。

像放在結婚蛋糕上的美麗新娘嗎？
I'm a barbie girl, in a barbie world..
港姐可以有這樣的晚裝就好了..

Versace - 前陣子才來過香港的Donatella Versace，近年被評其設計欠新意，只是在不斷重覆又重覆。看看她新一季的作品後都不禁有點認同，那些“窿窿”實在玩得太多了。不過，我還是很喜歡Versace的剪裁呢！

好愛這一件呀
不知何解，我覺得這條白色的好余安安
無胸還可以著但無腰就萬萬不能

Valentino - Valentino設計一向都給人高貴大方的感覺，但近年都開始大步向前，推出較前衛及色彩多蘿蘿的設計，不再獨孤一味的“rosso”。

如果有靚的肩膊及鎖骨，穿上這件晚裝便如虎添翼了
很喜歡這個設計，但可以換換顏色就好了
Valention Rosso rocks!!

Armani Prive - 是近年世界各大名媛及一級女星的新寵兒！大家還記得Anne Hathaway在奧斯卡紅地氈上那條銀色勁閃晚裝嗎？真是靚到飛起！Armani Prive的設計永不會浮誇前衛，你可以說它保守，但勝在高貴典雅，著上身永不會出事。

非常柯德莉夏萍誇張的裙擺極度矚目
可以穿來參加國際性選美噃

無知

我深信世上絕大部份災難 (除天災外) 都是由無知而引起的！以下一則新聞是一大鐵證..

父母愛子心切，造成揠苗助長的新聞時見諸報端，近日《哈爾濱日報》就報道指，當地一名張姓男子覺得9歲兒子的生殖品官「太細」，擔心兒子「發育不正常」，於是給兒子餵食莊陽藥，結果生殖器官沒有壯大，反而體形變肥，醫生鑑定為性早熟，對孩子將來成長或造成影響。

據悉今年年初張父無意中發現兒子張小龍的11歲朋友的生殖器官比小龍大得多，於是擔心虛齡11歲實際年齡為9歲的小龍「發育不正常」，於是不斷餵食包括壯陽藥等「補品」給小龍進食，結果小龍體形變肥，但卻無助生殖器官的壯大，後來張父發現小龍的身體出現變化，以為是「補品」見效於是帶小龍到醫院檢查是否已經「發育正常」。

然而經過醫生的檢查後，指出由於小龍服用壯陽藥的關係，致其生殖器官超出了正常值，出現性早熟徵狀，而兒童性早熟可能會造成身高偏矮等問題，有兒科專家指孩子發育是否正常必須經醫生專業的檢查，不能隨意給兒童服用壯陽藥等激素類藥物，否則可能造成無可挽救的。

史上最大騙案？

尋日打開生果報港聞版，
登時被這宗匪夷所思的騙案吸引著，
更一路睇一路哇哇聲，
因為過程峰迴路轉，情節夠晒多汁，
我敢相信如果將這單崎史拍成劇集的話，
收視起碼拍得住《學警狙擊》！
文中紅色部份是我認為最爆笑的情節..

(轉載自4月4日蘋果日報)

情路坎坷的女文員，向路邊擺檔的相士求問姻緣，卻不知此人竟曾扮相士騙色、剛刑滿出獄。相士言之鑿鑿，力指女文員厲鬼纏身，她抱著「寧可信其有，不可信其無」的心態，跟對方返寓所，任由他在赤裸的嬌軀上畫符作法，最後更乖乖奉上相金連小費共五千多元。女文員事後懷疑遭非禮，報警拘捕相士，案件昨於觀塘裁判法院開審。

這宗淫辱奇案，發生於去年12月6日晚上10時許。疑遭騙財騙色的24歲女事主，任職文員，放工路過旺角街頭，看見51歲被告姜志偉正在旺角道東亞銀行近恒裕珠寶外擺檔睇相。由於事主「煩緊幾時姻緣到」，因此駐足觀看被告的宣傳物。被告打蛇隨棍上，邀請事主坐下睇相，她欣然同意。事主憶述，當晚她曾把幾個男同事及朋友的八字交給被告，希望得知芸芸男子當中誰和她有緣，又曾向被告詢問「如果個男仔錫我，係咪即係鍾意我」 等感情問題。

