生日飯局之益新忘舊

友人VT生日，他提議去『益新』食懷舊粵菜。
『益新』是城中有名食府，當年在利舞台的時候品質最好，
後來搬了去跑馬地一陣子，吃過一次，難食死了，
後來它摺埋了一會，然後在灣仔重生！
再度登場的『益新』依然客似雲來，
今勻我吃過後又發現水準回復以往的水平喎~

蜜汁叉燒 - 同西苑有得教量下喎
金錢雞 - 味道很好但唔駛咁大件囉，肥豬肉嚟架，一口一啖就最適合
米鴨 - 無米架喎，唔知點解叫米鴨呢？鴨肉超嫩，墊底的雲耳及鮮筍又吸收晒肉汁的精華
煙倉魚 - 招牌菜，唔會衰啦
豉汁帶子蒸豆腐 - 好厚好大粒帶子啊
花彫蛋白蒸蟹 - 好香酒味，蛋百亦當然滑一滑啦
炸骨 - 即炸無骨豬排
鴨汁章魚雞粒焗飯 - 好鬼大缽，有雞有章魚有洋蔥有甘筍有菇，老遠已經聞到陣香味
壽包 - 都ok，不過當然唔及得上『海都』又或者利舞台的『玉桃軒』