關心心妍

拜三晚一邊上網一邊看《勁歌金曲》，
其中一位嘉賓是關心妍，
她唱了新歌《龐貝‧21世紀》，一首勁rock作品，
現在上勁歌，話之你是唱得之人如關淑怡，
抑或走音走到去羅湖的鄧麗欣，一律都要唱live！
關小姐supposingly是唱得之人，但這一首rock歌....
我聽到想插大髀兩刀囉~~ 驟耳聽以為是Mini上身！
無情情搞咩要做rock女先？
記得初出道的關心妍以唱功紮實見稱，又懂吹色士風，
走少少才女路線，個market幾受架喎，
首張專輯經已大賣3萬張，又囊括所有女新人金獎(咁滯)，
理應有機繼續上位，誰知以極速開完個唱之後就開始謝皮！
關小姐見勢色唔對就開始諗計求變，
又唱jazz又玩big band又拋胸又作勢，家陣仲唱埋rock扮何超。
但這些所謂“變”不但沒有令其事業有起色，
反而更惹人反感，見親她都不禁“妖妖聲”！
早前看過一篇關小姐的專訪，
她表示如果有一天觀眾都不再喜歡自己，
她絕不會死賴，默默離場算數！
奉勸關心妍都是努力做好本份，唱好歌..
我建議她下一張專輯走回全慘情歌路線，
話晒她都是靠眼淚起家嘛，
嗱，連歌名我都諗埋，希望她啱駛啦~~

《關心心妍‧慘無人道Forever》專輯10軌包括：
1. 今非昔比
2. 攞苦嚟辛
3. 死唔斷氣
4. 心甘命抵
5. 聽天由命
6. 無期徒刑
7. 心裡有數
8. 罪有應得
9. 慘絕人寰
10. 命不該絕