命令事主沐浴淨身
被告事發時於旺角道恒裕珠寶附近擺檔。她指「師父（即被告）同我批命、問今生、姻緣，傾到凌晨12點，然 後我問前生。」詎料被告突然煞有介事向她說：「你前生殺孽太多，隻外國鬼跟住你，不過我可以幫你開運化劫。」

當晚街上人少、風大，被告問她：「你會唔會覺得好似有陣陰風跟住你？」事主即覺準確非常，登時答應先往櫃員機提款，然後隨被告前往附近的廣東道啟運大廈寓所。甫開門事主便看見屋內正中央放置一張大床，旁邊是洗手間。此時被告稱會在她背脊作法，命令她先沐浴淨身。事主洗澡完畢，穿回胸圍及牛仔褲，用衣服遮掩上，按照被告指示俯伏床上。然後被告念念有詞，用手指沾上硃砂，在她背上畫符，「又煉又捽」。

突然被告大喝一聲：「孽畜快快現身！」接著事主聽到被告壓低聲音，扮出一把恐怖鬼聲道：「你咪理咁多?，我搵硬呢個女仔做替死鬼。」被告回應道：「同呢位施主無關，你快啲離開佢身體吧啦！」鬼聲則說：「我家走去前面。」

一陣靜默後，被告對事主說：「個隻嘢走嘢去你前面，你反轉身啦。」事主照做，不料被告突然神不知鬼不覺地解開她的胸圍扣，一手扯開她的胸圍及衣服；事主用手遮擋著，但被告立即拉開她雙手稱：「你遮住晒我點同你畫呀？」

高呼：孽畜快離開
被告手指沿事主的頸滑向右乳房，再掃向左乳，然後移到她的腹部及肚臍。此時被告又大叫「孽畜快啲離開！」但隨即扮鬼聲說：「我家走落去下邊，我睇吓你點捉我！」被告狀甚疲倦，坐了下來說：「呢隻孽畜好猛，睇嚟我要使出我嘅看家本領。」說罷他點起香燭，叫事主閉上眼別作聲，然後在她半推半就的情況下，脫去她的牛仔褲及內褲。

不久事主感覺到被告的手指在她的下體移來移去，後來更插向她的陰道。事主痛極兼大驚，質問被告：「唔使咁吓話？」惟被告堅持，事主遂要求他「咁快啲啦」。被告以手指抽插一分鐘後，大叫「我家要打到你魂飛魄散，永不超生！」繼而聲稱儀式完成。

事主打算拿回衣服離開，但被告拒絕，指要確定厲鬼下落及有沒有同黨，又不許事主穿回衣衫，以免破壞硃。但事主表示「我好凍呀」，被告聞言立即面對面伏在她身上，事主想婉拒，但被告說：「你凍嘛！」更捉著她的 手，引領她撫摸其陽具，安慰她說：「放心，我都冇反應。」

女事主付5300元
萬籟俱寂，兩人相對無言，被告忽然問事主：「聽唔聽到聲？」事主答：「聽唔到。」被告竟在她耳邊輕吹兩下道：「霍霍聲嗰兩下呢？」事主不再理會他。此時被告又突指要覆驗事主身體，用佛珠在她胸部附近遊走，然後再用手指插她下體一分鐘。

此時香燭燒完，被告指事主體內已有硃砂，大功告成，相金盛惠5,180元。事主付上5,300元，為免麻煩不用找續，然後離開案發單位。

惟事主一直心感不安，回家後淚流滿面，腦海盡是作法畫面，翌日上班也沒精打采，於是放工後找來份屬好友水晶店男東主傾訴，對方熟悉術數界人士，也稱「未聽過咁深入嘅開運化劫」，事主決定報警。

被告同月9日致電事主，相約「做多次」，她將計就計，引領警員於同日晚上前往被告檔攤，拘捕被告。本案表證成立，被告將於下周二自辯。

資料顯示，被告曾於02年扮成相士，向22歲女文員訛稱可助她令男友回心轉意，引誘她性交多次，又以她的脫衣影片進行勒索，04年在區域法院被裁定10項罪名成立，判監四年半，其後上訴反被加監兩個月。

「怕先姦後殺」　女事主不反抗
面對經驗豐富的疑似相士，為情所困的受害女文員至今仍然糊裏糊塗，一方面堅稱遭被告姜志偉伺機非禮，但另一方面卻認為當時自己接受被告作法是合情合理，「唔知佢係咪真，但寧可信其有，不可信其無」，她強調自己只係篤信風水命理之說，但不算沉迷。

