人山人海

今日唔駛返工，

起身之後喺屋企整吓東整吓西，

不經不覺已經成兩點，

整整吓突然醒起未買新床單etc..

嘩，嗱嗱聲仆去買啦梗係，

今日係年三十晚，三點後銅鑼灣會淪陷架啦嘛~

買完晒野已經近四點，我第一時間衝返屋企，

由利舞台行返去崇光方向，沿途已經人山人海，

四圍都“陷陷”聲，個個一袋二袋急急腳..

咁究竟今日下晝四點鐘銅鑼灣既情況係點架呢？

不如一齊睇吓啦..

呢個崇光對出既十字路口，平日都拍得住涉谷，今日直情勁過呀~

崇光門口.. 我望入大堂係插針都唔入呀~

地鐵近崇光出口.. 反而地鐵唔算好多人喎..

呢度係百得新街同記利左治街交界.. 多人到呢..

呢間廿四小時惠康平日已經好癲，今日啦喎.. 癲多五倍..

除非你想行花市，如果唔係大家無咩事今晚都係唔好嚟銅鑼灣啦~