速報！環球小姐10 partVI

速報環姐前，有小小資料要講！

近日可能因速報環姐的貼文非常頻密，
悶親好多常客，所以每日的瀏覽人次大跌，
就以尋日為例，單日瀏覽人次得三百零，
是星期六/日無乜人睇blog的數量！

乜環姐咁趕客架咩？
哎呀.. 大家挨多一星期啦咁！

講返環姐競選，比賽氣氛越來越濃，
昨日83位佳麗被安排穿上民族服裝會見傳媒。

民族服裝一向都是我喜愛的環節之一，
因為實在令人目不暇給or捧腹大笑！

以下是今年的其中一些民族服裝，
大家認為邊位佳麗最有機會奪得民族服裝獎呢？

安哥拉小姐 - 獨角獸？
比利時小姐 - 話晒比利時都出過軒寧等的出色女網球手，變種網球裝都算啱數
加拿大小姐 - 好明顯是雪女裝
中國小姐 - 唔好再簡單啲
哥倫比亞小姐 - 全場最少布的民族服裝
多明尼加小姐 - 帶完個頭飾，條頸無理由無事囉
英國小姐 - 我覺得好肉酸

意大利小姐 - 之前啲相好似靚啲

牙買加小姐 - 這隻牙買加花蝴蝶曉唔曉regagge架呢
日本小姐 - 麻麻咋喎
韓國小姐 - 好行
墨西哥小姐 - 南美佳麗的服裝都是以誇張為賣點
紐西蘭小姐 - 代表咩啫究竟
巴拿馬小姐 - 巴拿馬小姐是去年的得獎者，這件民族服大就夠大啦，但特色欠奉，冧莊機會微

秘魯小姐 - 個燈罩是否在aluminium 買架呢
星加坡小姐 - what a民族服裝
泰國小姐 - 08年泰國小曾奪民族服裝獎，今次呢隻泰笨象又點呢
千里達小姐 - 千里達最出名就是carnival (嘉年華會)，民族服裝當然是要顏色非常鮮艷啦
土耳其小姐 - 最like這套有少少“The 5th Element”feel的民族服裝
美國小姐 - 代表咩呢下？
委內瑞拉小姐 - 眼妝有少少似當年容祖兒勁歌總選的化妝

速報！環球小姐10 partV

速報！環球小姐10 partIV
速報！環球小姐10 partIII
速報！環球小姐10 partII
速報！環球小姐10 partI