現年24歲的事主面圓圓，眼細細，身材胖，甚有福相。雖然非國色天香，但她一頭及肩秀髮，配上一副金屬框眼鏡，外表尚算斯文大方。她自中五畢業後工作，間中於夜校進修。事發後她不知找誰傾訴，又不敢向家人透露半句，忐忑不安。她昨憶述當時心境，一時感觸失聲痛哭，法庭須一度小休。

「我驚真係有隻鬼」
不過，她仍然無悔當晚的決定，「我驚真係有隻鬼，因為被告做到似層層」，至於為何毫不反抗，她說：「我怕俾人先姦後殺，所以乜都聽晒佢講，離開個門口先算。」面對如此天真的女子，辯方大律師於盤問時亦不禁揶揄事主：「明明係隻外國鬼，但係後來對答時又講純正廣東話，你唔懷疑咩？」詎料事主理直氣壯道：「我唔覺得奇怪喎，有啲中國人都講英文，有啲外國人都講中文啦﹗」

至於案中被告，因未能籌足現金及人事擔保各兩萬元，至今仍遭還柙。不過他似乎未受影響，表現冷靜，靜靜細聽事主庭上供詞。其妻昨日亦有到庭旁聽。

此外，一名到庭旁聽的男子聽到奇情處，忍不住高聲大笑，遭暫委裁判官溫紹明訓斥。

紅色部份係咪好多呢？
因為過程實在無敵精彩嘛！
睇完全文我有以下的疑問：
1. 當晚她曾把幾個男同事及朋友的八字交給被告 >> 首先點解阿女仔會有同事的八字架呢？應該是平日呃呃埋埋啦..
2. 如果個男仔錫我，係咪即係鍾意我 >> 莫非打個乞嗤就是傷風？
3. 你會唔會覺得好似有陣陰風跟住你？」事主即覺準確非常 >> ..........
4. 然後隨被告前往附近的廣東道啟運大廈寓所 >> 睇相睇到返屋企都覺得ok先好！
5. 扮鬼聲說：「我家走落去下邊，我睇吓你點捉我 >> 阿女仔咁都忍到笑其實幾叻，要給她credit。
6. 不久事主感覺到被告的手指在她的下體移來移去，後來更插向她的陰道 >> 仲唔大叫喎..
7. 被告忽然問事主：「聽唔聽到聲？」事主答：「聽唔到。」被告竟在她耳邊輕吹兩下道：「霍霍聲嗰兩下呢？」>> 霍霍聲即是咩聲呢？阿女仔應該追問落去！
8. 相金盛惠5,180元。事主付上5,300元，為免麻煩不用找續 >> 成百二蚊貼士，剛剛夠一夜夫妻價喎！
9. 被告同月9日致電事主，相約「做多次」>> 呢個茂利又是一絕，唔死都無用。
10. 她仍然無悔當晚的決定，「我驚真係有隻鬼，因為被告做到似層層」>> 仲死撐！
11. 辯方大律師於盤問時亦不禁揶揄事主：「明明係隻外國鬼，但係後來對答時又講純正廣東話，你唔懷疑咩？」詎料事主理直氣壯道：「我唔覺得奇怪喎，有啲中國人都講英文，有啲外國人都講中文啦﹗」 >> 又有道理喎，河國榮就是好例子啦！

中國女排驚艷登場

尋晚中國女排對巴西場波真係睇到火都嚟，
雖然喺力量、技術同變化上，巴西都係強好多，
但輸得咁核突就醜死怪啦~
第一局明明領先都要輸，仲要喺最緊張關頭發球落網..
以為第一局貼得咁近都應該有得打吓掛，
點知越打越衰，變化又少，啲波唔單止set嚟set去都係嗰一兩個位，
仲set到鬼咁埋網，搞到大梅扣殺得好辛苦，完全發揮唔到~
第三局仲輸成11分，有無搞x錯架？
另外欄網又係勁衰，近乎一球都block唔到，
對方求其上到網一殺即死~
全場打得最衰既係李娟，擺死楊昊落場好過啦~ 唉！！
雖然話中國已經拎咗40幾面金牌，多一塊好似唔多咁，
但係如果女排可以喺自己地方攞牌，絕對係一件事嚟~
銅牌戰對古巴，形勢都係未敢樂觀，醒定啦！

好啦，鬧完之後，俾啲正嘢大家睇吓，
不過如果大家係食緊嘢既話，最好食埋先，
因為好易會噴飯架~
各位，中國女排06年“艷照”.............

超蕊蕊 - 做咩嗰角度攞成咁呀，想騷佢6呎3吋既身高？
薛明 - 嘩心口條黑線好勁喎，睇唔出噃~ 王晶可以諗吓搵佢拍七擒七縱七色狼續集..
馮坤 - 呢張幾正常，有啲超模feel添~
周蘇紅 - 都係扎返馬尾順眼啲~ 唔知佢係咪聽緊中國國歌呢？
張娜 - 肥版劉卓琪？
劉亞男 - 嗰甫士想點呢，又想“嗚”前但又怕走光咁~
楊昊 - 嘩激似陶安仁呀~~
徐雲麗 - 側面睇有啲似好“wow”既李麗蕊~
王一梅 - 噢賣吉，大梅棚牙真係completely爛~~ 唔講唔覺，經鄒凱光講完，真係覺得佢似魯芬~
李娟 - 大姑，唔該你爭氣啲啦，銅牌嗰場打好啲呀~

馬蘊雯 - 幅相好哋哋，做咩要揸住隻公仔啫~

屎撈瑾

近幾日經過銅鑼灣禮頓道近Bentley show room，

抬頭一望就見到這個勁大billboard，

第一眼望，邊位被睇中纖體呀，

望真啲.. 嘩... 雷安娜？！？！

再望埋句屎撈瑾，嘩嘩嘩.. 舊“肉”不須記！！！

好噢畸喎，至少博得我把廣告影下來然後上blog，

好過之前常在心個“誘腰求”千萬倍啦！

很想知道這個campaign有沒有主題曲呢？

“舊肉不須記，逝去脂肪以後不再提起..”..

借題發揮之疑似封面

見naruto同ogake玩得咁開心，等我都試吓先~

Fun on the cover of GQ~ 呢期專題係“愛與瘋狂”..

Fun on the cover of Popular~ 呢張相係舊年去上海做電影宣傳時候影既..

Fun&SL on the cover of TruLove~ 嘩，呢張幾時流出去架？

封面提供：MagMyPic.com

全球最佳旅遊城市香港榮登十大

【明報專訊】被譽為旅遊聖經的權威雜誌《Conde Nast Traveller》公布2007年度最佳旅遊地點，香港打入多個「最佳」項目，在最佳旅遊城市中由去年的第18位躍升至第10位。香港亦首次躋身最理想旅遊島嶼榜，赤鱲角國際機場更高踞最佳機場榜首，國泰則名列最佳長途線航空公司第6位。

《Conde Nast Traveller》的評選結果被視為旅遊業界奧斯卡，該雜誌今次的調查邀請了3萬名讀者參與，要求他們就多個項目評分，包括各地住宿設施與環境評估等等。

在最佳旅遊城市評選中，澳洲的悉尼居首，不少遊客對悉尼清潔、好客的環境，以及餐廳不同風格的菜餚留下深刻印象，紐約與巴黎分列第2和第3位。香港的成績則大躍進，連升8位打入十大。本港素有購物和美食天堂美譽，再加上璀璨的維港夜景，相信是最吸引遊客的地方。

最佳旅遊國 亞洲佔冠、季

亞洲在最佳旅遊國家中，三甲中佔了兩席位，包括排第1的印度與第3的泰國，意大利則下跌一級排第2。

有度假和蜜月天堂美譽的馬爾代夫，繼續蟬聯最佳旅遊島嶼榜的首位，希臘群島和西班牙的巴利阿里群島分列第2及第3。香港島首次入榜排第11位，其他新入榜島嶼包括排第7的印尼的峇里、第8的坦桑尼亞島嶼桑給巴爾、第10的澳洲大堡礁、第13的古巴及第19的巴哈馬。

在多個最佳機場選舉中均名列前茅的香港國際機場，在今次調查中獲選為全球最佳機場，緊隨其後的是新加坡樟宜機場和迪拜國際機場。

出外旅行經常要搭長途機，旅客心目中最佳的長途線航空公司原來是維珍航空。新西蘭航空跳升4位至第2、阿聯酋航空排第3。國泰航空則由去年排榜首下跌至第6位。

《Conde Nast Travller》周四慶祝創刊10年，今次亦是該雜誌第10年舉辦這類調查。